2Sam 15:10 - ÎVUKU RÎA ÛVORO MWARO

¹⁰ Nwatî Abusalomu nîwatûmire anjaama na nthitho mathiî makîraga andû onthe a mîvîrîga ya Isiraeli atîrî, “Rîrîa mûkegua mûgambo wa karumbeta, mûkaugîrîria mûkiugaga atîrî, ‘Abusalomu nîwatuîka mûthamaki wa Heburoni!’ ”

2Sam 15:10 ပူးပေါင်းရင်းမြစ်များ

2Sam 13:28

na akîatha ndungata ciake agîciîra atîrî, “Tuîriani mûmenye waro vîndî îrîa Amunoni agaatuîka mûrîu, na rîrîa ngaamwîra mûmûrage, mûgeka guo. Mûtigetigîre nîûndû nînie ngaûrua nwatî tî mue. Îyûmîrîrieni na mûgîe na ûcamba!”

2Sam 14:30

Abusalomu nîwacokire akîîra ndungata ciake atîrî, “Taroriani mûgûnda wa Joabu ûrîa ûriganîtie na wakwa mwone ûrî na cairi irakûra. Thiîni na mûûmundie mwaki.” Kwoguo ndungata cia Abusalomu nîciathiîre na ikîmundia mûgûnda ûcio mwaki.

2Sam 15:9

Mûthamaki nîwamwîrire atîrî, “Thiî na thayû.” Nake Abusalomu nîwathiîre Heburoni.

2Sam 19:10

Twetîrîîrie Abusalomu maguta atuîke mûthamaki wetû, nwatî nîûragîrîtwe mbaararî. Kwoguo nîndûî kîragiria mûndû ûmwe agerie gûcokithia mûthamaki Daudi?”

2Sam 2:1

Vuva wa maûndû mau, Daudi nîwaûririe Ngai-Mûnene atîrî, “Nîûkwenda nthiî ngatave îtûûra rîmwe rîa Juda?” Nake Ngai-Mûnene nîwamûcokerie atîrî, “Îî thiî.” Daudi nîwaûririe atîrî, “Nî nthiî îtûûrarî rîrîkû?” Nake Ngai-Mûnene nîwerire Daudi atîrî, “Thiî Heburoni.”

2Sam 2:11

Nake Daudi nîwathanire Juda arî kûu Heburoni îtîîna rîa mîaka mûgwanja na nuthu.

2Sam 5:5

Daudi aathanire Juda arî Heburoni îvinda rîa mîaka mûgwanja na nuthu. Nîwacokire akîathana Isiraeli kuonthe na Juda arî Jerusalemu îvinda rîa mîaka mîrongo îthatû na îthatû.

1Atha 1:11

Nathani nîwacokire akîthiî kûrî Bathisheba, ng'ina wa Solomoni na akîmwîra atîrî, “Nîkwa ûteguîte atî Adonija, mûvîcî wa Hagithi nîatuîkîte mûthamaki na mwathi wetû Daudi ndaicî ûguo?

1Atha 1:34

Kûu nîkuo Zadoku na Nathani makaamwîtîrîria maguta atuîke mûthamaki wa Isiraeli. Mûcoke mûvuve karumbeta mûkiugaga atîrî, ‘Mûthamaki Solomoni ûrotûûratûûra!’

2Atha 9:13

Wa rîmwe anene acio nîmaarutire nguo ciao na magîciara nthî nîguo Jehu akinye îgûrû rîacio. Nîmaacokire makîvuva tûrumbeta na makiugîrîria atîrî, “Jehu nîke Mûthamaki!”

1Maû 11:3

Kwoguo athuuri onthe a Isiraeli nîmaathiîre kûrî mûthamaki Daudi kûu Heburoni. Nake Daudi nîwathondekire kîrîkanîro nao arî mbere ya Ngai-Mûnene. Nîmaacokire makîmwamûra na makîmûtua mûthamaki wa Isiraeli kûringana na ûrîa Ngai-Mûnene aarîtie kûvîtûkîra Samueli.

1Maû 12:23

Ino nîcio ikundi cia athigari a mbaara irîa ciathiîre kûrî Daudi arî Heburoni. Ciathiîre ikamûtethie kûgarûra ûthamaki wa Saûlo nîguo ûtuîke wa Daudi kûringana na ûrîa Ngai-Mûnene aaugîte.

1Maû 12:38

Andû acio onthe nîmeerutire nîguo makarûe marî athigari a mbaara. Nîmaathiîre kûrî Daudi arî Heburoni marî na wendi wa kûmûtua mûthamaki wa andû onthe a Isiraeli. Nao andû onthe a Isiraeli nîmeetîkîrîte gûtua Daudi mûthamaki.