2Sam 10:12 - ÎVUKU RÎA ÛVORO MWARO

¹² Îyûmîrîrie! Tûrûe na vinya nîûndû wa andû etû na matûûra ma Ngai wetû. Nake Ngai-Mûnene aroeka wa ûrîa akwona kwagîrîre.”

2Sam 10:12 ပူးပေါင်းရင်းမြစ်များ

2Sam 10:11

Joabu nîwerire Abishai atîrî, “Wona andû a Sîria takwa makûmvoota, ûûke ûndethererie. Nanie nona andû a Aamoni takwa magûkûvoota nîngûka gûgûtethereria.

2Sam 15:26

Nwatî angîthîrwa tî mûkenu nînie gûtirî ûndû, nîakambîka wa ûrîa akoona kwagîrîrîte.”

1Maû 19:13

Gîa na vinya na ûcamba na tûrûîrîre andû etû na matûûra ma Ngai wetû. Ngai-Mûnene nîagwîka ûrîa akwona kwagîrîrîte.”

2Maû 32:7

“Gîani na vinya na mûmîrîrie. Mûtigetigîre kana mûmake nîûndû wa mûthamaki wa Asîria, kana nîûndû wa ûrîa arî na athigari a mbaara eengî, nîûndû ûrîa ûrî natue arî na vinya nyîngî gûkîra ûrîa ûrî na Senakeribu.

Nehemia 4:14

Nînaroririe ngîona atî andû maarî amaku mûno. Kwoguo nînameerire wa vamwe na atongoria na anene ao atîrî, “Mûtikamakue nî nthû cietû. Ririkanani ûrîa Mwathani arî mûnene na arî vinya na mûrûîrîre andû enyu, ciana cienyu, aka enyu, na mîciî yenyu.”

Nehemia 4:8

Kwoguo nîmaavangire marî vamwe matharîkîre Jerusalemu nîguo kûgîe na kîvîngîcî wîrarî wa gûtuma.

Esita 4:16

“Thiî ûnganie Ayahudi onthe arîa marî kûu Susa, mwînyerekie na mûvoe. Mûtikarîe kana mûnyua kîndû îvinda rîa mîthenya îthatû, ûtukû na mûthenya. Nie vamwe na ndungata ciakwa tûkethîrwa tûkînyerekia wata mue. Nîngaacoka nthiî kûrî mûthamaki wana ethîrwa tîguo watho wîtîkîrîtie. Ethîrwa nî kûragwa nîngaaûragwa.”

Ayubu 1:21

na akîvoya akiuga atîrî, “Naciarirwe ndarî na kîndû na ngakua ndarî na kîndû. Nî Ngai-Mûnene wavecanire na nîke wacoka gwîcîra, rîîtwa rîake rîrogoocwa!”

Ndari 13:20

Tuîriani mwone kana vûrûri ûcio nî mûnoru, kana tî mûnoru, ûrî na mîtî kana ndûrî. Îîyûmîrîrieni na mûndetere matunda mamwe ma vûrûri ûcio.” (Vîndî îo nîrîo thavibu ciambagîrîria gûtunîva.)

1Akor 16:13

Îkaragani mwîvarîrîtie na mwîkindîrîtie wîtîkiorî wenyu. Gîani na ûmîrîru. Gîani na vinya.

Gûco 31:6

Gîani na vinya na mûmîrîrie, mûtigetigîre kana mûrwe nî vinya, nîûndû Ngai-Mûnene Ngai wenyu nîke ûkethagîrwa vamwe namue. Ke ndakaamûtiganîria kana amûrekereria.”

Gûco 31:7

Musa nîwacokire agîta Joshua, na marî mbere ya andû onthe a Isiraeli nîwamwîrire atîrî, “Gîa na vinya na ûmîrîrie nîûndû we nîwe ûgûtongoria andû aya mathiî makegwatîre vûrûri ûrîa Ngai-Mûnene eerîre methe mao.

Ahib 11:33

Na njîra ya wîtîkio nîmaarûire na mavûrûri monthe na makîmavoota. Nîmeekire ûrîa kwagîrîrîte na Ngai nîwamavere kîrîa aamerîrîte. Nîwavingire tûnyua twa mînyambû,

Ahib 13:6

Kwoguo tûrî na ûmîrîru nwa tuge atîrî, “Mwathani nîke ûndethagia, nie ndigeetigîra. Nî atîa mûndû wana ûrîkû angîmbîka?”

Josh 1:18

Mûndû wa wonthe ûkaaregana nawe na arege kwathîkîra watho waku, nî akaaûragwa. Gîa na vinya na ûmîrîrie!”

Josh 1:9

Ririkana atî nakwatha ûgîe na vinya na ûmîrîrie! Ndûgetigîre kana ûgîe guoya, nîûndû nie Ngai-Mûnene, Ngai waku, ngethagîrwa nîrî nawe kûrîa kuonthe ûkathiîcaga.”

Atir 10:15

Nwatî andû a Isiraeli nîmeerire Ngai-Mûnene atîrî, “Nîtwîvîtie. Twîke wa ûrîa ûkwona kwagîrîrîte, nwatî twakûthaitha ûtûvonokie ûmûnthî.”

1Sam 14:12

Nao arûme a Afilisiti nîmeetire Jonathani marî na mwanake ûcio wamûkuuagîra indo cia mbaara, makîmeera atîrî, “Ta unûkiani mûke gûkû tûrî! Tûrî na kaûndû tûrenda kûmwîra!” Nake Jonathani nîwerire mwanake ûcio atîrî, “Ûka ûnûmîrîre tunûkie, nîûndû Ngai-Mûnene nîatûmîte Afilisiti mavootwe nî Aisiraeli.”

1Sam 14:6

Nake Jonathani nîwerire mwanake ûcio wamûkuuagîra indo ciake cia mbaara atîrî, “Ûka, tûthiî mûringo ûrîa wîngî kûrîa Afilisiti arîa matarî aruu marî. Ngai-Mûnene avota gûtûtethia; nîûndû gûtirî kîndû kîngîgiria Ngai-Mûnene atûtethie wana ethîrwa tûtirî eengî.”

1Sam 17:32

Nake Daudi nîwerire Saûlo atîrî, “Mwathi wakwa, mûndû wana ûrîkû ndagetigîra Mûfilisiti ûyû! Nie ndungata yaku nîngûthiî kûrûa nake.”

1Sam 3:18

Kwoguo Samueli nîwamwîrire maûndû monthe atakûmûthitha wanarî ûndû. Nake Eli akiuga atîrî, “Ke nîke Ngai-Mûnene, tiga eke ûndû wa wonthe ûrîa ke akwona ûrî mwaro.”

1Sam 4:9

Mwîyûmîrîrieni Afilisiti aya na mûrûe ta arûme, nîguo tûtigatuîke ngombo cia Ahibirania ta ûrîa maarî ngombo cietû. Kwoguo rûani ta arûme.”