2Sam 15:26 - ÎVUKU RÎA ÛVORO MWARO

²⁶ Nwatî angîthîrwa tî mûkenu nînie gûtirî ûndû, nîakambîka wa ûrîa akoona kwagîrîrîte.”

2Sam 15:26 ပူးပေါင်းရင်းမြစ်များ

2Sam 10:12

Îyûmîrîrie! Tûrûe na vinya nîûndû wa andû etû na matûûra ma Ngai wetû. Nake Ngai-Mûnene aroeka wa ûrîa akwona kwagîrîre.”

2Sam 11:27

Rîrîa îvinda rîa macakaya rîathirire, Daudi nîwatûmanire Bathisheba agîrûe na avirwe kwa Daudi mûciî. Bathisheba nîwatuîkire mûndûmûka wa Daudi na nîwamûciarîre kavîcî. Nwatî Ngai-Mûnene ndaakenua nî ûguo Daudi eekîte.

2Sam 19:28

Andû onthe a mûciî wa vava maagîrîrwe nî kûragwa nîwe mwathi wakwa. Nwatî we nîwonire mbagîrîrwe nî kûrîcanîra nawe. Kwoguo ndiagîrîrwe nî gûkwîra ûmvingîrie ûndû wanarî ûrîkû mwathi wakwa.”

2Sam 22:20

Nîwandethirie na ngiuma ûgwatirî. Amvonokirie nîûndû nîwakenetue nînie.

1Atha 10:9

Ngai-Mûnene, Ngai waku arogoocwa! Ke nîwonanîtie ûrîa akenetue nîwe na njîra ya gûgûtua mûthamaki wa Isiraeli. Agûtuîte mûthamaki wa Isiraeli nîguo ûtucagîre andû ciira na kîvooto na ûûma, nîûndû Ngai-Mûnene eendire Isiraeli tene na tene.”

1Maû 21:7

Nwatî Ngai nîwarakarirue nî ûndû ûcio wekirwe na nîwaverithirie andû a Isiraeli.

2Maû 9:8

Ngai-Mûnene, Ngai waku arokumua, nîûndû nîwakenirue nîwe na agîtûma wîkaragîre gîtî Kîam ûthamaki vandûrî vake. Nîûndû Ngai-Mûnene nîendete andû ake, Aisiraeli na nîendete kûmatûûria tene na tene. Nîakûthuurîte ûtuîke mûthamaki wao nîguo wathanage na kîvooto na ûma.”

Thaburi 39:9

Mbîkariî ta mûndû ûtaicî kwaria, tîmbuga wanarî ûndû, nîûndû we nîwe ûtûmîte nthînîka ûguo.

Isaia 42:1

Ngai-Mûnene arauga atîrî, “Îno nîyo ndungata yakwa, îrîa mbîkagîra vinya, nîyo nîîthuurîrîte, na nîyo îngenagia, nînîmwîkîrîte Roho wakwa, nîyo îkaarete kîvooto mavûrûrirî.

Isaia 62:4

We ndûgaacoka gwîtwa rîngî, “Mûtiganîrie,” na vûrûri waku ndûgaacoka gwîtwa rîngî, “Mûndûmûka mûtiganîrie.” Nwatî ûgeetagwa, “Nîngenagua nîke,” naguo vûrûri waku ûgeetagwa, “Mûndû mûvikie.” Nîûndû Ngai-Mûnene nîakenetue nîwe, nake agaatuîka ta mûndûmûrûme avikîtie vûrûri waku.

Jeremia 22:28

Nîkwa Konia anyararîtwe ta nyûngû nguû, îrîa gûtarî mûndû ûrî vata nayo? Nîndûî gîtûmîte ke na ciana ciake mavirwa îthamîriorî, vûrûrirî ûrîa mataicî?

Jeremia 32:41

Nîngakena ngîmeka maûndû maro, na ndûme mekindîrie vûrûrirî ûyû.”

Ndari 14:8

Ethîrwa Ngai-Mûnene nîakwona tûrî agîrîru, nîagûtûvira vûrûrirî ûcio wîcûrîte îriia na ûûkî na atûve guo.

Mathaayo 1:10

Hezekia aarî îthe wa Manase, Manase îthe wa Amoni nake Amoni aarî îthe wa Josia.

Josh 9:25

Tue rîu tûrî njararî cienyu. Twîke ûrîa mûkwona kwagîrîrîte.”

Atir 10:15

Nwatî andû a Isiraeli nîmeerire Ngai-Mûnene atîrî, “Nîtwîvîtie. Twîke wa ûrîa ûkwona kwagîrîrîte, nwatî twakûthaitha ûtûvonokie ûmûnthî.”

1Sam 3:18

Kwoguo Samueli nîwamwîrire maûndû monthe atakûmûthitha wanarî ûndû. Nake Eli akiuga atîrî, “Ke nîke Ngai-Mûnene, tiga eke ûndû wa wonthe ûrîa ke akwona ûrî mwaro.”