2Pet 3:2 - ÎVUKU RÎA ÛVORO MWARO

² Nîrenda mûririkane ciugo irîa ciarirue tene mûno nî arathi arîa atheru na rîathani rîrîa mwaveerwe nî atûmwa enyu riumîte kûrî Mwathani na Mûvonokia.

2Pet 3:2 ပူးပေါင်းရင်းမြစ်များ

Luka 1:70

Nîweranîre kuuma tene, na tûnyua twa arathi ake atheru,

Luka 24:27

Jesû nîwacokire akîmeereithia maûndû marîa mamwîgiî na maarîtue Mandîkorî Matheru, kwambîrîria na mavuku ma Musa nginya marîa maandîkirwe nî arathi onthe.

Luka 24:44

Jesû nîwacokire akîmeera atîrî, “Maûndû mama nwamo nîramwîraga vîndî îrîa nîrethagîrwa nîrî vamwe namue. Maûndû marîa mambîgiî na mandîkîtwe Wathorî wa Musa, mandîkorî ma arathi, wana nginya Thaburirî nwa nginya mavingue.”

Ciîko 10:43

Arathi onthe nîmaarutire ûira wîgiî Jesû, na makiuga atî andû onthe arîa mamwîtîkîtie nîmakooverwa mevia mao na vinya wa rîîtwa rîake.”

Ciîko 28:23

Kwoguo Paûlo na atongoria acio a Ayahudi nîmaathuurire mûthenya wa gûcemania. Na rîrîa mûthenya ûcio wakinyire, andû eengî mûno a Kîyahudi nîmaathiîre kûrîa Paûlo eekaraga. Nake Paûlo nîwamaarîrie kuuma kîraûko nginya ûtukû. Ke nîwatûmîre Watho wa Musa na mandîko ma arathi akîmataarîria ûvoro wîgiî Ûthamaki wa Ngai. Nîwageririe kûmonithia metîkie ûvoro wîgiî Jesû.

Ciîko 3:18

Nwatî ûguo nîguo Ngai aavingirie ûrîa ke aarîtie na njîra ya tûnyua twa arathi ake onthe, atî nwa nginya Mesaya wake anyarirwe.

Ciîko 3:21

Nwatî Jesû nwa nginya ekare îgûrû nginya rîrîa kavinda gagaakinya ka maûndû monthe gûtuîka macerû. Kavinda kau nîko Ngai ke aaririe kuuma tene na njîra ya tûnyua twa arathi ake atheru.

Agal 6:2

Kuuanagîrani mîrigo mûndû na ûrîa wîngî. Mweka ûguo, mûkethagîrwa mûkîathîkîra watho wa Kristû.

Aefeso 2:20

Wa namue mwîkariî ta nyomba îrîa yatumirwe îgûrû rîa atûmwa na arathi marî ta o mûcingi. Nake Kristû ke mwene nîke îthiga rîrîa rîa vata mûno rîa nyomba îo.

Aefeso 3:5

Andû arîa maatûûraga kuo mavinda marîa mavîtûku, matierwa nthitho îno. Nwatî rîu na njîra ya Roho, Ngai nîwonanîtie nthitho îo kûrî atûmwa ake atheru na arathi.

1Tim 6:14

atî ûtuîke mwathîki na mwîvokeku îgûrû rîgiî mataaro monthe marîa ûvetwe nginya mûthenya ûrîa Mwathani wetû Jesû Kristû agaaûka.

2Pet 2:21

Wana nî kava matangîamenyete njîra ya ûthingu, gûkîra kûmîmenya na magacoka makavuvatîra maathani matheru marîa maaverwe.

2Pet 3:15

Tucagani gûkirîrîria kwa Mwathani wetû ta kamweke aramûva nîguo mûvonoke. Mûrû wa îthe wetû mwende Paûlo nîwamwîrire wa guo vîndî îrîa aamwandîkîre maarûa kûringana na ûûgî ûrîa Ngai aamûveete.

2Pet 3:16

Ûguo nîguo augîte maarûarî ciake cionthe rîrîa rîonthe andîkîte îgûrû rîa ûvoro ûyû. Maûndû mamwe marî maarûarî cia Paûlo nî maûmû mûno mûndû gûtaûkîrwa nîmo. Nao andû arîa methagîrwa matarî athomu na arîa matekindîrîtie wîtîkiorî nîmataaragîria maûndû mau na njîra ya maveeni, wata ûrîa mataaragîria icunjî irîa ciîngî cia Mandîko Matheru. Kwoguo nîmethiragia o ene.

1Joh 4:6

Nwatî tue tûrî a Ngai. Mûndû wa wonthe wîcî Ngai nîatûthikagîrîria. Mûndû wa wonthe ûtarî wa Ngai ndatûthikagîrîria. Na njîra ta îno nîtûmenyaga Roho wa ma na roho wa maveeni.

Juda 1:17

Nwatî mue arata akwa, nîmwagîrîrwe nî kûririkana ûvoro ûrîa mwerîtwe mbere nî atûmwa a Mwathani wetû Jesû Kristû.

Kûguû 19:10

Nînegwîthirie nthî mbere yake nîmûgooce, nwatî ke nîwambîrire atîrî, “Tiga gwîka ûguo! Nie ndungatagîra Ngai wa tawe na etîkia arîa engî onthe evokeku. Acio nî arîa marûmagîrîra ûira wa Jesû. Goocani Ngai arî ke!” Nîûndû ûira ûrîa ûguûragwa nî Jesû nîguo ûtûmaga arathi manîrîre ndûmîrîri ya ûkristiano.