2Pet 1:8 - ÎVUKU RÎA ÛVORO MWARO

⁸ Nîmûvatarîte kwîthagîrwa mûrî na maûndû mama na mekarage makîongererekaga. Na ethîrwa maûndû mau makongererekaga kûrî mue magatûmaga mûtuîke andû a vata na marî na maciaro ûvororî wîgiî kûmenya Mwathani wetû Jesû Kristû.

2Pet 1:8 ပူးပေါင်းရင်းမြစ်များ

Nthi 19:15

Ûgûûta ûtûmaga mûndû amame; nwatî kûgangara gûtûmaga mûndû anyitwe nî yûra.

Mathaayo 13:22

Nacio mbeû irîa ciagwîre mîguarî, ivananîtue na andû arîa megucaga ndûmîrîri îo, nwatî mîtangîko ya gûkû nthî, na kwenda ûtonga, nîîthararagia ndûmîrîri îo nginya magatura maciaro.

Mathaayo 20:3

Mûndû ûcio nîwathiîre rîngî thokorî ta thaa ithatû cia kîraûko na akîona andû engî marûngamîte matarî na ûndû mareka.

Mathaayo 20:6

Na ciakinya ta thaa îkûmi na îmwe nîwathiîre thokorî rîngî na akîona andû engî marûngamîte kuo. Nake nîwamaûririe atîrî, ‘Nîkî kîratûma mûte mûthenya mûgima mûrûngamîte gûkû mûtarî na wîra wa kûruta.’

Mathaayo 25:26

“Nake mwathi wa ndungata îo nîwamîrire atîrî, ‘We ndungata îno mbaganu na ngûtaru! Nîwecî atî nie ngethaga kûrîa ndavandîte, na ngacokanîrîria kûrîa ndaminjîte;

Johana 15:2

Ke nîatemaga rûvûa wa ruonthe rwakwa rûrîa rûtaciaraga maciaro, na rûvûa wa ruonthe rûciaraga maciaro nîarûcaaga nîguo rûciare maciaro meengî.

Johana 17:3

Naguo mwoyo wa tene na tene nî atî andû onthe makûmenye we Ngai wa ma na mamenye Jesû Kristû ûrîa watûmire.

Johana 5:42

Nwatî nîmbîcî mûrî andû a mûthemba ûrîkû na nîmbîcî atî mue mûtiendete Ngai na ngoro cienyu.

Aroma 12:11

Rutagani wîra na kîîo na mûtigatuîke igûta; tungatagîrani Mwathani na ngoro cienyu cionthe.

1Akor 15:58

Kwoguo, ariû na aarî a îthe wetû mue mendete mûno, îkaragani mûmîrîrîtie na mûtakwenyenya. Vîndî cionthe rutagani wîra wa Mwathani na vinya nîûndû nîmwicî atî wîra wa Mwathani tî wa mana.

2Akor 13:5

Îtuîrieni mue ene na mwîthime mwone kana nîmûtûûraga na wîtîkio wenyu. Nî ma nîmwicî atî mûtûûraga na Jesû Kristû, tiga nwa mwîthîrîtwe mûgwîte kîgeranio.

2Akor 8:2

Nîmaavîtûkîrîrîte mageriorî marito na mathînarî meengî. Nwatî wana ethîrwa maarî athîni mûno, gîkeno Kîamo Kîamrî kîngî nîûndû nîmaavecanire na ûtaana.

2Akor 8:7

Mue mûrî itonga mûno cia maûndû monthe, wîtîkiorî, mîariorî, ûmenyorî, na wendirî wenyu wa gûtethania na wendo wenyu kûrî tue. Kwoguo nîtûkwenda mûtuîke ataana ûtungatarî wa kwendana wana guo.

2Akor 9:14

Nîûndû wa wendo mûnene ûrîa marî naguo kûrî mue, makaamûvoyagîra nîûndû wa wega mwîngî wa Ngai ûrîa mûrî naguo.

Afil 1:9

Îvoya rîakwa kûrî mue nî atî wendo wenyu ûthiî na mbere kwongerereka, vamwe na ûmenyo wa ma na gûkûûrana maûndû waro,

Afil 2:5

Îthagîrwani na ngoro ta îrîa yarî na Kristû Jesû.

