2Sam 13:4 - ÎVUKU RÎA ÛVORO MWARO

⁴ Jonadabu nîwaûririe Amunoni atîrî, “We wî mûvîcî wa mûthamaki. Nîndûî kîrakûthînia nîûndû monaga wî mûrakaru mîthenya yonthe?” Amunoni nîwamûcokerie atîrî, “Nîmendete Tamarû mwarwang'ina na Abusalomu mûrwaiya.”

2Sam 13:4 ပူးပေါင်းရင်းမြစ်များ

2Sam 13:3

Nwatî Amunoni aarî na mûratawe wetagwa Jonadabu mûvîcî wa Shama. Shama aarî mûrwang'ina na Daudi. Nake Jonadabu aarî mûndû mwara mûno.

2Sam 13:5

Jonadabu nîwamwîrire atîrî, “Îîrwarithie na ûthiî ûkamame ûrîrî. Rîrîa aguo agaûka gûkwona ûkaamwîra atîrî, ‘Nakûthaitha wîre Tamarû mwarwaiya aûke amve irio. Nîmenda aûke anthondekere irio gûkû ngîonaga na acoke amve irio ke mwene ndîe.’ ”

1Atha 21:5

Mûka Jezebeli nîwathiîre varî ke na akîmûria atîrî, “Nîndûî gîkûrakarîtie? Ûrarega kûrîa irio nîkî?”

1Atha 21:7

Mûka Jezebeli nîwamûcokerie atîrî, “Kinthî we tîwe mûthamaki wa Isiraeli? Ûkîra, ûrîe na ûkene. Nîngûgwocera mûgûnda wa mîthavibu wa Nabothi!”

Isaia 3:9

Ûthiû wao nîwonanagia ûrîa marî evia; managîrîra wîvia wao ta wa Sodomu na matiûthithaga. Kaî andû acio marî na thîna-î, nîûndû nîo ene meretererete mathîna.

Jeremia 8:12

Nîmaaconokire rîrîa mekire maûndû marî mûgiro? Naarî mûtiaconoka wanarî vanini, kana megua nthoni, kwoguo makaagwa wata ûrîa acio engî maagwîre, rîrîa ngaamaverithia nîmakaathira.” Ûguo nîguo Ngai-Mûnene arauga.

Alawi 18:9

Mûtikamenyane kîîmwîrî na mwarwanyûkwe kana mwarwanyûkwe ûrîa mûtarî a ng'ina ûmwe nake, wana ethîrwa akûrîrîte mûciî kana akûrîrîte nja ya mûciî.

Alawi 20:17

Mûndûmûrûme ûkaavikia mwarwang'ina, marî a ng'ina ûmwe kana matarî a ng'ina ûmwe, kîu nî gîîko Kîam ûûra nthoni na andû acio nî makaamûranua na andû acio engî. Mûndûmûrûme akethîrwa aconorithîtie mwarwang'ina na nî akaaverithua nîûndû wa wîvia wake ke mwene.

Mika 7:3

Onthe nîmaicî waro gwîka maûndû marîa macûku; atongoria na acirithania metagia mavaki. Mûndû ûrî îgweta aragia maûndû macûku marîa marî ngororî yake, kwoguo mavangaga vamwe maûndû marîa makwenda.

Luka 12:32

“Tigani gwîtigîra mue ndîthia îno nini nîûndû Ngai îthe wenyu nîwonete kûrî kwagîrîru amûve ûthamaki.