2Maû 8:6 - ÎVUKU RÎA ÛVORO MWARO

⁶ Nîwatumire rîngî Baalathi na akirigîra matûûra monthe marîa maarî na nyomba cia kwigagwa indo, na matûûra marîa maigîtwe mbarathi na ikaari ciacio. Nîwathiîre na mbere gûtuma kîrîa kîonthe endaga gûtuma Jerusalemu, Lebanoni na kûndû kuonthe kûrîa aathanaga.

2Maû 8:6 ပူးပေါင်းရင်းမြစ်များ

1Atha 10:26

Solomoni nîwaûnganirie vamwe ikaari cia mbaara na andû arîa maathiîcaga matûîte mbarathi. Aarî na ikaari ngiri îmwe na magana mana (1,400) cia mbaara, na athigari ngiri îkûmi na igîrî (12,000) arîa mathiîcaga matûîte mbarathi. Aamaigire matûûrarî marîa maaigagwa ikaari cia mbaara, nao acio engî akîmaiga Jerusalemu kwa mûthamaki.

1Atha 7:2

Nîwatumire nyomba nene yetagwa, nyomba ya mûtitû wa Lebanoni. Nyomba îo yarî na ûraca wa mita mîrongo îna na inya, wariî wa mita mîrongo îîrî na igîrî, na ûraca na îgûrû wa mita îkûmi na ithatû na nuthu. Yarî na mîvari îthatû ya itugî cia mîtarakwe, na mbaû ndiku cia mîtarakwe cigîrîrîtwe îgûrû rîa itugî icio.

1Atha 9:1

Rîrîa mûthamaki Solomoni aarîkirie gûtumîra Ngai-Mûnene hekarû, na gûtuma mûciî wa mûthamaki, vamwe na kûvingia maûndû monthe marîa eendaga gwîka,

2Maû 1:14

Solomoni nîwagîre na ikaari ngiri îmwe na magana mana (1,400) cia mbarathi na athigari ngiri îkûmi na igîrî (12,000) arîa maathiîcaga matwîte mbarathi. Nîwamaigire matûûrarî manene marîa maaigagwa ikaari icio na ciîngî agîciga îtûûrarî rîa Jerusalemu.

2Maû 17:12

Mûthamaki Jehoshafati nîwathiîre na mbere kûgîa na vinya mûno vûrûrirî wa Juda. Nîwatumire matûûra marî na nyomba cia kwigwa indo na akîmairigîra na rûthingo.

2Maû 8:4

Nîwatumire îtûûra rîa Tadimoru werûrî, na agîtuma nyomba cia kwigagwa indo matûûrarî marîa aatumire Hamathi.

2Maû 8:5

Solomoni nîwacokire agîtuma Bethi Horoni ya mwena wa îgûrû na Bethi Horoni ya mwena wa ngurumo. Nîwamairigîre na nthingo, na agîkîra ivingo cia cuuma.

2Maû 8:7

Kûrî andû mataarî Aisiraeli maatigirwe matûûrage vûrûrirî ûcio. Andû acio maarî: Ahiti, Amori, Aperizi, Ahivi, na Ajebusi.

Mûvunjia 2:4

Nînarutire mawîra manene. Nînatumire nyomba na ngîvanda mîthavibu mîgûndarî yakwa.

Rwîmbo rwa Nyîmbo 4:8

Mûviki wakwa nyûrûrûka ume irîmarî cia Lebanoni, ûka tuume Lebanoni. Nyûrûrûka ume îgûrû rîa kîrîma Kîam Amana, ume kîrîmarî gîa Seniri na Kîam Herimoni, kûrîa mînyambû na ngarî itûûraga.

Josh 19:44

Eliteke, Gibethoni, Baalathi,