2Pet 2:2 - ÎVUKU RÎA ÛVORO MWARO

² Nao andû eengî nîmakûrûmîrîra mîtugo yao ya waganu na nîûndû wa maûndû marîa mekaga, andû engî nîmagaacambia njîra ya ûma.

2Pet 2:2 ပူးပေါင်းရင်းမြစ်များ

Kîam 19:5

Nao nîmeetire Loti na makîmûria atîrî, “Arûme arîa maûkire gwîkara nawe ûmûnthî ûtukû marî kû? Marute na gûkû nja nîguo tûmenyane nao kîîmwîrî!”

Thaburi 18:21

Nî mbathîkagîra watho wa Ngai-Mûnene, na ndianeka ûndû mûcûku nîguo ndiganîrie Ngai wakwa.

Isaia 35:8

Kûu werûrî nîgûkaagîa varavara nene, nayo nîgetwa, “Njîra Ntheru.” Gûtirî mûndû mwîvia ûkaavîtûkîrîra varavararî îo, na irimû itikaavîtia njîra îo.

Jeremia 6:16

Ngai-Mûnene arauga atîrî, “Rûngamani makathîkanorî ma njîra na mûrorie, na mûrie ûvoro wa njîra cia tene, kûrîa njîra îrîa mbaro îrî. Mûthiîrîre yo, na nîmûgûtûûra na thayû. Nwatî nîmwaugire atî: ‘Tue tûtikamîthiîrîra.’

Mathaayo 22:16

Nîmaatûmire arutwa ao na andû amwe a Kîamma Kîam Aerodia kûrîke na makîmwîra atîrî, “Mwarimû, tue nîtwîcî atî we waragia ûma na nîûthomithagia andû ûma wîgiî wendi wa Ngai ûtakûmakua nî ûrîa magwîciria. Na ndwendaga kûmenya mûndû nî wa ngathî îrîkû.

Mathaayo 24:24

Nîûndû Mesaya a maveeni na arathi a maveeni nîmakeyumîria. Nîmakoonania ciama na morirû nîguo mangîvota mavîtithie andû arîa Ngai ethuurîrîte.

Mathaayo 7:14

Nwatî mûromo wa gûtonya mwoyorî nî mûceke, na njîra îrîa yerekagîria andû kuo nî njeke na andû arîa mamîonaga nî anini.

Maariko 12:14

Nao nîmaathiîre kûrî ke na makîmwîra atîrî, “Mwarimû, tue nîtwîcî atî we waragia ûma ûtakûmakua nî ûrîa andû magwîciria. Ndwendaga kûmenya mûndû nî wa ngathî îrîkû, nwatî nîûthomithagia andû ûma wîgiî wendi wa Ngai. Tatwîre atîrî, watho wetû nîûtwîtîkîrîtie tûrutîre mûthamaki wa Roma gooti? Tûrutage gooti kana tûtikarutage?”

Maariko 13:22

Nîûndû andû arîa metucaga Mesaya na arîa metucaga arathi nîmakeyumîria na monanie ciama na morirû nîguo kûngîvoteka mavîtithie andû arîa Ngai ethuurîrîte.

Johana 14:6

Nake Jesû nîwamûcokerie atîrî, “Nie nînie njîra, nînie ûvoro wa ma, na nînie mwoyo. Gûtirî mûndû ûthiîcaga kûrî Vava atavîtûkîrîrîte kûrî nie.”

Ciîko 13:10

na akiuga atîrî, “We mûrû wa Ngoma! We wî nthû ya maûndû monthe megiî ûthingu. Wîcûrîtwe nî mîthemba yonthe ya mawara ma waganu. Vîndî cionthe we ndûtigaga kûng'otaria njîra irîa nûngarû cia Mwathani!

Ciîko 14:2

Nwatî Ayahudi amwe arîa maaregete gwîtîkia nîmaaunjugire andû a ndûrîrî na makîmaringîrîra mamene etîkia.

Ciîko 16:17

Mwîrîtu ûcio nîwarûmîrîrie Paûlo vamwe wa natue akiugagîrîria atîrî, “Andû aya nî ndungata cia Ngai Ûrîa Ûrî Îgûrû Mûno! O nîmaranîrîra ûrîa mûngîvonoka!”

Ciîko 18:26

Ke nîwambîrîre kwaria îvoerorî arî na ûmîrîru. Nwatî vîndî îrîa Pirisila na Akuila maamwîgwire, nîmaamûvirire kwao mûciî na makîmûtaarîria na njîra îno mbaro makîria, ûvoro wîgiî Njîra ya Ngai.

Ciîko 19:9

Nwatî Ayahudi amwe nîmaaûmirie ngoro ciao makîrega gwîtîkia na magîcambîrîria Njîra ya Mwathani andû onthe makîgucaga. Kwoguo Paûlo nîwamatigire, agîoca arutwa makîthiî nao nyombarî ya kûthomithîria andû ya mûndû wetagwa Tairano. Na wa mûthenya wa mûthenya Paûlo nîwaranagîria na andû kuo

Ciîko 22:4

Nînaanyariraga andû arîa maarûmagîrîra Njîra îno ya Mwathani. Nînaanyitaga arûme na aka na ngamavingîrithia njeera.

