2Sam 18:8 - ÎVUKU RÎA ÛVORO MWARO

⁸ Mbaara nîyatambire vûrûrirî wonthe na andû eengî nîmaakuîrîre mûtitûrî makîria ya arîa maaûragîrwe mbaararî.

2Sam 18:8 ပူးပေါင်းရင်းမြစ်များ

2Sam 18:7

Athigari a Daudi nîmaavootire andû a Isiraeli. Ûvootani ûcio warî mûnene mûno nîûndû andû ngiri mîrongo îrî a Isiraeli nîmaaûragirwe.

2Sam 18:9

Wa rîmwe Abusalomu atûîte mbarathi yake nîwatûnganire na ndungata imwe cia Daudi. Mbarathi îo nîyavîtûkîrîre rungu rwa mvûa cia mûtî wa mûvuru. Kîongo Kîam Abusalomu nîkîabatîîre gatagatî ka mvûa cia mûtî ûcio. Mbarathi îrîa yamûkuîte nîyathiîre na mbere kûvinyûra nake Abusalomu agîtigwa acurîte mvûarî.

1Atha 20:30

Arîa maatigarire nîmaaûrire makîthiî îtûûrarî rîa Afeku. Nacio nthingo cia îtûûra rîu nîciomomokire na ikîûraga andû ngiri mîrongo îîrî na mûgwanja (27,000) ao. Benihadadi wanake nîwaûrîre îtûûrarî na akîîthitha nyombarî îmwe ya ndaarî kûu îtûûrarî.

Thaburi 3:7

Ngai-Mûnene, Ngai wakwa, ûka ûmvonokie! Nîunangîte nthû ciakwa cionthe nthîa, na ûgatiga wakûûra andû arîa aganu magego.

Thaburi 43:1

We Ngai, nduîra atî ndirî na mavîtia, na ûnjirîrîre kûrî andû arîa matarî na ûûngai; mvonokia kuuma kûrî andû a maveeni na acûku!

Ntha 15:10

Nwatî rîrîa rûkûngi rwaku rwavurutanire we Ngai-Mûnene, andû a Misiri maakunîkirwe nî îria. Maaûrîre manjîrî meengî ta ûrîa cuuma yûragîra.

Nthi 24:21

Mwana wakwa îtigîre Ngai-Mûnene na ûtîîe mûthamaki, ndûkanyitanîre na arîa maregaga kwathîkîra Ngai-Mûnene kana mûthamaki.

Nthi 24:22

Nîûndû thîna nîûkaauma kûrî o wa rîmwe, na ûthirie arîa maregaga kûmathîkîra.

Josh 10:11

Vîndî îrîa Amori maavinyûrîte mavîtûkîrîrîte mwanyarî wa kîrîma maûrîte kuuma kûrî athigari a Isiraeli, Ngai-Mûnene nîwatûmire maurîrwe nî mbura ya mbembe. Mbura îo nîyamaurîre nginya magîkinya Azeka. Amori eengî nîmaaûragirwe nî mbura îo ya mbembe gûkîra arîa maaûragirwe nî athigari a mbaara a Isiraeli.