2Sam 18:21 - ÎVUKU RÎA ÛVORO MWARO

²¹ Joabu nîwacokire akîîra ngombo yake îrîa yaumîte Ethiopia atîrî, “Thiî ûkeere mûthamaki ûrîa wona.” Ngombo nîyenamîrîre îînyivîtie mbere ya Joabu îgîcoka îkîthiî îvinyûrîte.

2Sam 18:21 ပူးပေါင်းရင်းမြစ်များ

2Sam 18:20

Nwatî Joabu nîwamwîrire atîrî, “Naarî, ndûkûvira ûvoro ta ûcio ûmûnthî, nîûndû mûvîcî wa mûthamaki nî mûkuû. Nîûgeka guo mûthenya wîngî.”

2Sam 18:22

Ahimaazi nîwerire Joabu rîngî atîrî, “Wana gwekara wa ûrîa gûgekara, nakûthaitha ûmbîtîkîrie wa nanie mvire ûvoro.” Nake Joabu nîwamûûririe atîrî, “Mûvîcîwa, ûrenda gwîka ûguo nîkî na gûtirî kîndû ûkavewa wavira ûvoro ûcio?”

2Sam 18:23

Ahimaazi nîwaugire rîngî atîrî, “Wana gwekara wa ûrîa gûgekara, nîngwenda kûthiî.” Joabu nîwamwîrire atîrî, “Vinyûra vi.” Kwoguo Ahimaazi nîwavinyûrire anyûrûrûkîrîte njîrarî îrîa îvîtûkîrîrîte Kîamnda Kîam Jorodani na vuva wa kavinda kanini nîwavîtûkire Mûethiopia ûcio.

2Sam 18:31

Vîndî wa îo, Mûethiopia ûrîa warî ngombo nîwakinyire na akîra mûthamaki atîrî, “Mwathi wakwa Mûthamaki, nîrî na ûvoro mwaro nakûretere! Naguo nî atî, ûmûnthî Ngai-Mûnene nîatûmîte ûvoote nthû ciaku cionthe.”