2Pet 3:8 - ÎVUKU RÎA ÛVORO MWARO

⁸ Nwatî arata akwa ende, mûtikariganîrwe nî ûndû ûyû ûmwe! Varî Mwathani mûthenya ûmwe nî ta mîaka ngiri îmwe, na mîaka ngiri îmwe nî ta mûthenya ûmwe.

2Pet 3:8 ပူးပေါင်းရင်းမြစ်များ

Thaburi 90:4

Mîaka ngiri îmwe mbere yaku, nîta mûthenya ûmwe tu, nîta îgoro rîrîa rîvîtûku, kana ta kavinda kanini ga ûtukû.

Aroma 11:25

Ariû na aarî a îthe wetû, nie nînîrenda kûmûmenyithia ûma ûrîa mûthithe nîguo mûtigekare mûkîîraga na ngoro cienyu atî mûrî aûgî mûno. Ûma ûcio nî atî ûremi wa andû amwe a Isiraeli tî wa gûtûûra, nwatî ûkethagîrwa vo tu nginya rîrîa andû onthe a Ndûrîrî magaûka kûrî Ngai.

1Akor 10:1

Ariû na aarî a îthe wetû nîrenda mûririkane maûndû marîa meekîkire kûrî methe metû ma tene arîa maarûmîrîre Musa. Onthe nîmaakunîkîrwe nî îtu na rîkîmagitîra na makîringa îria Îtune.

1Akor 12:1

Rîu ariû na aarî a îthe wetû, nîrenda mûtaûkîrwe nî ûvoro wîgiî iveo kuuma kûrî Roho Mûtheru.

2Pet 3:1

Arata akwa, îno rîu nîyo maarûa yakwa ya kaîrî kûmwandîkîra. Maarûarî wa cioîrî, nîngeretie kûrurumûkia meciria menyu mevokeku na njîra ya kûmûririkania maûndû mama.