2Sam 2:5 - ÎVUKU RÎA ÛVORO MWARO

⁵ nîwatûmire anjama amwe mathiî kuo makeere andû a Jabeshi atîrî, “Ngai-Mûnene aromûrathima nîûndû wa gîtîîo kîrîa mwonirie mûthamaki wenyu Saûlo na njîra ya kûmathika.

2Sam 2:5 ပူးပေါင်းရင်းမြစ်များ

Kîam 14:19

Nîwamûrathimire na akiuga atîrî, “Ngai ûrîa ûrî Îgûrû Mûno, ûrîa waûmbire îgûrû na nthî arorathima Aburamu!

Kîam 14:22

Aburamu nîwamûcokerie atîrî, “Nie nîngwîvîta nîrî mbere ya Ngai-Mûnene, Ngai ûrîa ûrî Îgûrû Mûno, na ûrîa waûmbire îgûrû na nthî

2Sam 15:20

Ûraûkire gûkû îvinda îkuvî, na kwoguo ndirona kûrî na gîtûmi gîa tûthiî tûkaûrûre nawe. Wana ndiîcî kûrîa nthiîte. Cokani mûrî na andû arîa mumîte vûrûri ûmwe nao. Ngai-Mûnene arokwonia wendo ûtathiraga na akwendage vîndî cionthe.”

2Sam 21:12

nîwathiîre na agîoca mavîndî ma Saûlo na ma mûvîcî wa Saûlo, Jonathani kuuma kûrî andû a Jabeshi kûu Gileadi. (Andû a Jabeshi maaîîte mavîndî mau na makamaruta gatagatî ga îtûûra rîa Bethi Shani kûrîa Afilisiti maamacurîtie îgûrû mûthenya ûrîa maaûragîre Saûlo kîrîmarî Kîam Giliboa.)

Thaburi 115:15

Mûrorathimwa nî Ngai-Mûnene, ûrîa waûmbire îgûrû na nthî!

Josh 2:14

Nao arûme acio nîmaamwîrire atîrî, “Ethîrwa ndûkeera mûndû wana ûrîkû ûrîa twîthîrîtwe tûgîka, nîtûkwîranîra na ma atî nîtûgaakwîguîra ntha rîrîa Ngai-Mûnene agaatûvotithia kwîgwatîra vûrûri ûyû. Na tûngîkaarega kûvingia ûguo tweranîra, Ngai nîagaatûûraga.”

Atir 21:8

Nîmaacokire makîûria atîrî, “Gatagatîrî ka mîvîrîga ya Isiraeli, nî mûvîrîga ûrîkû ûtaathiî mbere ya Ngai-Mûnene kûu Mizipa?” Nîmaamenyire atî gûtirî mûndû wanarî ûmwe kuuma Jabeshi-gileadi warî mûcemaniorî ûcio.

Ruthu 1:8

Naomi nîwamerire atîrî, “Cokani kwenyu mîciî wa mûndû agekare na ng'ina. Ngai-Mûnene aromwîka maûndû maro wata ûrîa mûmbîkîte waro na mûgeka acio marîkîtie gûkua.

Ruthu 2:20

Naomi nîwamwîrire atîrî, “Ngai-Mûnene arorathima Boazu! Ngai-Mûnene atugaga waro andû arîa marî mwoyo wana arîa akuû.” Naomi nîwacokire akîîra Ruthu atîrî, “Mûndû ûcio nî wa mbarî yetû, na nî ûmwe wa arîa mangîtûgaa.”

Ruthu 3:10

Nake Boazu nîwerire Ruthu atîrî, “Mûndûmûka ûyû, Ngai-Mûnene arokûrathima nîûndû nîwonanîtie wîvokeku mûnene makîria na njîra ya ûrîa ûreka rîu wana gûkîra ûrîa wekire nyaciaraguo. We nî ûngîathiîre gûcaria mwanake, arî mûthîni kana arî gîtonga, nwatî we ndweka ûguo.

1Sam 11:1

Kîndû ta mweri ûmwe wathira, Mûthamaki Nahashu ûrîa warî Mûamoni nîwatongorerie athigari ake na makiunûkia mathiîte kûrûa na andû a îtûûra rîa Jabeshi kûu vûrûrirî wa Gileadi. Nao nîmaathiûrûrûkîrie îtûûra rîa Jabeshi. Nao andû onthe a Jabeshi makîra Nahashu atîrî, “Tiga tûthondeke kîrîkanîro nawe, na nîtûgwîtîkîra ûtuîka mûtongoria wetû.”

1Sam 11:9

Nao makîra anjaama acio maaûkîte kûrî o maumîte Jabeshi atîrî, “îra andû enyu atî nîmakaavonokua rûyû mbere ya thaa thita cia mûthenya ikinye.” Nao andû a Jabeshi makinyîrwa nî ndûmîrîri îo nî maakenire mûno

1Sam 15:13

Nake Samueli akinya kûrî Saûlo, Saûlo nîwamwîrire atîrî, “Ngai-Mûnene arokûrathima Samueli! Nie nîmvingîtie ûrîa Ngai-Mûnene athanîte.”

1Sam 23:21

Nake Saûlo nîwacokirie atîrî, “Ngai-Mûnene aromûrathima nîûndû wa ûrîa mûmbîguîrîrîte ntha!

1Sam 24:19

Nî mûndû ûrîkû ûngînyita nthû yake na akamîrekereria îthiî atamîkîte ûûru? Ngai-Mûnene arokûrathima nîûndû wa ûguo wambîka ûmûnthî.