2Maû 9:8 - ÎVUKU RÎA ÛVORO MWARO

⁸ Ngai-Mûnene, Ngai waku arokumua, nîûndû nîwakenirue nîwe na agîtûma wîkaragîre gîtî Kîam ûthamaki vandûrî vake. Nîûndû Ngai-Mûnene nîendete andû ake, Aisiraeli na nîendete kûmatûûria tene na tene. Nîakûthuurîte ûtuîke mûthamaki wao nîguo wathanage na kîvooto na ûma.”

2Maû 9:8 ပူးပေါင်းရင်းမြစ်များ

2Sam 23:3

Ngai wa Isiraeli nîwaririe; Ke ûrîa Mûgitîri wa Isiraeli ambîrire atîrî, “Mûthamaki ûrîa wathanaga na kîvooto, ûrîa wathanaga etigîrîte Ngai,

2Sam 8:15

Daudi nîwathanire Isiraeli kuonthe na agatwithanagia maciira kûrî andû ake onthe na kîvooto.

1Atha 10:9

Ngai-Mûnene, Ngai waku arogoocwa! Ke nîwonanîtie ûrîa akenetue nîwe na njîra ya gûgûtua mûthamaki wa Isiraeli. Agûtuîte mûthamaki wa Isiraeli nîguo ûtucagîre andû ciira na kîvooto na ûûma, nîûndû Ngai-Mûnene eendire Isiraeli tene na tene.”

1Atha 3:28

Rîrîa andû a Isiraeli meegwire ûrîa Mûthamaki Solomoni aatwire ciira ûcio, nîmaamûtîire mûno nîûndû nîmaamenyire atî Ngai nîwamûvete ûûgî wa gûtua ciira na kîvooto.

1Maû 17:22

Ngai-Mûnene, we nîûtuîte Isiraeli andû aku tene na tene na nîûtuîkîte Ngai wao.

1Maû 28:5

Ngai-Mûnene nîwamvere anake eengî na gatagatîrî kao onthe nîwathuurire Solomoni ekarîre gîtî Kîam ûthamaki wa Ngai-Mûnene nîguo athamakîre Isiraeli.

1Maû 29:10

Daudi nîwakumirie Ngai-Mûnene arî mbere ya andû onthe arîa maagomanîte akiuga atîrî, “Ûrokumua we Ngai-Mûnene, Ngai wa Isiraeli îthe wetû!

1Maû 29:20

Daudi nîwacokire akîra andû arîa onthe maagomanîte atîrî, “Kumiani Ngai-Mûnene, Ngai wenyu!” Nao andû onthe arîa maagomanîte nîmaakumirie Ngai-Mûnene, Ngai wa methe mao ma tene. Nîmeenamîrîrie ciongo ciao, makîgooca Ngai-Mûnene na makîva mûthamaki gîtîîo.

1Maû 29:23

Kwoguo Solomoni nîwekarîre gîtî Kîam ûthamaki wa Ngai-Mûnene na agîtuîka mûthamaki vuva wa îthe Daudi. Ûthamaki wake nîwevandire na andû onthe a Isiraeli nîmaamwathîkagîra.

2Maû 13:8

Rîu mûvangîte kûregana na ûthamaki ûrîa Ngai-Mûnene avete Daudi na njiarwa ciake nîûndû mûrî gîkundi kînene Kîam athigari na mûrî na mîvuanano ya njaû cia thaavu îrîa Jeroboamu aarûthire îtuîke ngai cienyu.

2Maû 2:10

Nîngaakûnengera tani ngiri igîrî (2,000) cia ngano, cairi tani ngiri igîrî (2,000), lita ngiri magana mana (400,000) cia ndivei na lita ngiri magana mana (400,000) cia maguta ma ndamaiyû.”

2Maû 2:11

Nake Hiramu, mûthamaki wa Turo nîwacokerie Solomoni maarûa amwandîkîrîte atîrî, “Solomoni, Ngai-Mûnene nîaragûtwire mûthamaki wa andû ake nîûndû nîamendete.

2Maû 9:7

Kaî aka aku marî na mûnyaka-î! Kaî ndungata ciaku irîa igûtungataga vîndî cionthe na ciîgucaga ciugo ciaku cia ûûgî irî na mûnyaka-î!

2Maû 9:9

Kwoguo mûndûmûka ûcio mûthamaki wa Sheba nîwanengere mûthamaki Solomoni iveo irîa aamûvirîrîte. Iveo icio ciarî: thaavu ya ûrito wa makîria ma kilo ngiri inya (4,000), mînyamû mînungi waro mîîngî, na mathiga ma goro. Gûtiarî mînyamû mînungi waro ta îo mûndûmûka ûcio mûthamaki wa Sheba aveere mûthamaki Solomoni.

Thaburi 18:19

Nîwandethirie ngiuma thînarî, aamvonokirie nîûndû nîwakenire nînie.

Thaburi 22:8

Maugaga atîrî, “Wevokire Ngai-Mûnene, nîkwa ararega gûkûvonokia nîkî? Ethîrwa Ngai-Mûnene nî akwendete, nîkwa ararega gûgûtethia nîkî?”

Thaburi 72:2

nîguo athage andû aku na kîvooto, na athage arîa avinyîrîrie na ûthingu.

Thaburi 99:4

We mûthamaki mwene Vinya Wonthe, mwendi ûthingu; Nîwonanîtie kîvooto Isiraeli; nîwonanîtie ûthingu na waragania.

Nthi 21:3

Gwîka ûndû ûrîa mwagîrîru na wa kîvooto, nî gûkenagia Ngai-Mûnene gûkîra îgongoona.

Nthi 29:4

Rîrîa mûthamaki aratûmîra kîvooto, vûrûri nîwîkindagîria, nwatî mûthamaki ûrîa wîciragia wa ûvoro wa mbeca nîacûkangagia vûrûri wake.

Isaia 42:1

Ngai-Mûnene arauga atîrî, “Îno nîyo ndungata yakwa, îrîa mbîkagîra vinya, nîyo nîîthuurîrîte, na nîyo îngenagia, nînîmwîkîrîte Roho wakwa, nîyo îkaarete kîvooto mavûrûrirî.

Isaia 62:4

We ndûgaacoka gwîtwa rîngî, “Mûtiganîrie,” na vûrûri waku ndûgaacoka gwîtwa rîngî, “Mûndûmûka mûtiganîrie.” Nwatî ûgeetagwa, “Nîngenagua nîke,” naguo vûrûri waku ûgeetagwa, “Mûndû mûvikie.” Nîûndû Ngai-Mûnene nîakenetue nîwe, nake agaatuîka ta mûndûmûrûme avikîtie vûrûri waku.

Isaia 9:7

Wathani wake nîûkaathiî na mbere ûkînenevaga; vîndî cionthe ûkethagîrwa ûrî na thayû, na nîagaatuîka mûthamaki vuva wa Daudi. Nîakaaûrûngamia na aûmenyerere, akaathanaga na kîvooto na ûthingu, kuuma rîu nginya tene na tene. Ngai-Mûnene mwene vinya wonthe nîke ûkaavingia maûndû mama.

Gûco 7:8

Nwatî aamûthuurire nîûndû wa kûmwenda na kûvingia mwîvîtwa wake kûrî methe menyu. Kîu nîkîo gîatûmire amûvonokie na vinya wake mûnene na akîmûkûûra kuuma ûkomborî wa mûthamaki wa Misiri.