2Sam 15:18 - ÎVUKU RÎA ÛVORO MWARO

¹⁸ Ndungata ciake cionthe nîciarûngamire vakuvî nake; nao athigari arîa maamûrangagîra vamwe na athigari magana matandatû arîa maaûkanîtie nake kuuma Gathu nîmaavîtûkîrîre mbere yake.

2Sam 15:18 ပူးပေါင်းရင်းမြစ်များ

2Sam 15:17

Rîrîa mûthamaki na andû onthe ake maaumaga îtûûrarî rîa Jerusalemu, nîmaakinyire vakuvî na nyomba îrîa yarî mûthiia na makîrûngama vo.

2Sam 18:2

Daudi nîwagaanirie athigari ake ikundi ithatû. Nîwathuurire Joabu nîguo atuîke mûnene wa gîkundi Kîam mbere, Abishai ûrîa warî mûrwang'ina na Joabu agîtuîka mûnene wa gîkundi gîa kaîrî, nake Îtai ûrîa waumîte Gathu agîtuîka mûnene wa gîkundi gîa kathatû. Mûthamaki Daudi nîwacokire akîra andû acio ake atîrî, “Wa nanie nîtûkûthiî namue.”

2Sam 20:23

Joabu nîke warî mûnene wa athigari onthe a mbaara a Isiraeli; nake Benaia mûvîcî wa Jehoiada nîke warî mûnene wa athigari arîa maarangagîra Daudi;

2Sam 20:7

Andû a Joabu na athigari arîa maarangagîra mûthamaki vamwe na andû onthe arîa maarî njamba nîmaaumire Jerusalemu marî vamwe na Abishai na makîrûmîrîra Sheba na îvenya.

2Sam 6:10

Kwoguo Daudi ndeendaga kûvira îthandûkû rîa kîrîkanîro Jerusalemu îtûûrarî rîa Daudi; vandû va ûguo, ke nîwagarûrûkire na akîrîvira mûciî kwa Obedi-edomu, ûrîa watûûraga îtûûrarî rîa Gathu.

2Sam 8:18

Benaia mûvîcî wa Jehoiada nîke warî mûnene wa athigari arîa maarangagîra Daudi, nao avîcî a Daudi nîo maarî athînjîri-Ngai.

1Atha 1:38

Kwoguo Zadoku, Nathani, Benaia na ndungata cia mûthamaki nîmekarîrie Solomoni îgûrû rîa nyûmbû ya mûthamaki Daudi na makîmûvira Gihoni.

1Maû 18:17

Benaia mûvîcî wa Jehoiada aarî mûnene wa Kerethi na Pelethi athigari arîa maarangagîra mûthamaki. Avîcî a Daudi maarî anene ûthamakirî wake.

1Sam 23:13

Kwoguo Daudi na andû ake arîa maarî ta magana matandatû (600) nîmaaumire Keila na makîthiî kûrîa kuonthe mangîavotire kûthiî. Rîrîa Saûlo aamenyithirue atî Daudi nîmaaûrîte makauma Keila, nîwavangûrire mûvango wake.

1Sam 25:13

Nake Daudi nîwerire andû ake meyove mviû ciao. Nao onthe nîmeekire ûguo. Daudi wanake nîweyovire rûviû rwake na akîthiî na andû ta magana mana, na agîtiga andû magana maîrî mekarîtie mîrigo.

1Sam 27:3

Daudi na andû ake nîmaatûûranirie na Akishi kûu Gathu. Na wa mûndû aarî na andû a mûciî wake. Daudi aarî na aka ake aîrî, Ahinoamu kuuma Jezireeli na Abigaeli wa kuuma Karimeli, ûrîa warî mûka wa ndigwa wa Nabali.

1Sam 27:4

Rîrîa Saûlo eerirwe atî Daudi nîwaûrîte akathiî Gathu, nîwatigire kûmûcaria rîngî.

1Sam 30:1

Vuva wa mîthenya îthatû, Daudi marî na andû ake nîmaacokire Zikilagi. Nao Amaleki nîmaatharîkîrîte mwena wa îveti wa Juda na makavoota îtûûra rîa Zikilagi na nîmaarîvîvîtie

1Sam 30:14

Nîtwatharîkîrîte vûrûri wa Akerethi ûrîa ûrî mwena wa îveti wa Juda, wana vûrûri wa mûvîrîga wa Kalebu, na tûkîvîvia Zikilagi na mwaki.”

1Sam 30:9

Kwoguo Daudi na andû ake magana matandatû nîmaathiîre. Rîrîa maakinyire karûnjîrî ka Besori, andû amwe nîmaatigirwe vau.