2Maû 8:18 - ÎVUKU RÎA ÛVORO MWARO

¹⁸ Mûthamaki Huramu nîwatûmîre Solomoni meri itongoretue nî anene ake na ndungata ciake irîa ciaicî kûthiîrîra îriarî mûno. Nao, marî vamwe na andû a Solomoni nîmaathiîre vûrûrirî wa Ofiri na makîretere Solomoni thaavu ya ûrito wa makîria ma kilo ngiri îkûmi na ithano (15,000).

2Maû 8:18 ပူးပေါင်းရင်းမြစ်များ

1Atha 10:22

Solomoni aarî na gîkundi Kîam meri cia Tarishishi ciathiîcaga vamwe na gîkundi Kîam meri cia Hiramu. Varî îvinda rîa mîaka îthatû, meri icio cia Tarishishi nîciacokaga rita rîmwe ikuuîte thaavu, sîlûva, mîguongo, nthinwa na ngoroi.

2Maû 9:10

Andû a mûthamaki Hiramu na andû a mûthamaki Solomoni nîmaaretire thaavu kuuma Ofiri, mîtî ya mîthengera na mathiga ma goro.

2Maû 9:13

Mwaka wa mwaka, mûthamaki Solomoni nîwaviragîrwa thaavu ya ûrito wa vakuvî kilo ngiri mîrongo îîrî na ithatû (23,000),

2Maû 9:21

Meri cia mûthamaki ciathiîcaga Tarishishi ikîmenyagîrîrwa nî ndungata cia mûthamaki Huramu. Vuva wa mîaka îthatû, meri icio nîciaretaga thaavu, sîlûva, mîguongo, nthinwa, na ngoroi kuuma Tarishishi.

Mûvunjia 2:8

Nînaagîre na sîlûva na thaavu kuuma mîthithûrî ya athamaki a mavûrûri marîa naathaga. Nînaagîre na aini a nyîmbo a aka na arûme na aka eengî a kwigwa arîa mûndûmûrûme angîenda.