2Maû 9:1 - ÎVUKU RÎA ÛVORO MWARO

¹ Rîrîa mûndûmûka ûrîa warî mûthamaki wa Sheba eegwire ngumo ya mûthamaki Solomoni, nîwathiîre Jerusalemu nîguo akagerie Solomoni na ciûria nyûmû. Mûndûmûka ûcio mûthamaki wa Sheba nîwathiîre na ndungata nyîngî na ngamîîra nyîngî ikuuîte mînyamû mînungi waro, thaavu na mathiga ma goro. Rîrîa aakinyire kûrî mûthamaki Solomoni, nîwamwîrire maûndû monthe marîa maarî ngororî yake.

2Maû 9:1 ပူးပေါင်းရင်းမြစ်များ

Kîam 10:28

Obali Abimaeli na Sheba,

Kîam 10:7

Anake a Kushi maarî: Seba Havila, Sabuta, Raama na Sabuteka. Njiarwa cia Raama marî andû a Sheba na Dedani.

Kîam 25:3

Jokishani nîke warî îthe wa Sheba na Dedani. Njiarwa cia Dedani ciarî: Ashurimu, Letushi na Leumimu.

1Atha 4:31

Nîke warî mûûgî gûkîra arûme acio engî onthe; aarî mûûgî gûkîra Ethani, ûrîa Mûezara, na Hemani, Kalikoli na Darida, avîcî a Maholi. Nayo ngumo ya Solomoni nîyatambire mavûrûrirî monthe marîa maamûthiûrûrûkîrîtie.

2Maû 1:1

Solomoni, mûvîcî wa mûthamaki Daudi nî watuîkire mûthamaki wîkindîrîtie ûthamakirî wake. Nake Ngai-Mûnene, Ngai wake nî wamûrathimire na agîtûma agîa na vinya mûno.

2Maû 1:12

Kwoguo nînakûva ûûgî na ûmenyo. Na nîngûkûva indo, ûtonga, na gîtîîo gûkîra mûthamaki wa wonthe wa arîa maarî mbere yaku kana arîa magaaûka vuva waku.”

2Maû 9:2

Solomoni nîwamûcokerie ciûria cionthe irîa aamûririe na gûtirî ûndû wanarî ûmwe Solomoni aaremirwe nî kûmûtarîria.

2Maû 9:9

Kwoguo mûndûmûka ûcio mûthamaki wa Sheba nîwanengere mûthamaki Solomoni iveo irîa aamûvirîrîte. Iveo icio ciarî: thaavu ya ûrito wa makîria ma kilo ngiri inya (4,000), mînyamû mînungi waro mîîngî, na mathiga ma goro. Gûtiarî mînyamû mînungi waro ta îo mûndûmûka ûcio mûthamaki wa Sheba aveere mûthamaki Solomoni.

Thaburi 142:2

Nînîmûnengagîra mateta makwa; nînîmwîraga mathîna makwa.

Thaburi 49:4

Ngaathikagîrîria nthimo, na ndaarîrie ûrîa ciugîte ngîvûraga kînanda.

Thaburi 72:10

Athamaki a Tarishishi na a icîgîrîra nîmakaaruta gooti kûrî ke, athamaki a Sheba na a Seba nîmakaamûvirîra iveo.

Thaburi 72:15

Mûthamaki, ûrotûûratûûra! Arovewa thaavu kuuma Sheba; arovoyagîrwa nî andû vîndî cionthe; Ngai aromûrathimaga vîndî cionthe!

Thaburi 78:2

Nî mbaria namue na nthimo, maûndû marîa matwîre marî mathithe kuuma tene,

Nthi 1:6

nîguo mataûkagîrwe nî nthimo na ngerekano, mîario ya andû arîa aûgî na ndaî ciao.

Isaia 60:6

Ikundi cia ngamîîra nîigaakunîka vûrûri waku, njaû cia ngamîîra cia kuuma Midiani na Efa. Cionthe nîigaaûka kuuma Sheba ikûreterete thaavu na ûbani, na nîikaanîrîra ngumo ya Ngai-Mûnene!

Mathaayo 12:34

Mue rûciaro rwa njoka, mûngîvota atîa kwaria maûndû maro na mûrî andû acûku? Kanyua karagia maûndû marîa mecûrîte ngororî.

Mathaayo 12:42

Mûthenya wa îtuîro, mûndûmûka mûthamaki wa Sheba nîakaarûngama na onanie ûrîa mue andû a rûciaro rûrû mûrî acûku. Mûndûmûka ûcio nîwathiîre rûgendo rûraca kûthikîrîria ûûgî wa mûthamaki Solomoni. Nie nîramwîra atî ava varî na mûndû mûnene gûkîra Solomoni.

Mathaayo 13:11

Nake Jesû nîwamacokerie atîrî, “Mue nîmûvetwe ûmenyo wa nthitho cia ûthamaki wa îgûrû nwatî acio engî tî ave.

Mathaayo 13:35

Eekire ûguo nîguo maûndû mavingue marîa mûrathi aaririe akiuga atîrî: “Nie nîngaatûmîra ngerekano ngîmarîria, nîngaamera maûndû marîa mataanamenyekana kuuma rîrîa nthî yaûmbirwe.”

Mathaayo 2:11

Na rîrîa maatonyire nyomba, nîmoonire mwana ûcio arî na ng'ina Mariamu. Nao nîmaaturirie maru mbere ya mwana ûcio na makîmûgooca. Nîmaacokire makîovora mîvuko yao, makîruta indo cia goro mûno makîva mwana ûcio. Nacio indo icio ciarî: thaavu, maguta maanungaga waro, na ndawa ya goro mûno kuuma kûrî mûtî wîtagwa mare.

Luka 11:31

Mûthenya wa îtuîro wakinya, mûndûmûka ûrîa warî mûthamaki wa vûrûri wa Sheba nîakaarûngama na athitange andû a rûciaro rûrû, nîûndû ke nîwathiîre rûgendo rûraca mûno rwa kuuma vûrûrirî wake na akîthiî kûthikîrîria ûûgî wa Solomoni. Nwatî rîu nîramwîra nama atî ava varî na mûndû mûnene gûkîra Solomoni.

1Sam 1:15

Nwatî Hana nîwacokirie na akiuga atîrî, “Naarî mwathi wakwa ndirî mûrîu. Nie nînîrathînîka mûno ngororî yakwa, na mbîthîrîtwe ngîvoyaga Ngai-Mûnene nîûndû wa mathîna marîa nîrî namo.