2Sam 18:31 - ÎVUKU RÎA ÛVORO MWARO

³¹ Vîndî wa îo, Mûethiopia ûrîa warî ngombo nîwakinyire na akîra mûthamaki atîrî, “Mwathi wakwa Mûthamaki, nîrî na ûvoro mwaro nakûretere! Naguo nî atî, ûmûnthî Ngai-Mûnene nîatûmîte ûvoote nthû ciaku cionthe.”

2Sam 18:31 ပူးပေါင်းရင်းမြစ်များ

2Sam 18:19

Ahimaazi mûvîcî wa Zadoku nîwerire Joabu atîrî, “Tiga mvinyûre nthiî kûrî mûthamaki ngamûmenyithie ûvoro ûyû mwaro, atî Ngai-Mûnene nîamûvonoketie kuuma kûrî nthû ciake.”

2Sam 18:28

Ahimaazi nîwathiîre kûrî mûthamaki na akîmûkethia. Nîwegwîthirie nthî mbere ya mûthamaki na akîmwîra atîrî, “Ngai-Mûnene, Ngai waku arogoocwa, ûrîa ûtûmîte ûvoote andû arîa marakûgomerete we mwathi wakwa!”

2Sam 18:30

Mûthamaki nîwerire Abusalomu atîrî, “Rûngama wa varîa.” Nake Ahimaazi nîwathiîre na akîrûngama vo.

Thaburi 58:10

Andû arîa athingu nîmagaakena mona arîa evia makîverithua; makethambia magûrû na nthakame ya andû arîa aganu.

Danieli 4:19

Rîrîa Danieli ûrîa wîtagwa Beliteshazaru eeguire ûguo, nîwamakire na agîtangîka mûno meciriarî make. Kwoguo mûthamaki nîwamwîrire atîrî, “Danieli, ndûkathînîke nîûndû wa kîroto, kana nîûndû wa ûrîa kiugîte.” Nwatî Beliteshazaru nîwamûcokerie atîrî, “Mwathi wakwa, kîroto gîkî na ûrîa kiugîte kîroethîrwa kîgiî arîa makûmenete na nthû ciaku.

Atir 5:31

Ngai-Mûnene, nthû ciaku irokua wa ûguo, nwa arata aku maroîthîrwa mekariî ta riûa rîkîratha! Naguo vûrûri ûcio nîwagîre thayû îvinda rîa mîaka mîrongo îna.