2Sam 16:22 - ÎVUKU RÎA ÛVORO MWARO

²² Kwoguo nîmaambîre Abusalomu îgema îgûrû rîa nyomba îo, na Abusalomu akîthiî na akîmenyana kîîmwîrî na aka acio îthe aaigîte Aisiraeli onthe makîonaga.

2Sam 16:22 ပူးပေါင်းရင်းမြစ်များ

Kîam 35:22

Vîndî îrîa Isiraeli aatûûraga vûrûrirî ûcio, Reubeni nîwamenyanire kîîmwîrî na Biliha ûrîa warî mûndûmûka wa kwigwa wa îthe na Isiraeli nîwamenyire ûvoro ûcio. Jakovu aarî na anake îkûmi na aîrî

2Sam 11:2

Mûthenya ûmwe kîvwaî, Daudi nîwaûkîrire akiuma varîa aanogokaga na agîtwa îgûrû rîa nyomba ya Mûthamaki. Rîrîa aacerangaga kûu îgûrû, nîwonire mûndûmûka akîîthambia. Mûndûmûka ûcio aarî mûthaka mûno.

2Sam 15:16

Kwoguo mûthamaki nîwathiîre na andû onthe a mûciî wake, na atongoria ake; nwatî nîwatigire aka îkûmi arîa aaigîte nîguo mamenyagîrîre mûciî wake.

2Sam 20:3

Rîrîa Daudi aakinyire gwake mûciî Jerusalemu, nîwocire aka îkûmi arîa aaigîte na aatigîte mamenyagîrîra mûciî na akiuga maigwe vandû nyomba mekarage marangîrîtwe. Nîwamavecaga kîrîa kîonthe maavataraga, nwatî ndaacoka kûmenyana nao kîîmwîrî. Maatûûrire mavingîrîtwe mekariî ta aka a ndigwa nginya rîrîa maakuire.

Isaia 3:9

Ûthiû wao nîwonanagia ûrîa marî evia; managîrîra wîvia wao ta wa Sodomu na matiûthithaga. Kaî andû acio marî na thîna-î, nîûndû nîo ene meretererete mathîna.

Jeremia 3:3

Kwoguo mbura nene nîmvingîrîrie, wana îrîa nini nîndigu kuura; kûnarî ûguo we wîigaga ta îraa; na ndwîgucaga nthoni.

Jeremia 8:12

Nîmaaconokire rîrîa mekire maûndû marî mûgiro? Naarî mûtiaconoka wanarî vanini, kana megua nthoni, kwoguo makaagwa wata ûrîa acio engî maagwîre, rîrîa ngaamaverithia nîmakaathira.” Ûguo nîguo Ngai-Mûnene arauga.

Ezek 24:7

Nîûndû kûu îtûûrarî kûrî na ûragani. Nthakame ndîetûrûrwa nthî naarî îkunîkîrwe nî mûthetu, yetûrûrirwe îthigarî.

Ndari 25:6

Mûisiraeli ûmwe nîwocire mûndûmûka ûmwe Mûmidiani na akîmûvira îgemarî rîake. Mûndû ûcio eekire ûguo Musa na andû onthe a Isiraeli makîonaga marî vau mûromorî wa îgema rîa Ngai-Mûnene magîcakaya.

Afil 3:19

Mûthiia wa andû acio nî gûcûkangua, nîûndû matongoragua nî merirîria ma mîîrî yao îrî yo ngai yao. Maûndû ma nthoni nîmo mamakenagia na meciria mao methagîrwa marî maûndûrî ma gûkû nthî.