2Sam 20:19 - ÎVUKU RÎA ÛVORO MWARO

¹⁹ Tûrî andû a îtûûra înene gûkû Isiraeli. Tûrî andû arîa mendete thayû na evokeku mûno gûkû Isiraeli. Ûrenda gûcûkangia îtûûra nîkî? Nîndûî kîratûma wenda gûcûkangia kîrîa Ngai-Mûnene ethuurîrîte?”

2Sam 20:19 ပူးပေါင်းရင်းမြစ်များ

Kîam 18:23

Iburahimu nîwathiîre kûrî Ngai-Mûnene na akîmûria atîrî, “Ûgacûkangia andû arîa acûku wa vamwe na arîa aro?

2Sam 14:16

Nîreciragia nîûkûnthikîrîria na ûmvonokie kuuma kûrî mûndû ûrîa ûrenda kûûraga mûvîcîwa vamwe nanie nîguo atûrute vûrûrirî ûrîa Ngai aaveere andû ake.

2Sam 17:16

Hushai nîwathiîre na mbere kwîra athînjîri-Ngai acio atîrî, “Tûmanani na îvenya kûrî Daudi na mûmwîre ûmûnthî ndakaraare werûrî varîa andû maringagîra rûnjî. Nwatî agerie ûrîa angîvota aringe mûringo wa Jorodani na îvenya nîguo ke mwene na andû ake onthe matikanyitwe maûragwa.”

2Sam 20:18

Mûndûmûka ûcio nîwerire Joabu atîrî, “Tene mûno, andû maaugaga atîrî, thiîni mûgatuîrie ûvoro îtûûrarî rîa Abeli na ûguo nîguo andû meekaga.

2Sam 20:20

Nake Joabu nîwacokirie atîrî, “Naarî, nie ndigaacûkangia kana nthirie îtûûra rîenyu!

2Sam 21:3

Kwoguo Daudi nîwetire andû acio a Gibeoni na akîmaûria atîrî, “Mûrenda nîmwîkîre atîa? Nîrenda kûmûrîvîrîria nîûndû wa maûndû macûku marîa mwekirwe nî Saûlo nîguo mûrathime andû a Ngai-Mûnene.”

1Atha 8:53

We nîwe wamathuurire kuuma kûrî andû onthe a gûkû nthî nîguo matuîke îgai rîaku, wata ûrîa waririe na njîra ya Musa, ndungata yaku rîrîa we Mwathani, Ngai-Mûnene warutire methe metû Misiri.”

Thaburi 106:5

nîguo monage andû aku makîgîa na ûtûûro mwaro, nîguo ngenanagîre na vûrûri waku, na ngaakenanîra na andû aku.

Thaburi 124:3

nama nîmangîatûmeririe tûrî mwoyo, rîrîa meecûrirwe nî marakara nîûndû wetû;

Thaburi 33:12

Kûrathimwa nî vûrûri ûrîa Ngai wa guo arî Ngai-Mûnene wao, kûrathimwa nî andû arîa athuurîte nîguo matuîke ake kîûmbe!

Thaburi 78:71

Aamûrutire wîra wa kûrîthia ng'ondu na twana twa ng'ondu, nîguo atuîke mûthamaki wa Isiraeli, na arîthagie andû a Ngai.

Jeremia 51:34

Nebukadinezarû mûthamaki wa Babuloni nîacûkangîtie Jerusalemu na agakwananga. Agûtigîte gwîkariî ta nyûngû îtarî na kîndû, akûmeretie ta njûnamatu. Eyocerete kîrîa kîonthe akwenda, agacoka agata indo icio ciîngî.

Jeremia 51:44

Nîngaverithia Beli ngai ya Babuloni, na ndûme îrute kîrîa îmeretie; mavûrûri matikaathiî kûrî ke rîngî. Rûthingo rwa Babuloni nîrwomomoku.

Maca 2:16

Nthû ciaku cionthe ciathamagia ikaria maûndû macûku makwîgiî, macaaga na makarîa magego makiugaga: “Nîtûmûcûkangîtie! Nama ûyû nîguo mûthenya tûtwîre twetererete; rîu nîwakinya na nîtwawona!”