Ciîko 24:14

Nwatî ûndû ûrîa ngwîtîkîra nî atîrî: Nie ngoocaga Ngai wa methe metû ma tene nîrî mûrûmîrîri wa Njîra ya Jesû. Ayahudi maugaga atî Njîra îo nî ya maveeni. Wana nîmbîtîkîtie maûndû monthe marîa mandîkîtwe Wathorî wa Musa na mavukurî ma arathi.

Aroma 2:24

Mandîko matheru maugîte atîrî: “Nîûndû wenyu mue Ayahudi, rîîtwa rîa Ngai nîrîcambîtue nî andû a Ndûrîrî.”

1Tim 5:14

Kwoguo nîrona kwagîrîrîte aka a ndigwa arîa ethî mavike, magîe na ciana na mamenyerere mîciî yao. Meka ûguo, nthû cietû itikaagîa na kamweke ga gûtûruma.

Tito 2:5

Nîmagîrîrwe nî kwînyitagia maûndûrî na kwîthagîrwa marî atheru, na marî aka aro a mûciî. Nîmagîrîrwe nî kwathîkîra arûme ao, nîguo arûme matikagîe na ûndû ûngîcambithia ndûmîrîri ya Ngai.

Tito 2:8

Aragia ûvoro wa ma ûrîa ûtangîrutwa mavîtia nîguo arîa mareganaga nawe maconokage nîûndû matirî na ûndû mangîtûthitanga naguo.

1Pet 2:12

Mîtugo yenyu yagîrîrwe nî kwîthagîrwa îrî mîaro gatagatî ka andû arîa matetîkîtie, nîguo mangiuga mûrî evia magaacokaga kwona ciîko cienyu mbaro. Nao nîmagaakumia Ngai mûthenya ûrîa agaaûka.

2Pet 2:12

Nwatî mekaga maûndû matambîte gwîciiria ta nyamû cia kîthaka irîa ciaûmbirwe nîguo inyitagwe na ikaûragwa. Matonyagîrîra na irumi maûndû marîa matarataûkîrwa nîmo. Makaathirua wata nyamû cia kîthaka.

2Pet 2:15

Nîmatiganîrîtie njîra îrîa nûngarû makaûra. Nîmarûmîrîrîte njîra îrîa yarûmîrîrwe nî Balaamu mûvîcî wa Beori, ûrîa wendete mûno mbeca irîa aarîvagwa nîûndû wa gwîka naaî.

2Pet 2:18

Nîecari na nîmaragia maûndû ma ûrimû. Na njîra ya merirîria mao macûku ma mwîrî, nîmathaagîrîria andû arîa mambîrîrîtie kûthengutîra andû arîa matûûraga mavîtagia.

2Pet 2:21

Wana nî kava matangîamenyete njîra ya ûthingu, gûkîra kûmîmenya na magacoka makavuvatîra maathani matheru marîa maaverwe.

2Pet 2:7

Nwatî Ngai nîwavonokirie Loti mûndû warî mûthingu. Loti aarî mûndû mûthingu. Ke nîwegwithagua kîeva nî mîtugo ya waganu ya andû arîa maareganaga na watho.

Juda 1:10

Nwatî andû acio nîmarumaga maûndû marîa o matataûkagîrwa nîmo. Namo maûndû marîa mamenyaga na ûmenyo wa mûciarîre ta nyamû cia kîthaka, nîmo mamacûkangagia.

Juda 1:15

gûtuîra andû onthe. Ke nîakaaverithia arîa onthe matarî na ûngai, nîûndû wa ciîko cionthe njûku maneka, na averithie evia arîa onthe manaria ciugo njûku cia gûcambithia Mwathani!”

Juda 1:4

Nîûndû andû amwe arîa matarî na ûngai nîmatonyete na nthitho gatagatîrî getû. Andû acio nîo magarûraga ndûmîrîri îgiî wega wa Ngai wetû nîguo magîe na kîîgwatio Kîam maûndû marîa mekaga macûku. Andû aya nwa o maregaga Jesû Kristû ûrîa arî ke Mwathi na Mwathani wetû. Tene mandîko matheru nîmaarathire ûvoro wîgiî îtuîro rîrîa andû acio makûnyita.

Juda 1:7

Taririkanani andû a matûûra ma Sodomu na Gomora na a matûûra marîa maariganîtie namo. Andû a kuo meekire wa ta araika acio. O meekire maûndû ma ûmaraa na makîrirîria kûmenyana kîîmwîrî na njîra irîa ireganîte na watho. Nao nîmaverithagua na mwaki wa tene na tene nîguo matuîke kîonereria kûrî andû onthe.

Kûguû 12:9

Nayo njûnamatu îo nene na araika a yo nîmaaikirue nthî kuuma îgûrû - îo nîyo njoka ya tene, îrîa îtagwa Ngoma, kana Caitani ûrîa ûveenagia andû onthe a nthî.

Kûguû 13:14

Nayo nîyavenirie andû onthe na njîra ya ciama irîa yaringire îrî mbere ya nyamû îrîa ya mbere. Nyamû îo ya kaîrî nîyathanire andû matume mûviano wa nyamû îrîa ya mbere îrî njîra ya kûmîva gîtîîo. Nyamû îo nî yagurarîtue na rûviû, nwatî yarî mwoyo.

Kûguû 13:8

Andû onthe arîa matûûraga nthî nîmakaagooca nyamû îo. Nwatî andû arîa marîîtwa mao maandîkirwe îvukuurî rîa mwoyo mbere ya nthî yûmbwa matikaamîgooca. Îvuku rîu nî rîa Gatûrûme karîa kaaûragirwe.