2Sam 13:22 - ÎVUKU RÎA ÛVORO MWARO

²² Nake Abusalomu nîwamenire Amunoni mûno nîûndû wa kûnyita mwarwang'ina Tamarû na vinya na ndaacoka kwarîria Amunoni rîngî.

2Sam 13:22 ပူးပေါင်းရင်းမြစ်များ

Kîam 24:50

Labani na Bethueli nîmaamûcokerie atîrî, “Ûvoro ûcio umîte kûrî Ngai-Mûnene, tue gûtirî ûndû tûngîtua.

Kîam 31:24

Ûtukû ûcio Ngai nîwaumîrîre Labani na njîra ya kîroto na akîmwîra atîrî, “Menyerera ndûkeere Jakovu ûndû, ûrî ûndû mwaro kana mûcûku.”

Kîam 31:29

Nîrî na ûvoti wa gûgwîka ûndû mûcûku, nwatî Ngai nîarambarîrie ûtukû na njîra ya kîroto, ambîra ndigakwîre ûndû mûcûku kana mwaro.

2Sam 13:21

Rîrîa mûthamaki Daudi eegwire ûrîa gwekîkîte, nîwarakarire mûno.

Nthi 10:18

Mûndû ûrîa ûthithaga ûthû ngororî nî mûthaani. Mûndû ûrîa ûgutanaga nî kîrimû.

Nthi 25:9

Ûngîvîtania na mûndû ûrîa wîngî îgucanani muoîrî, na ndûkaumbûre nthitho ya mûndû ûrîa wîngî.

Nthi 26:24

Mvinga îkunîkagîra ûvinga wa yo na ciugo mbaro, na ngororî yake ethagîrwa akîveenania.

Nthi 26:26

Wana îngîgeria gûkunîkîra ûvinga wayo, ûcûku wayo nîûkaamenyekana nî andû onthe.

Mûvunjia 7:9

Ndûkarakarage na îvenya, nîûndû marakara mekaraga kûrî irimû.

Mathaayo 18:15

“Ethîrwa Mûrwanyûkwe nwa akûvîtîrie, thiî ûmwîre mavîtia make mûrî aîrî tu. Ke angîkûthikîrîria, nîmwacokanîrîra.

Aefeso 4:26

Mûngîrakara, mûtigetîkîre marakara menyu matûma mwîvie na mûtigekare mûrakarîte mûthenya wonthe.

Aefeso 4:31

Thiriani marûrû, marakara na mang'ûrîka. Mûtikanatetie wana kana mûrume andû arîa engî. Mûtikanamene mûndû wana ûrîkû.

1Joh 2:11

Nwatî mûndû wa wonthe ûmenete mûrwang'ina, kana mwarwang'ina ethagîrwa arî ndumarî. Ke athiîcagîra ndumarî na ndamenyaga kûrîa athiîte nîûndû nduma nî îmûtete metho.

1Joh 2:9

Mûndû wa wonthe ugaga atî ke arî ûtherirî na nîamenaga aa mwarwang'ina na aa mûrwang'ina, ethagîrwa arî ndumarî wata mbere.

1Joh 3:10

Îno nîyo ngûrani îrîa îthagîrwa îrî vo gatagatîrî ga ciana cia Ngai na ciana cia Ngoma. Mûndû wa wonthe ûtekaga ûrîa kwagîrîrîte, tî mwana wa Ngai na andû arîa matendete andû arîa engî tî ciana cia Ngai.

1Joh 3:12

Tûtiagîrîrwe nî kwîthîrwa twîkariî ta Kaini ûrîa warî wa Ûrîa Mûcûku, na waûragire mûrwang'ina, Abili. Kaini aaûragire mûrwang'ina nîkî? Aamûragire nîûndû ciîko irîa ke eekaga ciarî njûku, nwatî cia mûrwang'ina Abili ciarî mbaro.

1Joh 3:15

Mûndû wa wonthe ûmenete mûrwang'ina nî mûragani na nîmwîcî atî gûtirî mûragani wîthagîrwa arî na mwoyo wa tene na tene ndaarî yake.