2Sam 15:29 - ÎVUKU RÎA ÛVORO MWARO

²⁹ Kwoguo Zadoku na Abiatha nîmaakuuire îthandûkû rîa Kîrîkanîro Kîam Ngai-Mûnene makîrîcokia Jerusalemu na magîkara kuo.

2Sam 15:29 ပူးပေါင်းရင်းမြစ်များ

2Sam 15:28

Nanie nîmbeterera nîrî werûrî varîa andû maringagîra rûnjî nginya rîrîa nganyita ndûmîrîrîri kuuma kûrî we îgiî ûrîa maûndû mekariî.”

2Sam 15:30

Daudi nîwaunûkirie kîrîma Kîam mîtamaiyû îrîa îciaraga matunda arî magûrû matheri akîrîraga; eekunîkîrîte kîongo ta mûndû agîcakaya. Nao andû onthe arîa maarî nake nîmeekunîkîre ciongo na makîmûrûmîrîra makîrîraga.

2Sam 19:11

Ûvoro wonthe ûrîa Aisiraeli maaragia nîwakinyîre mûthamaki Daudi. Kwoguo nîwatûmire Zadoku na Abiatha athînjîri-Ngai mathiî makaûrie atongoria a Juda atîrî, “Nîndûî kîratûma mûtuîke a mûthiia gûtethereria gûcokia mûthamaki gwake mûciî?

Maariko 2:26

Aatonyire nyombarî ya Ngai vîndî îrîa Abiatha aarî Mûthînjîri-Ngai mûnene, na akîrîa mîgate îrîa yarutîrîtwe Ngai na îtaagîrîrwe kûrîwa nî mûndû wîngî tiga athînjîri-Ngai onga. Daudi nîwamîrîre na akîva arîa engî maarî nake.”