2Maû 9:28 - ÎVUKU RÎA ÛVORO MWARO

²⁸ Mbarathi cia mûthamaki Solomoni ciagûragwa kuuma Misiri na kuuma mavûrûrirî marîa mengî.

2Maû 9:28 ပူးပေါင်းရင်းမြစ်များ

1Atha 10:28

Mbarathi cia mûthamaki ciaumaga Misiri na Cericia. Andû arîa maarutagîra mûthamaki wîra wa kûgûra na kwendia indo maagûraga mbarathi icio kûringana na thogora wa cio.

2Maû 1:16

Solomoni aagîraga mbarathi ciake kuuma Misiri na Kilikia.

2Maû 1:17

Andû a mûthamaki arîa maagûraga na makendia ikaari maaigûraga kuuma Misiri, na thogora wa gîkaari kîmwe warî sîlûva magana matandatû (600), naguo thogora wa mbarathi îmwe warî sîlûva îgana rîa mîrongo îtano (150). Nao nîmaaciendagia kûrî athamaki onthe a Ahiti na a Sîria.

2Maû 9:25

Mûthamaki Solomoni aarî na nyomba ngiri inya (4,000) cia mbarathi na ikaari ciacio, na athigari ngiri îkûmi na igîrî (12,000) arîa maathiîcaga matwîte mbarathi. Amwe a athigari acio aamaigire îtûûrarî rîa Jerusalemu kûrîa mûthamaki eekaraga, nao acio engî akîmaiga matûûrarî marîa maaigagwa ikaari cia mbarathi.

Isaia 31:1

Kaî arîa mathiîcaga Misiri gûcaria ûtethio marî thînarî-î, arîa mevokaga mbarathi nîûndû atî nî nyîngî, arîa mevokaga ikaari ciao cia mbaara nîûndû nî nyîngî, na athigari arîa mathiîcaga matwîte mbarathi nîûndû marî vinya nyîngî, nwatî matiîvokaga Ûrîa Mûtheru wa Isiraeli, kana maûria ûtaaro kûrî Ngai-Mûnene.