2Sam 18:19 - ÎVUKU RÎA ÛVORO MWARO

¹⁹ Ahimaazi mûvîcî wa Zadoku nîwerire Joabu atîrî, “Tiga mvinyûre nthiî kûrî mûthamaki ngamûmenyithie ûvoro ûyû mwaro, atî Ngai-Mûnene nîamûvonoketie kuuma kûrî nthû ciake.”

2Sam 18:19 ပူးပေါင်းရင်းမြစ်များ

2Sam 15:27

Mûthamaki nîwerire Zadoku rîngî atîrî, “Thikîrîria, Oca mûvîcîguo Ahimaazi na Jonathani mûvîcî wa Abiatha na mûcoke îtûûrarî na thayû.

2Sam 15:36

Nao marî na avîcî ao aîrî kuo; na nwa ûmatûmage kûrî nie na ûvoro wa wonthe ûrîa ûkamenyaga. Avîcî acio aîrî nî: Ahimaazi mûvîcî wa Zadoku, na Jonathani mûvîcî wa Abiatha.”

2Sam 17:17

Mûvîcî wa Abiatharu ûrîa wetagwa Jonathani marî na mûvîcî wa Zadoku ûrîa wetagwa Ahimaazi metererete marî kîthimarî Kîam Enirogeli vakuvî na Jerusalemu, nîûndû nîmeetigagîra kwonwa magîtonya îtûûrarî. Ndungata îmwe ya mûndûmûka nîyathiîcaga kûrî o na îkameera ûrîa gwekîkaga. Nao nîmaacokaga makathiî kwîra mûthamaki Daudi.

2Sam 18:20

Nwatî Joabu nîwamwîrire atîrî, “Naarî, ndûkûvira ûvoro ta ûcio ûmûnthî, nîûndû mûvîcî wa mûthamaki nî mûkuû. Nîûgeka guo mûthenya wîngî.”

2Sam 18:23

Ahimaazi nîwaugire rîngî atîrî, “Wana gwekara wa ûrîa gûgekara, nîngwenda kûthiî.” Joabu nîwamwîrire atîrî, “Vinyûra vi.” Kwoguo Ahimaazi nîwavinyûrire anyûrûrûkîrîte njîrarî îrîa îvîtûkîrîrîte Kîamnda Kîam Jorodani na vuva wa kavinda kanini nîwavîtûkire Mûethiopia ûcio.

2Sam 18:31

Vîndî wa îo, Mûethiopia ûrîa warî ngombo nîwakinyire na akîra mûthamaki atîrî, “Mwathi wakwa Mûthamaki, nîrî na ûvoro mwaro nakûretere! Naguo nî atî, ûmûnthî Ngai-Mûnene nîatûmîte ûvoote nthû ciaku cionthe.”

Thaburi 10:14

Nwatî we nîwonaga arîa marî na mathîna na mînyamaaro, na wîthagîrwa vîndî cionthe wîvarîrîtie kûmatethia. Andû arîa matarî vinya merekagîrîria njararî ciaku; we nîûtethagia athîni vîndî cionthe.

Thaburi 10:18

nîûthikagîrîria kîrîro gîa ciana cia ngoriai na arîa avinyîrîrie, nîguo andû a nthî matikaamaretere kîmako rîngî.

Thaburi 7:6

Ûûi Ngai-Mûnene, rûngama na marakara maku! ûûkîrîre marakara ma nthû ciakwa. Ûka we Ngai wakwa, ûka ûndethie, nîûndû wendaga kîvooto kîrûmagîrîrwe.

Thaburi 9:16

Ngai-Mûnene nîemenyithanîtie na njîra ya gûtuîrîra andû na kîvooto, nao andû arîa aganu nî manyitîtwe nî ciîko cio o ene.

Thaburi 9:4

Nî ûnduîrîtie na ûgatua atî nîrî mûthingu, nîûndû ûnduîrîrîte na kîvooto.

Jeremia 51:31

Anjaama maumanaga vuva mavinyûrîte, makamenyithie mûthamaki wa Babuloni, atî îtûûra rîake nîrîgwate rîonthe.

Aroma 12:19

Arata akwa, mûtikerîvîrie, nwatî tigani Ngai amûrîvagîrîrie na marakara make. Nîûndû mandîkorî matheru kwandîkîtwe atîrî, “‘Kwîrîvîrîria nî gwakwa, nînie ngeerîvîrîria,’ ûguo nîguo Mwathani augîte.”