2Sam 14:19 - ÎVUKU RÎA ÛVORO MWARO

¹⁹ Mûthamaki nîwaûririe mûndûmûka ûcio atîrî, “Kûrî na ûndû ûmwe Joabu angîthîrwa akwîrîrîte gatagatî ka mama?” Nake mûndûmûka ûcio nîwacokirie atîrî, “Wata ûrîa we ûtûûraga mwoyo mwathi wakwa, ndingîvota gûkararia maûndû mau monthe warîtie. Nî ndungata yaku Joabu îrambîrire ûrîa ngwîka na ûrîa nguuga.

2Sam 14:19 ပူးပေါင်းရင်းမြစ်များ

2Sam 11:11

Nake Uria nîwacokerie Daudi atîrî, “Andû a Isiraeli na Juda marî mbaararî na îthandûkû rîa Kîrîkanîro. Nake mwathi wakwa, Joabu vamwe na ndungata ciake mambîîte magema mao werûrî. Nîngîrathiîre mûciî ngarîe, ngînyunyaga na njoke menyane kîîmwîrî na mûndûmûka wakwa atîa? Nînîvîta na Ngai-Mûnene ûrîa ûtûûraga mwoyo atî, ndîngîrekire ûndû ta ûcio!”

2Sam 14:18

Mûthamaki nîwerire mûndûmûka ûcio atîrî, “Ndûkanthithe ûndû wanarî ûmwe ûrîa ngûkûria!” Mûndûmûka nîwerire mûthamaki atîrî, “Mbûria ûrîa wonthe ûrenda we mwathi wakwa.”

2Sam 14:3

Ûcoke ûthiî kwî mûthamaki na ûmwîre ûrîa ngûkwîra ûkauge.” Nake Joabu nîwacokire akîîra mûndûmûka ûcio ûrîa aarî eere mûthamaki.

2Sam 18:13

Nwatî nîngîkararirie mûthamaki ngînaûraga Abusalomu, mûthamaki nîangîmenyire, nîûndû gûtirî ûndû wanarî ûmwe atamenyaga na we ndûngîndetera.”

2Sam 3:27

Rîrîa Abineri aakinyire Heburoni, Joabu nîwamûvirire vandû keverirî vakuvî na kîvingo takwa kwarî na kaûndû eendaga kûmwîra. Nao marî wa vau Joabu nîwamundire Abineri îvu na Abineri akînakua. Joabu aaûragire Abineri nîûndû Abineri nîke waûragîte mûrwang'ina na Joabu ûrîa wetagwa Asaheli.

2Sam 3:29

Ûru ûcio ûrocokerera Joabu na andû onthe a mûciî wake! Mûciî wake ûrogîa na mûndû ûrwarîte mûrimû wa gîcûnûnû kana mûndû ûrwarîte mûrimû mûcûku mûno wa ngothi, kana mûndû ûkûruta mawîra ma gûtuma vurana ta aka, kana mûndû ûragîrîtwe mbaararî, kana mûndû ûtarî na kîndû gîa kûrîa.”

2Sam 3:34

Njara ciake itiarî njove magûrû make matiarî movanie, na aakwire ta mûndû aûragîtwe nî eki naaî.” Nao andû onthe nîmaacokire makîmûrîrîra rîngî.

2Atha 2:2

Marî njîrarî Elija nîwerire Elisha atîrî, “Nakûthaitha wîkarage ava nîûndû Ngai-Mûnene nîandûmîte nthiî Betheli.” Nwatî Elisha nîwamwîrire atîrî, “Nevîta na Ngai wakwa ûrîa ûtûûraga mwoyo na wata ûrîa we mwene ûgûtûûra mwoyo, atî tî ngûtiga.” Kwoguo nîmaathiîre Betheli.

Ntha 4:15

Aria nake na ûmwîre ûrîa akauga. Nîngaamûtethia muorî kwaria na nîngaamwîra ûrîa mûgeeka.

Nthi 25:2

Ngai akumagua nîûndû wa kûthitha maûndû, nwatî athamaki makumagua nîûndû wa maûndû marîa maumbûraga.

Nthi 4:27

Ndûkathûkagie mwena wa ûrîo kana wa ûmotho; ndûkanyitanagîre na maûndû macûku.

Ndari 20:17

Rîu twîtîkîrie tûvîtûkîrîre vûrûrirî waku. Tue vamwe na ndîthia cietû tîtuma njîrarî kana tûthiî kîthakarî, kana mîgûndarî yaku na tîtûnyua manjî ithimarî ciaku. Nîtwîkara njîrarî îrîa îtagwa Njîra ya Mûthamaki nginya rîrîa tûkauma vûrûrirî waku.”

Luka 21:15

Nîûndû nie nîngaamûva mîario na ûûgî ûrîa gûtarî nthû yenyu wana îmwe îngîvota kûregana naguo kana gûûkararia.

Gûco 28:14

Mûtikarega kwathîkîra maathani mama na njîra wa yonthe, na mûtikagooce kana mûtungatîre ngai ciîngî.

Gûco 5:32

“Mue andû a Isiraeli, menyererani mwone nîmwavingia maûndû monthe marîa Ngai-Mûnene, Ngai wenyu amwathîte. Mûtikaregane na watho wanarî ûmwe wa Ngai-Mûnene.

Josh 1:7

Kwoguo gîa na vinya na ûmîrîrie na wathîkagîre watho wonthe kûringana na ûrîa Musa ndungata yakwa aakwathire. Ndûkagarûrûke na mwena wa ûrîo kana wa ûmotho ume wathorî ûcio. Na wona weka ûguo ûkavootanaga kûrîa kuonthe ûkathiîcaga.

1Sam 1:26

Nake Hana nîwaugire atîrî, “Ta mbîtîkîria mwathi wakwa! Wata ûrîa mwathi wakwa ûgûtûûra mwoyo, nie nînie mûndûmûka ûrîa warûngamîte mbere yaku ngîvoya Ngai-Mûnene.

1Sam 17:55

Rîrîa Saûlo oonire Daudi athiîte kûrûa na Goliathu, ke nîwaûririe Abineri atîrî, “Abineri, kavîcî gaka nî ka û?” Abineri aarî mûnene wa athigari a Saûlo. Nake Abineri nîwamûcokerie atîrî, “Mwathi wakwa nie ndiîcî kavîcî gaka nî ka û.”

1Sam 20:3

Nwatî Daudi nîwacokerie Jonathani atîrî, “Aguo nîecî waro mûno ûrîa ûmendete na nîatuîte atî tîakûmenyithia ûrîa avangîte gwîka, nîûndû nwa wîgue naaî mûno ngororî. Nwatî nie nîrevîta na Ngai-Mûnene ûrîa ûtûûraga mwoyo nîrî mbere yaku atî, nie ndigarîtie vanini ngue!”

1Sam 25:26

Nî Ngai-Mûnene akûgiririe wîrîvîrîria na njîra ya kûraga nthû ciaku. Na rîu nîngwîvîta na Ngai-Mûnene ûrîa ûtûûraga mwoyo atî nthû ciaku na andû onthe arîa mendaga gûgwîka ûûru makaaverithua ta Nabali.