2Sam 20:8 - ÎVUKU RÎA ÛVORO MWARO

⁸ Rîrîa maakinyire îthigarî rîrîa înene rîrîa rîarî Gibeoni, Amasa nîwathiîre kûmatûnga. Joabu eekîrîte nguo cia mbaara na aarî na rûviû rûrî njûrarî arûovererete mûcivirî wake. Joabu athiîte, rûviû rwake nîrwagûîre nthî.

2Sam 20:8 ပူးပေါင်းရင်းမြစ်များ

2Sam 2:13

Nake Joabu, ûrîa ng'ina eetagwa Zeruia na ndungata icio ciîngî cia Daudi nîmaathiîre na magîtûngana na Ishiboshethu na andû ake vakuvî na karia ka Gibeoni, nao onthe magîkara nthî. Gîkundi kîmwe nîgîekarire nthî mwena ûmwe wa karia, nakîo gîkundi kîu kîngî gîgîkara mwena ûcio wîngî wa karia kau.

2Sam 3:30

Kwoguo Joabu na mûrwang'ina Abishai maaûragire Abineri nîguo merîvîrîrie kûûragwa kwa mûrwang'ina Asaheli ûrîa Abineri aaûragîre mbaararî îrîa yarî Gibeoni.

Mathaayo 3:4

Johana eekagîra nguo yathondeketwe na guoya wa ngamîîra. Eeyovaga mûcivi wa rûûo kîûnûrî, na irio irîa aarîcaga ciarî ngige na ûûkî wa kîthaka.

Atir 3:16

Ehudi nîweturithîtie rûviû rwa njûra rûarî rûûgî mîena yoîrî na rûarî na ûraca wa cendimita mîrongo îtano. Ethagîrwa arûovererete kîûnûrî gîake mwena wa ûrîo rungu rwa nguo ciake.