2Maû 9:24 - ÎVUKU RÎA ÛVORO MWARO

²⁴ Wa mûthamaki nîmaaviragîra Solomoni iveo wa mwaka wa mwaka. Iveo icio ciarî indo cia thaavu, sîlûva, nguo, indo cia mbaara, maguta kuuma mûtî wa mare, mînyamû mînungi waro, mbarathi na nyûmbû.

2Maû 9:24 ပူးပေါင်းရင်းမြစ်များ

1Atha 10:10

Mûndûmûka ûcio mûthamaki wa Sheba nîwacokire akîva mûthamaki Solomoni iveo irîa aamûvirîrîte: Nîwamûvere makîria ya kilo ngiri inya (4,000) cia thaavu vamwe na mînyamû mîîngî mînungi waro, na mathiga ma goro. Mînyamû îo mînungi waro yarî mîîngî gûkîra îrîa Solomoni aarî anavewa mbererî.

1Atha 10:25

Andû onthe arîa maathiîcaga kûrî ke nîmaamûviragîra iveo. Iveo icio ciarî indo cia sîlûva, thaavu, nguo, indo cia mbaara, mînyamû mînungi waro, maguta kuuma mûtî wa mare, mbarathi na nyûmbû. Gwekîkaga ûguo wa mwaka wa mwaka.

1Atha 9:14

Hiramu nîwatûmanîrîte mûthamaki Solomoni makîria ya kilo ngiri inya (4,000) cia thaavu.

2Maû 17:11

Afilisiti amwe nîmaavirîre Jehoshafati iveo, na sîlûva nyîngî. Nao Aarabu nîmaamûvirîre ndûrûme ngiri mûgwanja cia magana mûgwanja (7,700) na nthenge ngiri mûgwanja cia magana mûgwanja (7,700).

2Maû 9:23

Athamaki onthe a nthî nîmaathiîcaga kwaranîria nake nîguo megue ûûgî ûrîa Ngai aamûveete.

2Maû 9:9

Kwoguo mûndûmûka ûcio mûthamaki wa Sheba nîwanengere mûthamaki Solomoni iveo irîa aamûvirîrîte. Iveo icio ciarî: thaavu ya ûrito wa makîria ma kilo ngiri inya (4,000), mînyamû mînungi waro mîîngî, na mathiga ma goro. Gûtiarî mînyamû mînungi waro ta îo mûndûmûka ûcio mûthamaki wa Sheba aveere mûthamaki Solomoni.

Ayubu 42:11

Nao aa mûrwang'ina, na andû onthe arîa mbererî maarî arata ake, nîmaûkire kûmûcerera na makîrîcanîra nake gwake mûciî. Nîmaanyitanîre nake mathînarî make na makîmûmîrîria nîûndû wa mathîna monthe marîa aacemanîtie namo kuuma kûrî Ngai-Mûnene na wa mûndû akîmûva mbeca na gîcûvî Kîam thaavu.

Thaburi 68:30

Kaania nyamû icio itûûraga mûthanjerî; kaania mavûrûri marîa mekariî ta ndîthia ya ndegwa na tûcaû twacio, nginya mavûrûri mau makûve gîtîîo na makûrutîre gooti; nyagania andû arîa mendaga mbaara!

Thaburi 72:10

Athamaki a Tarishishi na a icîgîrîra nîmakaaruta gooti kûrî ke, athamaki a Sheba na a Seba nîmakaamûvirîra iveo.

Atir 3:15

Nwatî rîrîa Aisiraeli maarîrîre Ngai-Mûnene, Ngai-Mûnene nîwamatûmîre mûndû wetagwa Ehudi nîguo amavonokie. Ehudi aarî mûvîcî wa Gera, Mûbenjamini na aarî wa njara ya ûmotho. Andû a Isiraeli nîmaanenganîre iveo kûrî Ehudi nîguo avirîre Egiloni mûthamaki wa Moabu.

1Sam 10:27

Nwatî nîkwarî na andû amwe maarî a mana maaûririe atîrî, “Nî ûndû ûrîkû mwaro mûndû ûyû angîtwîkîra?” Nao makîmûnyûrûria na makîrega kûmûva kîveo wanarî kîmwe. Nwatî Saûlo agîkira kivi.