2Sam 15:31 - ÎVUKU RÎA ÛVORO MWARO

³¹ Rîrîa Daudi aamenyithirue atî Ahithofeli nîanyitanîrîte na Abusalomu nîguo magomere mûthamaki, nîwavoire akiugaga atîrî, “Ngai-Mûnene nakûthaitha ûgarûre ûûgî wonthe wa ûtaarani wa Ahithofeli ûtuîke ûrimû!”

2Sam 15:31 ပူးပေါင်းရင်းမြစ်များ

2Sam 15:12

Rîrîa Abusalomu aarutaga magongoona, nîwatûmanîre Ahithofeli, ûrîa wekaraga îtûûrarî rîa Gilo Ahithofeli aarî ûmwe wa andû arîa mataaraga mûthamaki Daudi. Mûvango wa mûgomo nîwathiîre na mbere kûgîa vinya, nao andû arîa maarî mwena wa Abusalomu nîmathiîre na mbere kwongerereka.

2Sam 16:23

Kavindarî kau mataaro monthe marîa Ahithofeli aavecanaga maamûkagîrûa ta ciugo ciumîte kûrî Ngai ke mwene. Ûguo nwaguo Daudi na Abusalomu maamûkagîra mataaro kuuma kûrî Ahithofeli.

2Sam 17:14

Abusalomu na Aisiraeli onthe nîmaaugire atîrî, “Mataaro ma Hushai nî maro gûkîra ma Ahithofeli.” Ngai-Mûnene nîwatuîte atî, wana ethîrwa mataaro ma Ahithofeli nî maro tîmarûmîrîrwa nîguo Ngai-Mûnene atûme Abusalomu anyitwe nî maûndû macûku.

2Sam 17:23

Rîrîa Ahithofeli oonire atî mataaro make matinarûmîrîrwa, nîwatûîre mvunda yake na akînûka îtûûrarî rîake. Vuva wa kûvanga maûndû make, nîwacokire agîîita na njîra ya gwîcuuria. Kimba gîake nîgîacokire gîkîthikwa mbîrîrarî ya andû a mûciî wao.

2Sam 17:5

Vuva wa ûguo Abusalomu nîwaugire atîrî, “Rîu îtani Hushai nîguo twîgue ûrîa nake akuuga.”

2Sam 17:7

Hushai nîwerire Abusalomu atîrî, “Vîndî îno, mataaro mau Ahithofeli amûveete tî maro.”

Ayubu 5:12

Nîacûkangagia mîvango ya arîa marî wara, nîguo wîra ûrîa marutaga ûtuîke wa mana.

Thaburi 109:3

Maragia maûndû macûku mambîgiî, mantharîkagîra gûtarî na gîtûmi.

Thaburi 3:1

We Ngai-Mûnene, nthû ciakwa nî nyîngî mûno, nî andû eengî mûno arîa mamenete!

Thaburi 41:9

Wana mûrata wakwa ûrîa mûnene na ûrîa nevokete mûno, ûrîa twarîcanagîra irio nake, nîangarûrûkîte.

Thaburi 55:10

Nthû ciakwa ithiûrûrûkaga îtûûra ûtukû na mûthenya, na igecûria waganu na mathîna kuo.

Thaburi 55:12

Kethîrwa nî nthû yakwa îranyûrûria nînîngîaûmîrîria; kethîrwa nî nthû yakwa îranîtîîra nîngîithitha ndîkamone.

Isaia 19:3

Nîngaathiria ûrûme wa andû a Misiri, na njûkangie mîvango yao. Nîmakaaûria ûtaaro kûrî mîvuanano na aringi ciama, na kûrî ago na arogi.

Isaia 44:25

Nînthiragia vinya ûgo wa aragûri arîa maveenanagia, na ngathiria vinya andû arîa monaga maûndû. Nînie ndeganaga na ciugo cia andû arîa aûgî, na ngatua ûûgî wao ûrimû.

Johana 13:18

“Nie ndiraria ûvoro ûmwîgiî muonthe. Nîmbîcî nî andû arîkû nthuurîte. Nwatî nwa nginya mandîko matheru mavinge marîa maugîte atî, ‘Mûndû ûrîa twarîcanîre mûgate nake nîke wacokire kûngarûrûka.’

1Akor 1:20

Kwoguo tûngiuga atîa îgûrû rîgiî andû arîa aûgî? Tûngiuga atîa îgûrû rîgiî arimû a watho? Na tûngiuga atîa îgûrû rîa andû arîa marî wara mwîngî wa kwarîrîria maûndû? Ngai nîwonanîtie atî ûûgî wa gûkû nthî wîthagîrwa ûrî ûrimû.

Jakuvu 3:15

Ûûgî ta ûyû tî ta ûrîa ûnyûrûrûkaga kuuma îgûrû, nwatî nî wa gûkû nthî na ndumanîte na Roho wa Ngai, umanîtie na ndaimono.