2Sam 10:16 - ÎVUKU RÎA ÛVORO MWARO

¹⁶ Nake mûthamaki Hadadezeri nîwatûmanîre andû arîa maarî mûringo ûcio wîngî wa Rûnjî rwa Farati maûke. Nao nîmaaûkire Helamu matongoretue nî Shobaku, mûnene wa athigari a mbaara a Hadadezeri ûrîa warî mûthamaki wa Zoba.

2Sam 10:16 ပူးပေါင်းရင်းမြစ်များ

2Sam 10:15

Nwatî rîrîa andû a Sîria moonire atî nîmavootwa nî Aisiraeli nîmaacokanîrîrie andû ao onthe vamwe.

2Sam 10:17

Rîrîa Daudi aamenyithirue ûvoro ûcio nîwacokanîrîrie athigari onthe a Isiraeli, makîringa rûnjî rwa Jorodani na magîkinya Helamu, kûrîa andû a Sîria maarûngamîte mevarîrîtie kûrûa nake. Nayo mbaara nîyambîrîrie

1Atha 11:23

Ngai nîwacokire agîtûma Solomoni agîe na nthû. Nthû îo yetagwa Rezoni, mûvîcî wa Eliada. Rezoni aaûrîte kuuma kwî mwathi wake Hadadezeri, ûrîa warî mûthamaki wa Zoba.

1Maû 18:3

Daudi nîwatharîkîre mûthamaki Hadadezeri wa Zoba vakuvî na vûrûri wa Hamathi. Vîndî îo Hadadezeri aageragia kûnenevia ûthamaki wake ûkinye mwena wa îgûrû wa rûnjî rwa Farati.

1Maû 18:5

Rîrîa athigari a Sîria a kuuma Damesiki maathiîre gûtethia mûthamaki Hadadezeri wa Zoba, Daudi nîwamatharîkîre na nîwaûragire athigari ngiri mîrongo îîrî na igîrî (22,000) a Sîria.

1Maû 19:16

Asîria mamenya atî nîmaavootirwe nî athigari a Isiraeli, nîmaatûmire anjaama mathiî magîre athigari a Sîria arîa maarî mwena wa îrathîro wa rûnjî rwa Farati. Athigari acio maarûngamagîrîrwa nî Shobaki ûrîa warî mûnene wa athigari a mûthamaki Hadadezeri wa Zoba.