2Sam 2:7 - ÎVUKU RÎA ÛVORO MWARO

⁷ Rîu îyûmîrîrieni na mûgîe na vinya! Nîûndû Saûlo mûthamaki wenyu nî mûkuû, na andû a Juda nîmanthuurîte nduîke mûthamaki wao.”

2Sam 2:7 ပူးပေါင်းရင်းမြစ်များ

Kîam 15:1

Vuva wa maûndû mau, Ngai-Mûnene nîwaumîrîre Aburamu na njîra ya kîoneki na akîmwîra atîrî, “Aburamu, tiga kwîgua guoya. Nie nîngaakûgitîra kuuma kûrî mogwati na nîngaakûva kîveo kînene.”

2Sam 10:12

Îyûmîrîrie! Tûrûe na vinya nîûndû wa andû etû na matûûra ma Ngai wetû. Nake Ngai-Mûnene aroeka wa ûrîa akwona kwagîrîre.”

2Sam 2:6

Nake Ngai-Mûnene aromûva wendo ûrîa ûtathiraga na amwîkage maûndû ma kîvooto. Nanie ngaamûtungatagîra waro nîûndû wa ûguo mwekire.

2Sam 2:8

Abineri mûvîcî wa Neri, ûrîa warî mûnene wa mbûtû ya mbaara ya Saûlo nîwatorokete na Ishiboshethu mûvîcî wa Saûlo akathiî nake mûringo wa Jorodani na magîkinya Mahanaimu.

2Sam 5:3

Kwoguo atongoria onthe a Isiraeli nîmaathiîre kwî mûthamaki kûu Heburoni. Mûthamaki Daudi nîwathondekire kîrîkanîro nao na makîmwîtîrîria maguta nîguo atuîke mûthamaki wa vûrûri wa Isiraeli.

2Atha 11:12

Jehoiada nîwacokire akîruta Joashi, mûvîcî wa mûthamaki nja na akîmwîkîra nthûmbî kîongo na akîmûnengera mawatho ma kûrûmîrîrwa nî mûthamaki. Joashi nîwacokire agîtîrîrua maguta na agîtuîka mûthamaki. Andû nîmaaringaringire mvî ciao na makiugîrîria atîrî, “Ûrotûûratûûra mûthamaki!”

Nehemia 2:18

Nînaacokire ngîmeera ûrîa Ngai ethîrîtwe akîndethia na ûrîa mûthamaki aambîrîte. Nao nîmaaugire atîrî, “Tigani twambîrîrie gûtuma rîngî.” Nao nîmeevarîrie kwambîrîria kûruta wîra.

1Akor 16:13

Îkaragani mwîvarîrîtie na mwîkindîrîtie wîtîkiorî wenyu. Gîani na ûmîrîru. Gîani na vinya.

Aefeso 6:10

Rîu ngîrîkîrîria, nîramwîra mûgîcage na vinya mûmagîrîrie mûrî ndaarî ya Mwathani na mûvotithîtue nî vinya mwîngî wake.

1Sam 31:12

andû onthe arîa aûmîrîru mûno nîmaathiîre ûtukû mûgima nginya magîkinya Bethi Shani. Nîmaacurûkirie mwîrî wa Saûlo na mîîrî ya anake ake kuuma rûthingorî, makîmîvira Jabeshi na makîmîvîvîria kuo.

1Sam 31:7

Rîrîa Aisiraeli arîa maarî mwena ûcio wîngî wa Kîamnda Kîam Jezireeli na arîa maarî mwena wa îrathîro wa rûnjî rwa Jorodani meegwire atî andû a Isiraeli nîmaûra, na atî Saûlo na anake ake maarî akuû, nîmaatiganîrie matûûra mao na makîûra. Nao Afilisiti nîmaathiîre na magîtûûra matûûrarî mau.

1Sam 4:9

Mwîyûmîrîrieni Afilisiti aya na mûrûe ta arûme, nîguo tûtigatuîke ngombo cia Ahibirania ta ûrîa maarî ngombo cietû. Kwoguo rûani ta arûme.”