2Sam 16:21 - ÎVUKU RÎA ÛVORO MWARO

²¹ Nake Ahithofeli nîwacokirie atîrî, “Thiîni kûrîa aka akwiga arîa aguo aatigire nîguo mekaragie mûciî na mûmenyane nao kîîmwîrî. Mweka ûguo andû onthe a Isiraeli nîmakûmenya atî ûrî nthû ya aguo, nao andû arîa marî mwena waku nîmakûmîrîria mûno.”

2Sam 16:21 ပူးပေါင်းရင်းမြစ်များ

Kîam 34:30

Jakovu nîwerire Simeoni na Lawi atîrî, “Mue nîmwandetera thîna. Nîûndû Akanaani, Aperizi na andû onthe a vûrûri ûyû nîmakûmena. Ndirî na arûme eengî, na kwoguo andû a gûkû mangînyitana vamwe na manthithûkîre nwa mambûrage vamwe na andû akwa.”

Kîam 35:22

Vîndî îrîa Isiraeli aatûûraga vûrûrirî ûcio, Reubeni nîwamenyanire kîîmwîrî na Biliha ûrîa warî mûndûmûka wa kwigwa wa îthe na Isiraeli nîwamenyire ûvoro ûcio. Jakovu aarî na anake îkûmi na aîrî

Kîam 38:16

Juda nîwathiîre kûrî Tamarû mûkîrarî wa njîra, na akîmwîra atîrî, “Ûka tûmenyane nawe kîîmwîrî.” (Juda akîmwîra ûguo ndaamenyaga kana nî mûka wa mûvîcî aaragîria.) Nake Tamarû nîwamûririe atîrî, “Nîûmva ndûî nîguo mbûke tûmenyane nawe kîîmwîrî?”

Kîam 6:4

Mavindarî mau na marîa maarûmîrîre, nîkwagîre andû anene mûno arîa maarî njiarwa cia aka a gûkû nthî, na ciûmbe cia îgûrû. Acio nîo maarî andû a tene na maarî njamba.

2Sam 10:6

Rîrîa Aamoni moonire atî nîmatuma ûthû na Daudi, nîmaakomborire athigari ngiri mîrongo îîrî cia Sîria kuuma Bethireehobu na Zoba, athigari ngiri îkûmi na igîrî kuuma Tobu, na mûthamaki wa Maaka na athigari ake ngiri îmwe.

2Sam 12:11

Nînevîta nauga atî nîngaatûma mûndû wa kuuma mûciî waku akûretere thîna. Ûndû ûcio nîûkawona rîrîa ngaagûcuna aka aku na nîmavecane kûrî mûndû wîngî, nake nîakaamenyana nao kîîmwîrî mûthenya riûa rîarîte.

2Sam 13:5

Jonadabu nîwamwîrire atîrî, “Îîrwarithie na ûthiî ûkamame ûrîrî. Rîrîa aguo agaûka gûkwona ûkaamwîra atîrî, ‘Nakûthaitha wîre Tamarû mwarwaiya aûke amve irio. Nîmenda aûke anthondekere irio gûkû ngîonaga na acoke amve irio ke mwene ndîe.’ ”

2Sam 15:16

Kwoguo mûthamaki nîwathiîre na andû onthe a mûciî wake, na atongoria ake; nwatî nîwatigire aka îkûmi arîa aaigîte nîguo mamenyagîrîre mûciî wake.

2Sam 16:20

Vuva wa ûguo, Abusalomu nîwerire Ahithofeli atîrî, “Rîu twîre ûrîa twagîrîrwe nî gwîka.”

2Sam 17:7

Hushai nîwerire Abusalomu atîrî, “Vîndî îno, mataaro mau Ahithofeli amûveete tî maro.”

2Sam 2:7

Rîu îyûmîrîrieni na mûgîe na vinya! Nîûndû Saûlo mûthamaki wenyu nî mûkuû, na andû a Juda nîmanthuurîte nduîke mûthamaki wao.”

2Sam 20:3

Rîrîa Daudi aakinyire gwake mûciî Jerusalemu, nîwocire aka îkûmi arîa aaigîte na aatigîte mamenyagîrîra mûciî na akiuga maigwe vandû nyomba mekarage marangîrîtwe. Nîwamavecaga kîrîa kîonthe maavataraga, nwatî ndaacoka kûmenyana nao kîîmwîrî. Maatûûrire mavingîrîtwe mekariî ta aka a ndigwa nginya rîrîa maakuire.

1Atha 11:25

Rezoni nîwatuîkire nthû ya Isiraeli ûtûûrorî wonthe wa Solomoni, na nîwekaga mawaganu meengî gûkîra marîa meekagwa nî Hadadi. Nîwamenire Isiraeli mûno na nîwatuîkire mûthamaki wa vûrûri wa Sîria.

1Atha 2:17

Adonija nîwacokirie atîrî, “Nakûthaitha îra mûthamaki Solomoni amve Abishagi, ûrîa wa kuuma Shunemu atuîke mûka wakwa nîûndû nîmbîcî tîaregana nawe.”

1Atha 2:22

Mûthamaki Solomoni nîwacokerie ng'ina atîrî, “Ûrambûria nenganîre Abishagi, Mûshunemu kûrî Adonija nîkî? Ûguo nîta kûmbûria nîmûve ûthamaki wanaguo. Menya atî Adonija nî mûrwaiya ûrîa mûkûrû na mûthînjîri-Ngai Abiatharu, marî na Joabu mûvîcî wa Zeruia nîmamûnyitîte mbaru.”

Alawi 18:8

Mûtigaconorithie aguo na njîra ya kûmenyana kîîmwîrî wanarî na ûmwe wa aka ake.

Alawi 20:11

Mûndûmûrûme ûrîa ûkaamenyana kîîmwîrî na ûmwe wa aka a îthe, nîagaaconorithia îthe. Mûndûmûrûme ûcio na mûndûmûka ûcio nîmakaaûragwa. Ikuû cia andû acio oîrî ikaaumana na gîîko Kîamo o ene.

Zakaria 8:13

Mue andû a Juda na a Isiraeli, kavinda kavîtûku andû a ndûrîrî methîrîtwe makîmwona mûrî andû agwate nî kîrumi. Nîngaamûvonokia na nîmûgaatuîka kîrathimo. Kwoguo îyûmîrîrieni na mûtigetigîre.”

1Akor 5:1

Rîu kûrî na ûma atî kûrî na wîvia wa kûmenyana kîîmwîrî ûrerîkana gatagatîrî kenyu. Wîvia ûcio nî wa mûthemba mûcûku mûno wana nginya makîria ya wîvia ûrîa wîkagwa gatagatîrî ka andû arîa mataicî Ngai. Nîmbîrîtwe atî mûndû mûrûme nîaramenyana kîîmwîrî na mûka wa îthe.

1Sam 13:4

Nao andû a Isiraeli onthe nîmeguîte atî Saûlo nîwaûragîte mûnene wa Afilisiti, na atî Aisiraeli nîmaamenetwe nî Afilisiti. Kwoguo andû nîmeetîkîrire kûthiî na Saûlo kûu Giligali.

1Sam 27:12

Nwatî Akishi nîwetîkirie Daudi na akîîra na ngoro atî, Daudi nîwathûrîtwe mûno nî andû ake a Isiraeli, na kwoguo nîatûûra andungatagîra vîndî cionthe.