2Sam 19:28 - ÎVUKU RÎA ÛVORO MWARO

²⁸ Andû onthe a mûciî wa vava maagîrîrwe nî kûragwa nîwe mwathi wakwa. Nwatî we nîwonire mbagîrîrwe nî kûrîcanîra nawe. Kwoguo ndiagîrîrwe nî gûkwîra ûmvingîrie ûndû wanarî ûrîkû mwathi wakwa.”

2Sam 19:28 ပူးပေါင်းရင်းမြစ်များ

Kîam 32:10

Ndirî mwagîrîru wanarî vanini wa kwonua wendo ûtathiraga na wîvokeku ûrîa ûmonetie nie ndungata yaku. Naaringire rûnjî rwa Jorodani nîrî na mûragi tu, na rîu naûka na ikundi igîrî.

2Sam 14:17

Nîreîraga atî ûrîa mwathi wakwa ûkambîra nîguo ûgatûma mvorere, nîûndû mûthamaki ekariî ta mûraika wa Ngai na nwa avote gûkûûrana gatagatî ka ûndû mwaro na ûndû mûcûku. Ngai-Mûnene, Ngai waku aroekara nawe!”

2Sam 14:20

Îrekire ûguo nîguo îcenjie maûndû mau. Nwatî we mwathi wakwa wî na ûûgî ta wa mûraika na nîwicî maûndû monthe marîa mekîkaga.”

2Sam 15:26

Nwatî angîthîrwa tî mûkenu nînie gûtirî ûndû, nîakambîka wa ûrîa akoona kwagîrîrîte.”

2Sam 16:3

Mûthamaki nîwaûririe Ziba atîrî, “Mefiboshethu mûvîcî wa mwathi waku arî kû?” Nake Ziba nîwamûcokerie atîrî, “Arî Jerusalemu, nîûndû nîetîkîtie, atî ûmûnthî Aisiraeli nîmakûmûcokeria ûthamaki wa îthe Saûlo.”

2Sam 19:29

Mûthamaki nîwacokerie Mefiboshethu atîrî, “Ndwagîrîrwe nî kwîyarîrîria rîngî. Nînduîte atî we mûrî na Ziba nî mûkûgaana indo cia Saûlo.”

2Sam 9:10

Nwatî we, anake aku na ndungata ciaku mûkaarîmagîra mîgûnda ya Saûlo, na mûkaretaga maciaro mayo, nîguo mûvîcî wa mwathi waku onage gîa kûrîa. Nwatî nie tûkarîcanagîra na Mefiboshethu vingo cionthe.” (Ziba aarî na anake îkûmi na atano na ndungata mîrongo îîrî).

2Sam 9:13

Kwoguo Mefiboshethu ûrîa wonjete magûrû wa moîrî nîwatûûrire Jerusalemu arîcanagîra na mûthamaki.

2Atha 8:3

Mîaka mûgwanja yathira, mûndûmûka ûcio nîwacokire vûrûrirî wa Isiraeli kuuma vûrûrirî wa Afilisiti, na akîthiî kûria mûthamaki amûcokerie nyomba na mûgûnda wake.

1Sam 26:16

Ûguo wîkîte tî waro. Nîrevîta na Ngai-Mûnene ûrîa ûtûûraga mwoyo atî, we wagîrîrwe nî kûragwa, nîûndû ndûnagitîra mûnene wenyu ûrîa Ngai-Mûnene aathuurire atuîke mûthamaki. Taroriani wone îtumû rîa mûthamaki rîrî kû? Naguo mûcuva wa manjî ûrîa ûrarî vakuvî na kîongo gîake ûrî kû?”