2Sam 1:16 - ÎVUKU RÎA ÛVORO MWARO

¹⁶ Daudi nîwerire Mûmaleki ûcio atîrî, “Nthakame yaku îrogûcokerera nîûndû we nîwe waumbûra na kanyua gaku atî nîwe waûragire mûndû ûrîa Ngai-Mûnene aathuurire nîguo atuîke mûthamaki.”

2Sam 1:16 ပူးပေါင်းရင်းမြစ်များ

2Sam 1:10

Kwoguo Nînathiîre na ngîmûûraga nîûndû nînaamenyaga atî ke ndangîavonire nîûndû aarî mûmunde mûno. Nînacokire ngîoca nthûmbî îrîa eekîrîte kîongorî gîake na mvang'iri îrîa yarî njararî yake na nîcio nakûretere, mwathi wakwa.”

2Sam 16:8

Wocire ûthamaki wa Saûlo, na rîu nîkwa Ngai-Mûnene arakûverithia nîûndû wa ûrîa waûragire andû eengî a mûciî wa Saûlo. Ngai-Mûnene nîanenganîrîte ûthamaki waku kûrî mûvîcîguo Abusalomu, na rîu mûragani ûyû nîwathira!”

1Atha 2:37

Ûngîkaauma îtûûrarî rîu na ûringe karûnjî ga Kidironi, ûkaamenya nama atî nwanginya ûgaakua na nîwe ûkethîrwa wîyûragithîtie.”

Ayubu 15:6

Ciugo ciaku nîcio igûcirithagia tî nie, kanyua gaku we mwene nîko gakumbûraga.

Nthi 6:2

ethîrwa wîyovete na mîario yaku, ûkenyitithia na ciugo ciaku;

Ezek 18:13

nîakovithanagia indo agetia umithio na agoca maciaro makîria, nî agatûûra mwoyo? Ndagaatûûra mwoyo. Nîekîte maûndû monthe marîa marî mûgiro na nîagaakua. Ke nîagaacokererwa nî nthakame yake ke mwene.

Ezek 33:5

Nîweguire mûgambo wa karumbeta na nîwaregire kwîmenyerera, kwoguo nîagaacokererwa nî gîkuû gîake. Nwatî kethîrwa nîwemenyerere, nîangîavonokirie mwoyo wake.

Alawi 20:16

Mûndûmûka angîkaamenya nyamû kîîmwîrî, mûndûmûka ûcio nî akaaûragwa, wana nyamû îo nîkaaûragwa. Gîkuû Kîam mûndûmûka ûcio wana Kîam nyamû îo gîkaaumana na ciîko icio.

Alawi 20:27

“Mûndûmûrûme kana mûndûmûka wa wonthe mûndûmûgo kana mûrogi nîakaaûragwa na mathiga. Ikuû cia andû acio ikaaumana na ciîko ciao o ene.”

Alawi 20:9

Ngai-Mûnene nîwaugire atî, mûndû wa wonthe ûkaaruma îthe kana ng'ina nîakaaûragwa. Gîkuû Kîam mûndû ûcio gîkaaumana na gîîko gîake ke mwene.

Mathaayo 27:25

Nakîo kîrîndî kîonthe nîgîacokirie atîrî, “Nthakame yake nî îtûcokerere na îcokerere ciana cietû.”

Luka 19:22

Nake mûnene ûcio nîwamîrire atîrî, ‘We ndungata îno mbaganu! Mîario îo waria na kanyua kau gaku, nwayo ngûgûtuîra nayo! Kwoguo nîwecî atî nie nîrî mûndû wa ngoro nyûmû, mûndû wocaga kîrîa atathithinîrîte na agaketha kîrîa atavandîte!

Ciîko 18:6

Nao nîmaamûkararirie na makîmûruma. Kwoguo nîwarivarivire rûkûngû kuuma nguorî ciake na akîmeera atîrî, “Mwona mwarega kûvonoka, nî venyu! Nie ndirî vo! Kuuma rîu nie nîngûthiî kûrî andû a ndûrîrî.”

Ciîko 20:26

Kwoguo ûmûnthî ûyû nie nîvîta atî mûndû wana ûmwe gatagatîrî kenyu angîkaaûra, nie ndikaûrua nthakame yake,

Aroma 3:19

Na rîu nîtwîcî atî maûndû monthe marîa marî Wathorî nîma andû arîa marî rungu rwa Watho nîguo gûtikaagîe ciîgwatio, nao andû onthe a nthî matuîke a gûcirithua nî Ngai.

Gûco 19:10

Mûgeeka ûguo nîguo mûndû ûrîa ûtekîte ûndû mûcûku ndakaûragîrwe vûrûrirî wenyu ûrîa Ngai-Mûnene Ngai wenyu akûmûva rîrî îgai rîenyu, na mûtikethîrwe mûrî na mavîtia ma kûûraga mûndû ûtarî na mavîtia.

Josh 2:19

Mûndû wa wonthe wa cienyu angîkaauma nja na aûragwe, mau makethîrwa marî mavîtia make, tue tûtikaaûrua. Nake mûndû wa wonthe wa cienyu, arîa mûkeethîrwa mûrî nao nyomba angîkoona thîna nîtue tûkaaûrua nthakame yake.

Atir 9:24

Ûndû ûyû wekîkire nîguo wîvia ûrîa wekirwe wa kûûraga avîcî mîrongo mûgwanja a Gideoni ûrîvîke. Nayo nthakame yao îgîcokerera Abimeleki na andû a Shekemu acio maamwîkîrire vinya nîguo aûrage aa mûrwang'ina.

1Sam 25:39

Rîrîa Daudi eegwire atî Nabali aarî mûkuû, ke nîwaugire atîrî, “Ngai-Mûnene arogoocwa wa ke ûrîa ûndîvîrîrîtie kûrî Nabali nîûndû wa ûûru wake. Nîangirîtie nie ndungata yake ndigeke ûndû mûcûku” Daudi nîwacokire agîtûma andû mathiî makeere Abigaeli atî nîakwenda kûmûvikia.

1Sam 26:9

Nwatî Daudi nîwerire Abishai atîrî, “Ndûkamûrage! Ngai-Mûnene nwa averithie mûndû wa wonthe ûrîa ûngîka mûthamaki ûrîa ke athuurîte ûûru.”