2Sam 12:20 - ÎVUKU RÎA ÛVORO MWARO

²⁰ Daudi nîwaûkîrire varîa aamamîte nthî, akîîthambia agîîcanûra njuîrî, na agîcenjia nguo. Nîwacokire akîthiî nyombarî ya Ngai-Mûnene na akîvoya. Vuva wa ûguo nîwacokire gwake mûciî agîtia irio na akîrîa.

2Sam 12:20 ပူးပေါင်းရင်းမြစ်များ

2Sam 12:19

Nwatî rîa Daudi oonire ndungata ikîvevanîrîra, nîwamenyire atî kaana kaarî gakuû. Kwoguo nîwaûririe ndungata ciake atîrî, “Nîkwa kaana karî gakuû?” Nacio nîciamwîrire atîrî, “Îî nî gakuû.”

2Sam 12:21

Nacio ndungata ciake nîciamwîrire atîrî, “Tue tûtiramenya ûguo ûreka. Nîûndû rîrîa kaana kaarî mwoyo, we nîwakarîrîre na ûkîînyerekia. Nwatî rîrîa karakwire ûraûkîrire na warîa irio!”

2Sam 14:2

Kwoguo Joabu nîwatûmanîre mûndûmûka ûmwe warî mûûgî watûûraga îtûûrarî rîa Tekoa. Rîrîa mûndûmûka ûcio aathiîre kûrî Joabu, Joabu nîwamwîrire atîrî, “Îîtue atî nîkwa ûracakaya, wîkîre nguo ciaku cia macakaya, na ndûgacanûre njuîrî ciaku na wîtue ta mûndûmûka wîthîrîtwe agîcakaya kavinda karaca.

2Sam 19:24

Mefiboshethu mwana wa mûvîcî wa Saûlo nîwathiîre gûtûnga mûthamaki. Nake ndeethambîtie magûrû, kana akenja nderu, wana kana athambia nguo ciake. Ke eekarire ûguo kuuma rîrîa mûthamaki aaumire Jerusalemu nginya rîrîa aacokire arîkia kûvootana.

2Sam 6:17

Nîmaaretire Îthandûkû rîa Ngai-Mûnene na makîriigîrîra vandû va rîo îgemarî rîrîa Daudi aatumîte nîûndû wa rîo. Daudi nîwacokire akîrutîra Ngai-Mûnene magongoona ma kûvîvua na ma thayû.

2Sam 7:18

Mûthamaki Daudi nîwatoonyire îgemarî, agîkara nthî mbere ya Ngai-Mûnene na akîvoya akiugaga atîrî, “Ûûi Mwathani Ngai-Mûnene, nie na nyomba yakwa ndirî mwagîrîru wa gwîkîrwa maûndû mau monthe ûmbîkîte,

Ayubu 1:20

Nake Ayubu nîwaûkîrire na agîtembûranga nguo ciake, akîenjwa kîongo, akîrivania nthî,

Ayubu 2:10

Ayubu nîwacokirie atîrî, “We ûraria ta aka arîa aritu! Ethîrwa nîtwamûkagîra indo mbaro kuuma kûrî Ngai-Mûnene, na kinthî tûtiagîrîrwe nî kwamûkîra wana nginya maûndû macûku kuuma kûrî ke?” Wana Ayubu acemania na mathîna mau monthe, ke ndaaruma Ngai.

Thaburi 103:1

We ngoro yakwa, kumia Ngai-Mûnene, mwoyo wakwa wonthe nîûkumie rîîtwa rîake rîtheru.

Thaburi 103:8

Ngai-Mûnene arî ntha na nî mûtugi, ndarakaraga na îvenya na ecûrîtwe nî wendo ûtathiraga.

Thaburi 39:9

Mbîkariî ta mûndû ûtaicî kwaria, tîmbuga wanarî ûndû, nîûndû we nîwe ûtûmîte nthînîka ûguo.

Thaburi 95:6

Ûkani tûmwînamîrîre na tûmûgooce, tûturie maru mbere ya Ngai-Mûnene, ûrîa watûmbire.

Nthi 3:7

Ndûkeyone we mwene ûrî mûûgî; îîtigîre Ngai-Mûnene, na ûtigane na maûndû macûku.

Mûvunjia 9:8

Îkaraga ûkenete na ûcanjamûkîte vîndî cionthe.

Mathaayo 6:17

Nwatî vîndî îrîa mûrenyerekia, îthambagieni mothiû menyu na mûgacanûra njuîrî,

Luka 7:46

We ndûnamvaka maguta kîongo, nwatî mûndûmûka ûyû nî wamvaka maguta maranunga waro magûrûrî makwa.

Ruthu 3:3

Kwoguo îîthambie, wîvake maguta manungi waro na wîkîre nguo ciaku irîa mbaro makîria. Ûcoke ûthiî îtîrirî varîa aravûûrîra cairi na ndûkeyonithie kûrî ke nginya rîrîa akathiria kûrîa na kûnyua.

1Sam 15:25

Nwatî rîu nîrakûthaitha ûnjovere wîvia wakwa na tûcoke nawe, nîguo ngagooce Ngai-Mûnene.”

1Sam 15:31

Kwoguo Samueli nîwacokire marî na Saûlo Giligali, nake Saûlo akîgooca Ngai-Mûnene.