2Sam 16:4 - ÎVUKU RÎA ÛVORO MWARO

⁴ Mûthamaki nîwacokire akîra Ziba atîrî, “Indo cionthe irîa iraarî cia Mefiboshethu rîu nî ciaku.” Nake Ziba nîwacokirie atîrî, “Nie nîrî ndungata yaku, tiga nduîke mwagîrîru mbere yaku, we mwathi wakwa!”

2Sam 16:4 ပူးပေါင်းရင်းမြစ်များ

2Sam 14:22

Joabu nîwenamîrîre mbere ya mûthamaki na gîtîîo na akîmwîra atîrî, “Ngai arokûrathima mwathi wakwa mûthamaki! Rîu nînamenya, atî nîngûkenetie nîûndû nîwetîkîra kûmbîka ûrîa ngûrîtie.”

2Sam 14:4

Mûndûmûka ûcio nîwathiîre kûrî mûthamaki akîînamîrîra nthî na gîtîîo na akiuga atîrî, “Nakûthaitha ûndethie mwathi wakwa!”

2Sam 14:8

Mûthamaki nîwacokire akîîra mûndûmûka ûcio atîrî, “Thiî gwaku mûciî, nîngûrûmbûyia ûvoro ûcio.”

2Sam 16:3

Mûthamaki nîwaûririe Ziba atîrî, “Mefiboshethu mûvîcî wa mwathi waku arî kû?” Nake Ziba nîwamûcokerie atîrî, “Arî Jerusalemu, nîûndû nîetîkîtie, atî ûmûnthî Aisiraeli nîmakûmûcokeria ûthamaki wa îthe Saûlo.”

2Sam 16:5

Rîrîa mûthamaki Daudi aakinyire Bahurimu, mûndû ûmwe wa mûciî wa Saûlo wetagwa Shimei nîwathiîre gûtûnga Daudi akîmûrumaga. Shimei aarî mûvîcî wa Gera.

2Sam 19:27

Nîwatûmire monekane nîrî mûcûku methorî maku we mwathi wakwa, nwatî we nîûndû wîkariî ta mûraika wa Ngai, îka ûrîa ûkwona kwagîrîrîte.

2Sam 9:6

Rîrîa Mefiboshethu mûvîcî wa Jonathani ûrîa warî ûmawe wa Saûlo aakinyire kûrî Daudi, nîwenamîrîre mbere ya Daudi na gîtîîo. Nake Daudi nîwamwîtire atîrî, “Mefiboshethu,” Nake nîwamûcokerie atîrî, “Îî nîrî ava nie ndungata yaku.”

2Sam 9:9

Nake mûthamaki nîwetire Ziba, ndungata îo ya Saûlo na akîmîra atîrî, “Nînava Mefiboshethu mûvîcî wa Jonathani mwathi waku indo cionthe irîa ciarî cia Saûlo na cia mûciî wake.

Ntha 23:8

Ndûkamûkîre îvaki, nîûndû îvaki nîrîvingaga acirithania metho na makarega kwona kîvooto na rîgacûkia ciira wa arîa matevîtie.

Nthi 18:13

Gûcokia kîûria ûtambîte kûthikîrîria, nî ûndû ûrî nthoni na gîconoko.

Nthi 18:17

Mûndû ûrîa ûciiraga wenga ndavootagwa, nginya rîrîa akaambîrîria kûûrua ciûria nî mûmûthitangi.

Nthi 19:2

Tî waro gwîka ûndû ûtambîte gwîciiria, nginya kavora ndiunîkaga îvîndî.

Gûco 19:15

“Ûira wa mûndû ûmwe tî mwîganu wa gûtûma mûndû atuîrwe atî nî munu watho. Ûira wa andû aîrî kûthiî na mbere nîguo ûngîtîkua nîguo mûndû atuîrwe atî nî mwîku ûndû mûcûku.