2Sam 1:10 - ÎVUKU RÎA ÛVORO MWARO

¹⁰ Kwoguo Nînathiîre na ngîmûûraga nîûndû nînaamenyaga atî ke ndangîavonire nîûndû aarî mûmunde mûno. Nînacokire ngîoca nthûmbî îrîa eekîrîte kîongorî gîake na mvang'iri îrîa yarî njararî yake na nîcio nakûretere, mwathi wakwa.”

2Sam 1:10 ပူးပေါင်းရင်းမြစ်များ

2Sam 1:16

Daudi nîwerire Mûmaleki ûcio atîrî, “Nthakame yaku îrogûcokerera nîûndû we nîwe waumbûra na kanyua gaku atî nîwe waûragire mûndû ûrîa Ngai-Mûnene aathuurire nîguo atuîke mûthamaki.”

2Sam 1:9

Nake nîwacokire akîmbîra atîrî, ‘Ûka ûmbûrage! Nîûndû nie nîrîmûtivangie mûno na nîrî vakuvî gûkua!’

2Sam 12:30

Nîwacokire akîruta nthûmbî ya thaavu îrîa yarî kîongorî Kîam mûthamaki wa Aamoni. Nayo yarî na ûrito wa kilo ta mîrongo îthatû na ithano na yarî na tûthiga twa goro ndarî ya yo. Daudi nîwamigîrîre kîongorî gîake. Nîwacokire agîkuua indo nyîngî irîa ciatavîtwe kuuma îtûûrarî rîu.

2Atha 11:12

Jehoiada nîwacokire akîruta Joashi, mûvîcî wa mûthamaki nja na akîmwîkîra nthûmbî kîongo na akîmûnengera mawatho ma kûrûmîrîrwa nî mûthamaki. Joashi nîwacokire agîtîrîrua maguta na agîtuîka mûthamaki. Andû nîmaaringaringire mvî ciao na makiugîrîria atîrî, “Ûrotûûratûûra mûthamaki!”

Maca 5:16

Ngumo yetû nî nthiru, kaî tûrî thînarî-î, nîûndû nîtwîvîtie!

Mathaayo 7:2

Nîûndû Ngai akaamûtuîra wata ûrîa mûtucagîra andû arîa engî, na kîthimi kîrîa mûthimagîra arîa engî nakîo nwa kîo mûkaathimîrwa nakîo.

Atir 1:7

Adonibeseki nîwacokire akiuga atîrî, “Nîkwarî na athamaki mîrongo mûgwanja maatinîtue ciara irîa nene cia njara wana cia magûrû. Athamaki acio moocanagia rwîtîki rungu rwa metha yakwa makîrîcaga. Wata ûrîa nekire andû, nwaguo Ngai ambîka.” Adonibeseki nîwacokire akîvirwa Jerusalemu, kûrîa aakuîrîre.

Atir 9:54

Wa rîmwe Abimeleki nîwacokire agîta mwanake ûrîa wamûkuuagîra indo ciake cia mbaara na akîmwîra atîrî, “Comora rûviû rwaku na ûmbûrage. Ndikwenda andû makauga atî naûragirwe nî mûndûmûka.” Nake mwanake ûcio nîwamûmundire akîmûtûrîkania na agîkua.

1Sam 22:18

Kwoguo mûthamaki nîwerire Doegu atîrî, “Maûrage arî we!” Nake Doegu nîwaûragire athînjîri-Ngai onthe. Mûthenya ûcio, ke nîwaûragire athînjîri-Ngai mîrongo înana na atano arîa meekagîra efodi.