2Sam 2:13 - ÎVUKU RÎA ÛVORO MWARO

¹³ Nake Joabu, ûrîa ng'ina eetagwa Zeruia na ndungata icio ciîngî cia Daudi nîmaathiîre na magîtûngana na Ishiboshethu na andû ake vakuvî na karia ka Gibeoni, nao onthe magîkara nthî. Gîkundi kîmwe nîgîekarire nthî mwena ûmwe wa karia, nakîo gîkundi kîu kîngî gîgîkara mwena ûcio wîngî wa karia kau.

2Sam 2:13 ပူးပေါင်းရင်းမြစ်များ

2Sam 2:18

Nao anake athatû a Zeruia, Joabu, Abishai na Asaheli maarî vo. Asaheli ûrîa warî na îvenya ta nthwariga,

2Sam 20:23

Joabu nîke warî mûnene wa athigari onthe a mbaara a Isiraeli; nake Benaia mûvîcî wa Jehoiada nîke warî mûnene wa athigari arîa maarangagîra Daudi;

2Sam 20:8

Rîrîa maakinyire îthigarî rîrîa înene rîrîa rîarî Gibeoni, Amasa nîwathiîre kûmatûnga. Joabu eekîrîte nguo cia mbaara na aarî na rûviû rûrî njûrarî arûovererete mûcivirî wake. Joabu athiîte, rûviû rwake nîrwagûîre nthî.

2Sam 23:24

Athigari arîa maarî a gîkundi kîu Kîam njamba mîrongo îthatû maarî: Asaheli, mûrwang'ina na Joabu, Elihanani mûvîcî wa Dodo wa kuuma Bethilehemu,

2Sam 8:16

Joabu, ûrîa ng'ina eetagwa Zeruia nîke warî mûnene wa athigari. Nake Jehoshafati mûvîcî wa Ahiludi nîke wamenyagîrîra mandîko.

1Atha 1:7

Nîwaririe na Joabu, (ûrîa ng'ina eetagwa Zeruia) na Abiatharu, mûthînjîri-Ngai, na magîtîkîra gûtethia Adonija na makîmûrûmîrîra.

1Atha 2:5

“Taririkana ûrîa Joabu mûvîcî wa Zeruia aambîkire. Ke nîwaûragire anene aîrî a athigari a Isiraeli, Abineri mûvîcî wa Neri na Amasa mûvîcî wa Jetheri. Aamaûragire vîndî îrîa kwarî na thayû nîguo erîvîrîrie nîûndû wa ûrîa maaûraganîte vîndî îrîa kwarî na mbaara. Ke aaûragire andû mataarî na mavîtia na ûndû ûcio eekire ûkînjokerera, na nîguo ûtûmîte ngîe na mathîna.

1Maû 11:6

Daudi nîwaugire atîrî, “Mûndû ûrîa ûgaatongoria kûtharîkîra andû a Jebusi nîke ûgaatuîka mûnene wa athigari onthe a mbaara!” Joabu, mûvîcî wa Zeruia nîwamatongoririe, kwoguo nîwatuirwe mûnene wa athigari.

1Maû 2:16

Aa mwarwang'ina maarî: Zeruia na Abigaeli. Mwarî wa Jesii ûrîa wetagwa Zeruia aarî na anake athatû; Abishai, Joabu na Asaheli.

1Maû 27:7

Mweri wa kana, Asaheli mûrwang'ina na Joabu nîke warî mûnene wa kana wa gîkundi Kîam athigari 24,000. Zebadia mûvîcî wa Asaheli nîwacokire agîtuîka mûnene vuva wa îthe.

Jeremia 41:12

Kwoguo nîmoocire arûme ao onthe na makîthiî kûrûa na Ishumaeli mûvîcî wa Nethania. Maamwîthîre ndiarî nene îrîa îrî Gibeoni.

1Sam 26:6

Daudi nîwaûririe Ahimeleku ûrîa Mûhiti na Abishai mûrwang'ina na Joabu (ng'ina eetagwa Zeruia) atîrî, “Nî ûrîkû gatagatîrî kenyu muoîrî tûkûthiî nake îgemarî rîa Saûlo?” Nake Abishai nîwacokirie atîrî, “Nî nie.”