2Pet 2:12 - ÎVUKU RÎA ÛVORO MWARO

¹² Nwatî mekaga maûndû matambîte gwîciiria ta nyamû cia kîthaka irîa ciaûmbirwe nîguo inyitagwe na ikaûragwa. Matonyagîrîra na irumi maûndû marîa matarataûkîrwa nîmo. Makaathirua wata nyamû cia kîthaka.

2Pet 2:12 ပူးပေါင်းရင်းမြစ်များ

Thaburi 49:10

Mûndû wa wonthe nîaicî atî wana andû arîa aûgî nî makucaga, mûndû mûritu wana kîrimû nîmakucaga. Onthe matigagîra andû arîa engî ûtonga wao.

Thaburi 92:6

Mûndû kîrimû ndangîmenya ûndû, mûndû mûritu ndangîtaûkîrwa nîûndû ûyû,

Thaburi 94:8

Mue andû aya aritu ûguo, ta îcirieni rîngî! Mue irimû ino, mûkaaûvîga rî?

Nthi 14:32

Andû arîa aganu macûkangagua nî ciîko ciao njûku, nwatî andû arîa athingu magitagîrwa nî wîvokeku wao.

Jeremia 10:21

Nîûndû arîthi nî irimû, na mativoyaga Ngai-Mûnene kîrîra, kwoguo methîrîtwe matakûthiî na mbere, na ng'ondu ciao cionthe ikanyagania.

Jeremia 10:8

Onthe nî irimû na nîaritu; kîrîra Kîam mîvuanano nî Kîam mana!

Jeremia 12:3

Nwatî we Ngai-Mûnene nîûmbicî, we nîûnduîrîtie na ûkoona ûrîa ngwîciragia. Maguucie ta ng'ondu îvirîtwe kîthînjîrorî, maige nginya mûthenya ûrîa makaûragwa.

Jeremia 4:22

Ngai-Mûnene arauga atîrî, “Andû akwa nî irimû matimbicî, o nî ciana nditu itarî na ûmenyo. Methagîrwa na wara wa gwîka maûndû macûku, nwatî matiîcî gwîka maûndû maro.”

Jeremia 5:4

Nanie nînacokire ngiuga atîrî, “Aya nî andû athîni na matirî ûûgî! Nîûndû matiîcî maûndû marîa Ngai-Mûnene endaga, na matiîcî watho wa Ngai wao.

Ezek 21:31

Nîngamwîtûrûrîra marakara makwa, nîmûvuvîrîre mîruke ya marakara îkariî ta mwaki. Nîngaacoka nîmûnenganîre kûrî andû ndûrîka, arîa marî wara wa gûcûkangia.

Maariko 7:22

ûtharia, ûkoroku na mawaganu ma mîthemba wa yonthe; ta kûveenania, gwîka maûndû ma ûûra nthoni, kwîgua wîru, kûrumana, gwîtîîa na ûrimû.

Johana 8:21

Wana rîngî Jesû nîwamerire atîrî, “Nie nîngûthiî namue mûkaanjaria, nwatî nîmûgaakua nî mevia menyu. Mue mûtingîvota kûthiî kûrîa ngûthiî.”

Agal 6:8

Ethîrwa mûndû avandaga merirîriarî macûku ma mwîrî, agaaketha gîkuû kuuma merirîriarî mau macûku ma mwîrî. Nwatî ethîrwa avandaga ûvororî wa Roho, agaaketha mwoyo wa tene na tene.

Akol 2:22

Mawatho mama monthe maugaga ûvoro wîgiî kîrîa kîthiraga gîatûmîrwa. Mawatho mau na irîra icio itungîtwe nî andû.

2Pet 1:4

Nîûndû wa maûndû mau, nîatûvete iveo cia vata mûno na cia goro, irîa ke eeranîre. Na njîra ya iveo ino nwa mûvote kûûrîra merirîria macûku ma gûkû nthî na mûgekara ta Ngai.

2Pet 2:19

Nîmameragîra wîyathi, nwatî o ene methagîrwa marî ngombo cia mîtugo îrîa îcûkangagia. Nîûndû mûndû ethagîrwa arî ngombo ya kîndû kîrîa kîmûkîragia ûvoti.

Juda 1:10

Nwatî andû acio nîmarumaga maûndû marîa o matataûkagîrwa nîmo. Namo maûndû marîa mamenyaga na ûmenyo wa mûciarîre ta nyamû cia kîthaka, nîmo mamacûkangagia.