2Sam 16:16 - ÎVUKU RÎA ÛVORO MWARO

¹⁶ Rîrîa Hushai, ûrîa warî mûrata ûrîa mwîvokeku wa Daudi aakinyire kûrî Abusalomu, nîwerire Abusalomu atîrî, “Ûrotûûratûûra mûthamaki! Ûrotûûratûûra mûthamaki!”

2Sam 16:16 ပူးပေါင်းရင်းမြစ်များ

2Sam 15:32

Rîrîa Daudi aakinyire îgûrû rîa kîrîma kîu varîa Ngai aagoocagîrwa, nîwatûngirwe nî mûrata wake mwîvokeku na warî njorua ya gwikia mîguî wetagwa Hushai. Hushai eekîrîte nguo îno ndembûkangu na ageîtîrîria mûthetu kîongo.

2Sam 15:34

Nwatî nwa ûndethie ethîrwa nîûgwîtîkîra gûcoka îtûûrarî na wîre Abusalomu, atî ûkamûtungatagîra na wîvokeku wata ûrîa watungatagîra îthe Daudi. Ûguo nîguo ûngîvota gûcûkia mîvango yonthe îrîa Ahithofeli akavangithagia.

2Sam 15:37

Kwoguo Hushai, mûrata wa Daudi nîwacokire Jerusalemu wa vîndî îrîa Abusalomu aakinyaga kuo.

1Atha 1:25

Nîûndû ûmûnthî nîathiîte na akathînja ndegwa, ng'ondu na tûcaû tûrîa tûnoru. Nîetîte avîcî aku onthe, Joabu mûnene wa athigari aku na Abiatharu mûthînjîri-Ngai, na rîu nîkwa mararîa kîrugo makiugagîrîria atî: ‘Ûrotûûratûûra mûthamaki Adonija!’

1Atha 1:34

Kûu nîkuo Zadoku na Nathani makaamwîtîrîria maguta atuîke mûthamaki wa Isiraeli. Mûcoke mûvuve karumbeta mûkiugaga atîrî, ‘Mûthamaki Solomoni ûrotûûratûûra!’

1Atha 4:5

Azaria mûvîcî wa Nathani aarî mûnene wa anene arîa engî. Nake Zabudu, mûvîcî wa Nathani nîke warî mûthînjîri-Ngai na mûtaari wa mûthamaki.

2Atha 11:12

Jehoiada nîwacokire akîruta Joashi, mûvîcî wa mûthamaki nja na akîmwîkîra nthûmbî kîongo na akîmûnengera mawatho ma kûrûmîrîrwa nî mûthamaki. Joashi nîwacokire agîtîrîrua maguta na agîtuîka mûthamaki. Andû nîmaaringaringire mvî ciao na makiugîrîria atîrî, “Ûrotûûratûûra mûthamaki!”

Danieli 2:4

Akalidei acio nîmacokerie Mûthamaki na Kîhibirania atîrî, “Mûthamaki wetû ûrotûûratûûra! Ta twîre kîroto gîaku, na nîtûgûgûtaûrîra kîo.”

Danieli 5:10

Nake ng'ina wa mûthamaki nîwegwire înegene rîa mûthamaki na atongoria ake na agîtonya nyomba kûrîa kwarî na kîrugo akiuga atîrî, “Mwathi wakwa, ûrotûûratûûra! Nakûthaitha ûtige kûmaka na ûtige gûtukia kîthithi.

Danieli 6:21

Nake Danieli nîwacokerie mûthamaki atîrî, “Mûthamaki wetû, ûrotûûra tene na tene!

Danieli 6:6

Kwoguo arûngamîrîri na anene a thirikari nîmaagîre ndundu na makîthiî kûrî mûthamaki na makîmwîra atîrî, “Mûthamaki Dario, ûrotûûra tene na tene!

Mathaayo 21:9

Nao andû arîa maarî mbere ya Jesû, na arîa maamumîte vuva nîmaambîrîrie kugîrîria atîrî, “Hosana, Mûrû wa Daudi! Ngai arorathima ûrîa ûkîte na rîîtwa rîa Mwathani! Hosana Ngai ûrîa ûrî îgûrû mûno.”

1Sam 10:24

Nake Samueli nîwerire andû acio engî onthe atîrî, “Mûndû mûrûme ûyû mûrona ava nîke Ngai-Mûnene athuurîte! Gûtirî mûndû wîngî gatagatîrî getû wîkariî take.” Nao andû onthe makiugîrîria na makiuga atîrî, “Mûthamaki wetû ûrotûûratûûra!”