2Sam 12:5 - ÎVUKU RÎA ÛVORO MWARO

⁵ Daudi nîwarakarirue nî gîtonga kîu mûno na akîîra Nathani atîrî, “Nevîta na Ngai-Mûnene ûrîa ûtûûraga mwoyo, atî mûndû ûrîa wîkîte ûguo agîrîrwe nî gûkua!

2Sam 12:5 ပူးပေါင်းရင်းမြစ်များ

Kîam 38:24

Vuva wa mîeri îthatû Juda nîwerirwe atîrî, “Tamarû mûka wa mûvîcîguo ethîrîtwe akîvûra ûmaraa, na rîu arî îvu.” Juda nîwathanire akiuga atîrî, “Mûruteni nja ya îtûûra na mûmûvîvie.”

2Sam 12:4

Mûthenya ûmwe mûndû ûcio warî gîtonga nîwagîre na mûgeni gwake mûciî. Gîtonga kîu gîtietîkîra kûthînjîra mûgeni wakîo nyamû îmwe ya ndîthia ciakîo nîguo kîmûthondekere irio. Vandû va ûguo, ke aanyitire kamwatî ka mûndû ûcio mûthîni na gîkîrugîra mûgeni wakîo.”

2Sam 14:8

Mûthamaki nîwacokire akîîra mûndûmûka ûcio atîrî, “Thiî gwaku mûciî, nîngûrûmbûyia ûvoro ûcio.”

Luka 9:55

Nwatî Jesû nîwavûgûkire na kûrîa maarî na akîmakaania.

Aroma 2:1

Mûrata wakwa ethîrwa we nîûtucagîra andû arîa engî, ndûrî na kîîgwatio wana ethîrwa we nîwe û. Nîûndû rîrîa ûgûtuîra andû arîa engî ûgacoka ûgeka maûndû marîa maratûma ûmatuîre, nîwe mwene ûretuîra.

1Sam 14:39

Nie nîngwîvîta na Ngai-Mûnene ûrîa ûtûûraga mwoyo, ûrîa ûvotithagia andû a Isiraeli kûvootana atî, mûndû ûrîa ûkwîthîrwa arî na mavîtia nwanginya aûragwe, wana ethîrwa arî mûûriû wakwa, Jonathani.” Nwatî gûtirî mûndû wanarî ûmwe gatagatîrî ka andû acio onthe waugire ûndû.

1Sam 20:31

Anga ndûicî atî Daudi arî mwoyo ndûgaatuîka mûthamaki wa vûrûri ûyû? Kwoguo thiî ûkamûrete ava nîrî, nîûndû nwanginya akue!”

1Sam 26:16

Ûguo wîkîte tî waro. Nîrevîta na Ngai-Mûnene ûrîa ûtûûraga mwoyo atî, we wagîrîrwe nî kûragwa, nîûndû ndûnagitîra mûnene wenyu ûrîa Ngai-Mûnene aathuurire atuîke mûthamaki. Taroriani wone îtumû rîa mûthamaki rîrî kû? Naguo mûcuva wa manjî ûrîa ûrarî vakuvî na kîongo gîake ûrî kû?”