2Sam 15:24 - ÎVUKU RÎA ÛVORO MWARO

²⁴ Zadoku mûthînjîri-Ngai vamwe na Alawi onthe, nîmaarûmîrîre mûthamaki Daudi makuuîte îthandûkû rîa kîrîkanîro Kîam Ngai-Mûnene. Nîmaaigire îthandûkû rîu nthî na matiarîoca rîngî nginya rîrîa andû onthe maarîkirie kuuma îtûûrarî rîu. Wanake Abiatha mûthînjîri-Ngai aarî vo.

2Sam 15:24 ပူးပေါင်းရင်းမြစ်များ

2Sam 15:27

Mûthamaki nîwerire Zadoku rîngî atîrî, “Thikîrîria, Oca mûvîcîguo Ahimaazi na Jonathani mûvîcî wa Abiatha na mûcoke îtûûrarî na thayû.

2Sam 15:35

Zadoku na Abiatha, athînjîri-Ngai makethagîrwa marî kuo; mamenyithagie maûndû monthe marîa akegucaga kuuma mûciî wa mûthamaki.

2Sam 20:25

Sheva nîke warî mwandîki; Zadoku na Abiatha nîo maarî athînjîri-Ngai;

2Sam 6:13

Na rîrîa andû acio maakuîte îthandûkû rîa Kîrîkanîro maakinyûkirie makinyo matandatû, Daudi nîwamarûngamirie na akîrutîra Ngai-Mûnene îgongoona rîa ndegwa na njaû ino noru.

2Sam 8:17

Zadoku mûvîcî wa Ahitubu, marî na Ahimeleku mûvîcî wa Abiatharu nîo maarî athînjîri-Ngai; nake Seraia nîke warî mwandîki.

1Atha 1:8

Nwatî Zadoku mûthînjîri-Ngai, Benaia mûvîcî wa Jehoiada, Nathani mûrathi, Shimei, Rei na arûme arîa maagitagîra Daudi matiarûmîrîra Adonija.

1Atha 2:26

Mûthamaki Solomoni nîwacokire akîra mûthînjîri-Ngai Abiatharu atîrî, “Thiî vûrûrirî waku wa Anathothi. We wagîrîrwe nî gûkua, nwatî rîu tîngûûraga nîûndû nîwe wamenyagîrîra îthandûkû rîa kîrîkanîro Kîam Ngai-Mûnene rîrîa mwarî na vava Daudi, na nîwanyitanîrîte nake mathînarî make.”

1Atha 2:35

Mûthamaki nîwatuire Benaia, mûvîcî wa Jehoiada mûnene wa athigari a mbaara vandûrî va Joabu, agîcoka agîtua Zadoku mûthînjîri-Ngai vandûrî va Abiatharu.

1Maû 15:2

Nake nîwaugire atîrî, “Gûtirî andû engî metîkîrîtue gûkuua îthandûkû rîa kîrîkanîro tiga Alawi onga, nîûndû nîo Ngai-Mûnene aathuurire marîkuage na mamûtungatagîre tene na tene.”

Ezek 48:11

Gîcunjî kîu gîgaatuîka Kîam athînjîri-Ngai arîa amûre a njiarwa cia Zadoku arîa maandungatîre marî na wîvokeku. Acio matiandiganîria rîrîa Aisiraeli na Alawi acio engî maandiganîrie.

Ndari 4:15

Vîndî îrîa andû acio makethîrwa makiumagara, andû a mûvîrîga wa Kohathu nîmagaaûka makuue indo irîa ntheru cia kîgongoona, ciarîkia gûkunîkîrwa nî andû a mûvîrîga wa Aroni. Andû a mûvîrîga wa Kohathu matigakuua indo irîa ntheru nîguo matigakue. “Mawîra mau nîmo makaarutagwa nî andû a mûvîrîga wa Kohathu îgemarî rîa Ngai-Mûnene.

Ndari 7:9

Nwatî Musa ndaanengera andû a Kohathu gîkaari kana ndegwa wanarî îmwe nîûndû wîra wao warî wa gûkuua indo irîa nyamûre, na maaikuuaga na ituro.

Josh 3:3

makîmeeraga atîrî, “Vîndî îrîa mûkoona athînjîri-Ngai Alawi makuuîte îthandûkû rîa kîrîkanîro Kîam Ngai-Mûnene Ngai wenyu, mûgaaûkîra muume kûu mwambîte magema mûrîrûmîrîre.

Josh 3:6

Joshua nîwacokire akîîra athînjîri-Ngai makuue îthandûkû rîa kîrîkanîro na mathiî marî mbere ya andû. Nao nîmeekire wata ûguo aameerire.

Josh 6:4

Athînjîri-Ngai mûgwanja wa mûthînjîri-Ngai akuuîte karumbeta ka rûvîa rwa ndûrûme nîmakaathiîcaga matongoreretie îthandûkû rîa kîrîkanîro. Naguo mûthenya wa mûgwanja nîmûkathiûrûrûka îtûûra rîa Jeriko maita mûgwanja nao athînjîri-Ngai makîvuvaga tûrumbeta.

Josh 6:6

Kwoguo Joshua nîwetire athînjîri-Ngai na nîwamerire atîrî, “Kuuani îthandûkû rîa kîrîkanîro na engî mûgwanja mathiî marî mbere ya îthandûkû rîa kîrîkanîro makuuîte tûrumbeta twa mvîa cia ndûrûme.”

1Sam 22:20

Nwatî Abiatharu, ûmwe wa anake a Ahimeleku nîwaûrire na akîthiî kûrî Daudi.

1Sam 4:11

Narîo îthandûkû rîa Kîrîkanîro rîa Ngai nîrîatavîrûe; nao anake a Eli oîrî, Hofini na Finehasi makîûragwa.