Maca 2:2

Ngai-Mûnene nîacûkangîtie matûûra monthe ma Isiraeli atarî na ntha. Nîomomorete nthingo cionthe irîa igitagîra andû a Juda. Ngai-Mûnene nîanyûrûrûkîtie mothamaki vamwe na aathani.

Maca 2:5

Ngai-Mûnene atuîkîte ta nthû na agacûkangia Isiraeli, nîacûkangîtie mîciî ya athamaki onthe a Isiraeli, na akomomora matûûra marîa magitîre. Nîatûmîte kîrîro na macakaya ciongerereke kûrî andû a Juda.

Ndari 16:32

na makîmerua marî na andû a nyomba ciao vamwe na arûmîrîri onthe a Kora na indo ciao cionthe.

Ndari 26:10

Nayo nthî nîyathamirie îkîmameria onthe magîkua. Maakwire vamwe na Kora wana arûmîrîri ake rîrîa mwaki wavîvirie andû magana maîrî ma mîrongo îtano (250). Ûndû ûcio watuîkire wa gûkaania andû acio engî a Isiraeli kûregana na Ngai-Mûnene.

1Akor 15:54

Kwoguo vîndî îrîa mwîrî ûrîa woraga ûkaagarûrûka ûtuîke mwîrî ûrîa ûtoraga, na mwîrî ûrîa ûkucaga naguo ûgarûrûke ûtuîke mwîrî ûrîa ûtakucaga, mandîko matheru nîmakaavingua marîa maugîte atîrî: “Gîkuû nîgîcûkangîtue, ûvootani nî mûkinyanîru!”

2Akor 5:4

Rîrîa tûrî îgemarî rîîrî rîa nthî, tûvevûkaga tûkîgua tûrî akinyîrîrie. Tî atî nîkwa tûkwenda gûtigana na mîîrî yetû ya gûkû nthî, nwatî tûrenda twîkîrwe mîîrî îrîa ya îgûrû. Na twekîrwa mîîrî îo, mîîrî îrîa îkucaga nî îkaagarûrwa îtuîke ya gûtûûra.

Gûco 20:10

“Mwatonya îtûûrarî wa rîonthe kûrûa, mbere ya mwambîrîria mbaara nao, mûkaamaûria kana nîmakwenda thayû.

Gûco 32:9

Nîwathuurire njiarwa cia Jakovu matuîke andû ake, na akîmamûra matuîke andû ake.

1Tim 2:2

Voyagîrani athamaki na anene onthe nîguo twîkarage tûkirîrîtie, tûrî na thayû, twînyivîtie mbere ya Ngai na tûrî na mîtugo mîaro.

Atir 5:7

Arîmi nîmaathirîte Isiraeli, nîmaathirîte, nginya rîrîa we Debora waûkire, wîkariî ta ng'ina wa Isiraeli.

1Sam 10:1

Nake Samueli nîwocire kanyûngû karî na maguta na agîtîrîria Saûlo maguta mau kîongorî gîake, akîmûmumunya, na akiuga atîrî, “Ngai-Mûnene nîagwîtîrîrîtie maguta nîguo ûtuîke mûthamaki wa andû ake a Isiraeli. We nîûgatongoria andû ake na ûmagitîre kuuma kûrî nthû ciao cionthe. Naguo ûndû ûrîa ûgakwonia nama atî Ngai-Mûnene nîakûthuurîte nîguo ûtuîke mûthamaki wa andû ake nî atî:

1Sam 26:19

Mwathi wakwa, rîu thikîrîria ûrîa ndungata yaku îkuga. Ethîrwa nî Ngai-Mûnene ûtûmîte wende kûmbûraga, nînîmûrutîra îtega nîguo agarûre îtua rîake. Nwatî ethîrwa nî andû matûmîte, Ngai-Mûnene arotûma magwatwe nî kîrumi nîûndû nîmamîngatîte ngauma îgairî rîrîa Ngai-Mûnene aatûveere na makiuga atî, ‘Thiî ûgatungatîre ngai ng'eni.’