2Sam 13:24 - ÎVUKU RÎA ÛVORO MWARO

²⁴ Abusalomu nîwathiîre kûrî Mûthamaki Daudi na akîmwîra atîrî, “Mwathi wakwa mûthamaki nînîrenjithia ng'ondu ciakwa guoya. Nakûthaitha ûûke mûrî na ndungata ciaku nîguo tûnyitanîre.”

2Sam 13:24 ပူးပေါင်းရင်းမြစ်များ

Kîam 38:12

Vuvarî mûka wa Juda, ûrîa warî mwarî wa Shua nîwakwire. Rîrîa Juda aathiririe mîthenya yake ya gûcakaya, ke na mûrata wake Hira ûrîa Mûadulamu nîmaathiîre Timuna kûrî andû arîa meenjaga ng'ondu ciake guoya.

2Sam 13:23

Vuva wa mîaka îîrî, Abusalomu nîwenjaga ng'ondu ciake guoya kûu Baali-hazoru, na nîwetire anake a mûthamaki nîguo methîrwe marî vo. Baali-hazoru yarî vakuvî na îtûûra rîa Efiraimu.

2Sam 13:25

Nwatî mûthamaki nîwerire Abusalomu atîrî, “Naarî mûvîcîwa, tûngîthiî tuonthe twavota gûgûkuithia mûrigo mûrito.” Abusalomu nîwaringîrîrie mûthamaki mathiî, nwatî mûthamaki nîwaregire na nîwarathimire Abusalomu na akîmwîra athiî.

Thaburi 12:2

Wa mûndû nîaveenagia ûrîa wîngî, maveenanagia makînyûrûranagia.

Thaburi 55:21

Ciugo ciao cianyorokete gûkîra kîrimû Kîam îriia, nwatî ngoro ciao mecûrîtwe nî rûmena; ciugo ciao cianyorokete ta maguta, nwatî ciatemaga ta mviû ino mbûgî.

1Sam 25:7

Nîeguîte atî nîûrenjaga ng'ondu ciaku guoya na nîarenda ûmenye atî tûrarî na arîthi aku a tûtiameka ûûru. Gûtirî kîndû wanarî kîmwe maanatura îvinda rîu rîonthe maarî Karimeli.