Afil 3:8

Nîma monaga maûndû monthe marî ma mana nîûndû wa kûgîa na ûndû ûrîa ûrî na umithio mûnene. Ûndû ûcio nî ûvoro wa kûmenya Jesû Kristû Mwathani wakwa. Nîûndû wake nîndiganîrîtie indo cionthe na ngaitua ta macaki ma gûtewa nîguo ngîe na Kristû arî umithio na

Akol 1:10

Namue mûkaavotaga gûtûûra ta ûrîa Mwathani endaga na mûgeekaga maûndû marîa makenagia Mwathani vîndî cionthe. Namue mûkaagîcaga na maciaro maro maûndûrî monthe marîa mûgekaga na mûgakîragîrîria kûmenya Ngai.

Akol 2:7

Tûûragani mwîvandîte ndaarî yake na ûtûûro wenyu ûtumîtwe îgûrû rîake. Îthagîrwani mûrî na vinya wîtîkiorî wenyu wata ûrîa mwathomithirue mwîcûrîtwe nî ngatho.

Akol 3:16

Tigani ûtonga wa ndûmîrîri ya Kristû wîkarage ngororî cienyu. Tûmagîrani ûûgî wonthe wenyu rîrîa mûkûthomithania na mûgûtaarana mue ene. Inagani thaburi, nyîmbo, nyîmbo cia kîîroho mûrî na ngatho ngororî cienyu.

1Ath 3:12

Mwathani arotûma wendani gatagatîrî kenyu wongerereke, na mwendage andû onthe ta ûrîa tûmwendete.

1Ath 4:1

Na mûthiiarî, ariû na aarî a îthe wetû, nîmwathomire kuumana natue ûrîa mwagîrîrwe nî gûtûûra nîguo mûkenie Ngai na nwa guo mûratûûra. Rîu tûramûria na tûkamûthaitha na rîîtwa rîa Mwathani Jesû mûtûûre waro makîria.

2Ath 1:3

Ariû na aarî a îthe wetû, nwanginya tûcokagie ngatho kûrî Ngai vîndî cionthe nîûndû wenyu. Tue nîtwagîrîrwe nî gwîka ûguo nîûndû wîtîkio wenyu nîûrakûra mûno, na wendani gatagatîrî kenyu nî ûrongerereka.

1Tim 5:13

Wana nîmemenyagîria gûtuîka igûta, andû a kûrûraga mîciîrî yene, andû a ngutû, andû metonyagîrîria maûndûrî ma andû arîa engî na maragia maûndû marîa mataagîrîrwe nî kwarua.

Tito 3:14

Andû etû nîmagîrîrwe nî kwîruta gûtûmîra mavinda mao na gwîka ciîko mbaro nîguo matethagîrîria mavata ma andû arîa engî. Matiagîrîrwe nî gûtûûra mûtûûrîre ûtarî na maciaro.

File 1:6

Mavoya makwa nî atî ngwatanîro yetû namue tûrî ta etîkia, nîgûtûma tûtaûkîrwe waro nî irathimo cionthe irîa tûnyitaga nîûndû wa kwîthîrwa rûrî ûrûmwe na Kristû.

Ahib 6:12

Tûtingîenda mûtuîke igûta. Nwatî tûngîenda mwîgerekanie na andû arîa magaaga ciîranîro cia Ngai na njîra ya wîtîkio na gûkirîrîria.

2Pet 1:2

Mûrotuîka a kwîngîvîrwa nî wega na thayû, nîûndû nîmûmenyete Ngai na Mwathani wetû Jesû.

2Pet 1:3

Vinya wa Ngai nîûtûvete indo cionthe irîa tûvatarîte nîguo tûtûûre tûrî na ûngai ûrîa wa ma. Tûrî na indo icio nîûndû nîtûmenyete Jesû ûrîa watwîtire nîguo tûkaagaa riiri na wega wake.

2Pet 2:20

Maavonokirue kuuma maûndûrî marîa macûku ma gûkû nthî na njîra ya kûmenya Mwathani na Mûvonokia wetû Jesû Kristû. Nwatî ethîrwa nîmagûcoka maûndûrî mau macûku na mavotwe nîmo, nîmethîrwa marî acûkîre mûno gûkîra ûrîa gwekariî vîndî yao ya mbere.

2Pet 3:18

Nwatî thiîni na mbere gûkûra mûrî na wega na ûûgî wa Mwathani na Mûvonokia wetû Jesû Kristû. Ke arokumua rîu nginya tene na tene! Ameni.