2Maû 9:11 - ÎVUKU RÎA ÛVORO MWARO

¹¹ Mûthamaki Solomoni nîwatûmîre mîtî îo ya mîthengera gûtuma ngathî cia hekarû na nyomba ya mûthamaki, na akîrûtha ngita na mîtûrirû ya aini a nyîmbo. Gûtionekete indo ta icio mbererî kûu vûrûrirî wa Juda.

2Maû 9:11 ပူးပေါင်းရင်းမြစ်များ

1Atha 10:12

Mûthamaki Solomoni nîwatûmîre mîtî îo ya mîthandari îrî itugî cia hekarû na cia nyomba ya mûthamaki. Nîwacokire agîtûmîra mîtî îo kûrûtha inanda na ngita cia andû arîa maainaga. Gûtirî mîtî ya mîthandari yacokire kwoneka rîngî nginya ûmûnthî.

1Maû 23:5

nao Alawi ngiri inya (4,000) marî arangîri, na engî ngiri inya (4,000) agûkumagia Ngai-Mûnene makîvûthagîra indo cia kwina nyîmbo irîa naarûthire nîûndû wa ûndû ûcio.

1Maû 25:1

Mûthamaki Daudi na anene a hekarû nîmaathuurire avîcî amwe a Asafu, Hemani na Jeduthuni nîûndû wa ûtungati wa nyîmbo. Maakumagia Ngai-Mûnene magîtûmagîra indo cia kwina ciagathîtwe na ndigi, ngita na ithaani irîa ciaringithanagua. Mûtaratara wa andû acio na wîra ûrîa maarutaga nî ûyû:

2Maû 2:8

Ndûmîra mîtî ya mîtarakwe, mîthithinda na mîthengera kuuma Lebanoni. Nîmbicî atî andû ndungata ciaku irî na wara wa gûtema mîtî kûu Lebanoni na nî magaatethania na ndungata ciakwa

2Maû 9:10

Andû a mûthamaki Hiramu na andû a mûthamaki Solomoni nîmaaretire thaavu kuuma Ofiri, mîtî ya mîthengera na mathiga ma goro.

2Maû 9:12

Mûthamaki Solomoni nîwavere mûndûmûka ûcio mûthamaki wa Sheba indo cionthe irîa eetirie gûtagûtarwa indo irîa Solomoni aamûveete nîûndû wa iveo irîa aamûvirîrîte. Kwoguo mûndûmûka ûcio mûthamaki wa Sheba marî na ndungata ciake nîmaacokire vûrûrirî wa Sheba.

Kûguû 5:8

Na vîndî îrîa Gatûrûme oocire îvuku rîu rîa gîkûnjo, ciûmbe inya irîa irî mwoyo nîciegwîthirie nthî vau mbere ya Gatûrûme. Wa kîûmbe Kîamrî na ngita na mbakûri ya thaavu îcûrîte ûbani, ûrîa aarî guo mavoya ma andû a Ngai. Wana nginya athuuri acio mîrongo îîrî na ana nîmeegwîthirie nthî vau mbere ya Gatûrûme na wa mûthuuri arî na ngita na mbakûri ya thaavu îcûrîte ûbani ûrîa arî guo mavoya ma andû a Ngai.