2Sam 15:28 - ÎVUKU RÎA ÛVORO MWARO

²⁸ Nanie nîmbeterera nîrî werûrî varîa andû maringagîra rûnjî nginya rîrîa nganyita ndûmîrîrîri kuuma kûrî we îgiî ûrîa maûndû mekariî.”

2Sam 15:28 ပူးပေါင်းရင်းမြစ်များ

2Sam 15:23

Andû onthe a Isiraeli nîmaarîrire maugîrîrîtie rîrîa moonire andû arîa maarûmagîrîra Daudi makîthiî. Mûthamaki vamwe na andû ake nîmaaringire karûnjî ga Kidironi na makîthiî merekerete werûrî.

2Sam 15:29

Kwoguo Zadoku na Abiatha nîmaakuuire îthandûkû rîa Kîrîkanîro Kîam Ngai-Mûnene makîrîcokia Jerusalemu na magîkara kuo.

2Sam 16:2

Mûthamaki Daudi nîwaûririe Ziba atîrî, “Indo ino cionthe nî ciakî?” Nake Ziba nîwacokirie atîrî, “Mvunda ino nî cia gûkuuaga andû a mûciî wa mûthamaki, mîgate na matunda nî cia kûrîwa nî anake, nayo ndivei nî ya kûnyunyagwa nî andû arîa mathira vinya marî werûrî.”

2Sam 17:1

Ahithofeli nîwerire Abusalomu atîrî, “Tiga nthuure andû ngiri îkûmi na igîrî, njoke mvinyûrie Daudi ûtukû ûyû wa ûmûnthî.

2Sam 17:16

Hushai nîwathiîre na mbere kwîra athînjîri-Ngai acio atîrî, “Tûmanani na îvenya kûrî Daudi na mûmwîre ûmûnthî ndakaraare werûrî varîa andû maringagîra rûnjî. Nwatî agerie ûrîa angîvota aringe mûringo wa Jorodani na îvenya nîguo ke mwene na andû ake onthe matikanyitwe maûragwa.”

Josh 5:10

Andû a Isiraeli nîmeekarire Giligali werûrî vandû varaganu vakuvî na Jeriko varîa maambîte magema. Na kîvwaî Kîam mûthenya wa îkûmi na kana wa mweri ûcio nîmaagîre na kîrugo gîa gûkûngûîra pasaka.