2Sam 16:10 - ÎVUKU RÎA ÛVORO MWARO

¹⁰ Nwatî mûthamaki nîwerire Abishai na mûrwang'ina Joabu atîrî, “Ûcio tî wîra wenyu. Ethîrwa aranuma nîûndû nî Ngai-Mûnene ûmwîrîte eke guo, nîûrîkû ûrî na kîvooto gîa kûmûria areka ûguo nîkî?”

2Sam 16:10 ပူးပေါင်းရင်းမြစ်များ

Kîam 50:20

Mweciragia mwambîkaga ûndû mûcûku, nwatî Ngai nîwatûmire ûndû ûcio ûtuîke mwaro nîguo andû engî matigakue wata ûrîa mûrona gwîkariî ûmûnthî.

2Sam 19:22

Nwatî Daudi nîwerire Abishai na mûrwang'ina Joabu atîrî, “Nî ûrîkû ûmûûririe woni wenyu? Mûrenda kûnthînia nîkî? Nînie mûthamaki wa Isiraeli, na gûtirî Mûisiraeli wanarî ûmwe ûkûûragwa ûmûnthî.”

2Sam 19:23

Nîwacokire akîra Shimei atîrî, “Nevîta na ma, atî we tî ûragwa.”

2Sam 3:39

Wana ethîrwa nînie mûthamaki ûrîa Ngai athuurîte, nînîregua nîrî mûthirîre nî vinya ûmûnthî. Avîcî aya a Zeruia marî na ûûru mwîngî mûno nîûndû wakwa. Ngai-Mûnene aroverithia eki naaî aya wata ûrîa magîrîrwe nî kûverithua!”

1Atha 17:18

Mûndûmûka ûcio wa ndigwa nîwerire Elija atîrî, “Mûndû wa Ngai, wambîkire ûguo nîkî? Nîkwa waûkire kûririkania Ngai mevia makwa nîguo mûvîcîwa akue?”

1Atha 2:5

“Taririkana ûrîa Joabu mûvîcî wa Zeruia aambîkire. Ke nîwaûragire anene aîrî a athigari a Isiraeli, Abineri mûvîcî wa Neri na Amasa mûvîcî wa Jetheri. Aamaûragire vîndî îrîa kwarî na thayû nîguo erîvîrîrie nîûndû wa ûrîa maaûraganîte vîndî îrîa kwarî na mbaara. Ke aaûragire andû mataarî na mavîtia na ûndû ûcio eekire ûkînjokerera, na nîguo ûtûmîte ngîe na mathîna.

2Atha 18:25

Makîria ya ûguo, ûreciria ntharîkîrîte vûrûri waku na ngaûcûkangia ndavetwe rûtha nî Ngai-Mûnene? Ngai-Mûnene ke mwene nîke wambîrire nthiî ngaûtharîkîre na nîûcûkangie.”

Ayubu 9:12

Taroria, oocaga kîrîa akwenda na gûtirî mûndû ûngîmûgiria. Gûtirî mûndû ûngîmûria atîrî, ‘Ûreka atîa?’

Thaburi 39:9

Mbîkariî ta mûndû ûtaicî kwaria, tîmbuga wanarî ûndû, nîûndû we nîwe ûtûmîte nthînîka ûguo.

Mûvunjia 8:4

Mûthamaki aragia arî na ûvoti na gûtirî mûndû ûngîregana na ûrîa augaga.

Maca 3:37

Kûrî mûndû ûngîathana ûndû ûgekîka, tiga ûrîa Ngai ke mwene etîkîrîtie wîkîke?

Danieli 4:35

Andû onthe a nthî nî a mana methorî make. Nîke wathaga araika arîa marî îgûrû Vamwe na andû arîa matûûraga gûkû nthî. Gûtirî mûndû ûngîregana na wendi wake kana ûngîgîa na kîûria îgûrû rîa ciîko ciake.

Mathaayo 16:23

Jesû nîwavûgûkire akîroria Petero na akîmwîra atîrî, “Uma vakuvî na nie, Caitani! We wî mûvînga kûrî nie, nîûndû meciria maku matiumîte kûrî Ngai maumîte kûrî andû.”

Mathaayo 8:29

Na wa rîmwe andû acio nîmaaugîrîrie atîrî, “Ûrenda atîa natue we Mûriû wa Ngai? We waûka gûtûverithia îvinda rîrîa rîagîrîru rîtarî rîkinyu?”

Johana 18:11

Nake Jesû nîwerire Petero atîrî, “Cokia rûviû rwaku njûrarî. Nîkwa ûreciria atî ndikûnyuîra gîkomberî Kîam mathîna kîrîa Vava amvete?”

Aroma 9:20

Nwatî we nîwe û mûrata wakwa atî nîguo ûcokerie Ngai? Nyûngû ya yûmba ndîagîrîrwe nî kûria ûrîa wa mîûmbire atîrî, “Wanyûmbire ûguo nîkî?”

1Pet 2:23

Rîrîa aarumirwe, ndeerîvîrîria na kûrumana. Rîrîa aathînirue, gûtirî mûndû eevîtîre, nwatî aaigire mwîrîgîrîro wake kûrî Ngai ûrîa ûtucanagîra cira na kîvooto.

1Sam 26:19

Mwathi wakwa, rîu thikîrîria ûrîa ndungata yaku îkuga. Ethîrwa nî Ngai-Mûnene ûtûmîte wende kûmbûraga, nînîmûrutîra îtega nîguo agarûre îtua rîake. Nwatî ethîrwa nî andû matûmîte, Ngai-Mûnene arotûma magwatwe nî kîrumi nîûndû nîmamîngatîte ngauma îgairî rîrîa Ngai-Mûnene aatûveere na makiuga atî, ‘Thiî ûgatungatîre ngai ng'eni.’