2Sam 20:22 - ÎVUKU RÎA ÛVORO MWARO

²² Mûndûmûka ûcio nîwacokire akîthiî kûrî andû onthe arî na mûvango ûcio na akîaria nao na njîra îrî na ûûgî. Nao nîmaatinirie kîongo Kîam Sheba na magîgikîria Joabu mwena ûcio wîngî wa rûthingo. Joabu nîwacokire akîvuva karumbeta nîguo andû ake maume îtûûrarî rîu na menûke wa mûndû gwake mûciî. Nake Joabu nîwacokire Jerusalemu kûrî mûthamaki.

2Sam 20:22 ပူးပေါင်းရင်းမြစ်များ

2Sam 18:16

Joabu nîwacokire akiuga karumbeta kavuvwe nîguo andû matige kûrûa. Nao andû ake nîmaacokire na magîtiga kûvinyûria Aisiraeli.

2Sam 18:17

Nîmoocire kimba Kîam Abusalomu, magîgikia îrimarî îraca mûno rîarî kûu mûtitûrî, magîcoka makîûmbîrîra mathiga meengî mûno vo. Nao Aisiraeli onthe nîmaaûrire makîthiî kwao mîciî.

2Sam 2:28

Joabu nîwavuvire karumbeta nao andû ake onthe magîtiga kûvinyûria Aisiraeli, na kwoguo mbaara nîyathirire.

2Sam 20:1

Kûu Giligali kwarî na mûndû warî kîmaramari wetagwa Sheba. Sheba aarî mûvîcî wa Bikiri wa kuuma mûvîrîga wa Benjamini. Sheba nîwavuvire karumbeta na akiuga atîrî, “Tue tûtikwenda Daudi! Tûtikûmûrûmîrîra! Andû a Isiraeli nîtwînûkeni wa mûndû gwake mûciî!”

2Sam 20:16

Îtûûrarî rîu kwarî na mûndûmûka ûmwe warî mûûgî. Mûndûmûka ûcio nîwetanire arî rûthingorî na akiuga atîrî, “Tathikîrîriani! Tathikîrîriani! Îrani Joabu aûke ava, nîûndû nînîrenda kwaria nake.”

Mûvunjia 7:19

Ûûgî nîûtûmaga mûndû ûrî na ûmenyo agîa na vinya nyîngî gûkîra vinya wa atongoria îkûmi marî îtûûra.

Mûvunjia 8:11

Ngoro cia andû ciîthagîrwa ciîvarîrîtie gwîka maûndû marîa macûku nîûndû îverithia rîa ûndû mûcûku rîtiîkagwa na îvenya.