2Sam 19:39 - ÎVUKU RÎA ÛVORO MWARO

³⁹ Daudi na andû ake onthe nîmaaringire Jorodani. Nîwacokire akîmumunya Barizilai na akîmûrathima. Vuva wa ûguo Barizilai nîwacokire gwake mûciî.

2Sam 19:39 ပူးပေါင်းရင်းမြစ်များ

Kîam 14:19

Nîwamûrathimire na akiuga atîrî, “Ngai ûrîa ûrî Îgûrû Mûno, ûrîa waûmbire îgûrû na nthî arorathima Aburamu!

Kîam 28:3

Ngai mwene vinya wonthe arokûrathima na akûve njiarwa nyîngî, nîguo ûgaatuîka îthe wa ndûrîrî nyîngî.

Kîam 31:55

Mûthenya ûcio wîngî kîraûko, Labani nîwamumunyire aa ûcûwe wa vamwe na erîtu ake na akîmarathima. Nîwacokire akîmatiga akînûka.

Kîam 45:15

Josefu wa akîrîraga, nîwamumunyire aa mûrwang'ina acio engî onthe, ûmwe kwa ûmwe. Vuva wa ûguo, aa mûrwang'ina acio nîmaambîrîrie kwaranîria nake.

Kîam 47:10

Jakovu nîwarathimire mûthamaki wa Misiri agîcoka akîthiî.

Kîam 47:7

Josefu nîwacokire akîvira îthe Jakovu kûrî mûthamaki wa Misiri, na Jakovu akîrathima mûthamaki wa Misiri.

2Sam 13:25

Nwatî mûthamaki nîwerire Abusalomu atîrî, “Naarî mûvîcîwa, tûngîthiî tuonthe twavota gûgûkuithia mûrigo mûrito.” Abusalomu nîwaringîrîrie mûthamaki mathiî, nwatî mûthamaki nîwaregire na nîwarathimire Abusalomu na akîmwîra athiî.

2Sam 14:33

Joabu nîwathiîre kûrî mûthamaki Daudi na akîmwîra ûrîa Abusalomu aaugîte. Mûthamaki nîwacokire agîtûmanîra Abusalomu. Rîrîa Abusalomu aakinyire kûrî mûthamaki, nîwenamîrîre arî mbere yake na gîtîîo, na mûthamaki akîmûmumunya.

2Sam 19:38

Nake mûthamaki nîwacokerie Barizilai atîrî, “Nîngûthiî nake na nîmwîke ûrîa wonthe ûngîenda. Nîngakûvingîria ûrîa wonthe ûkambûria.”

2Sam 6:18

Rîrîa Daudi aarîkirie kûruta magongoona mau, nîwarathimire andû na rîîtwa rîa Ngai-Mûnene mwene vinya wonthe,

2Sam 6:20

Vuvarî rîrîa Daudi aathiîre kûrathima andû a mûciî wake, Mikali mwarî wa Saûlo nîwathiîre kûmûtûnga na akîra Daudi atîrî, “Kaî mûthamaki wa Isiraeli nîatûmîte atîwe ûmûnthî-î! Ke eguûririe nguo yake ya ûthamaki methorî ma ndungata ciake cia erîtu ta mûndû mûritu!”

1Atha 19:20

Elisha nîwacokire agîtiga ndegwa ciake, akîvinyûra kûrî Elija na akîmwîra atîrî, “Tiga nyambe mbugîre vava na nyanya ûvoro, njoke ngûrûmîrîre.” Elija nîwamwîrire atîrî, “Îî coka; nie ndirakûgiria.”

Ndari 24:25

Kwoguo, Balaamu nîwacokire mûciî nake Balaki akîthiîra.

Luka 2:34

Simioni nîwamarathimire, agîcoka akîîra Mariamu ng'ina wa Jesû atîrî, “Ngai athuurîte mwana ûyû nîguo acûkangie na avonokie andû eengî arîa marî vûrûrirî wa Isiraeli. Mwana ûyû akeethîrwa arî kîmenyithia kîrîa andû eengî makaaria maûndû macûku make,

Ciîko 20:37

Andû onthe nîmaarîrire, makîmûmumunya na makîmugîra ûvoro.

1Ath 5:26

Kethiani ariû na aarî a îthe wetû onthe na ngethi ntheru cia kûmumunyana.

Ruthu 1:14

Nao nîmambîrîîrie kûrîra rîngî. Oripa nîwacokire akîmumunya nyaciarawe, akîmuugîra ûvoro na agîcoka kwao mûciî, nwatî Ruthu nîmaathiîre na nyaciarawe.

1Sam 24:22

Nake Daudi nîwerîre Saûlo atî nîageka ûguo. Saûlo nîwacokire mûciî, nake Daudi na andû ake magîcoka kûrîa meethithîte.