2Maû 8:14 - ÎVUKU RÎA ÛVORO MWARO

¹⁴ Solomoni nîwarûthire mûvango wa wîra wa wa mûthenya wa athînjîri-Ngai na Alawi arîa maatethagia athînjîri-Ngai kwina na kûruta wîra wao kûringana na watho wa îthe Daudi. Nîwavangire arangîri a ivingo ikundi na akîmava wîra wa gwîkaragia ivingo cionthe wa mûthenya kûringana na ûrîa Daudi ndungata ya Ngai aathanîte.

2Maû 8:14 ပူးပေါင်းရင်းမြစ်များ

2Sam 23:2

Roho wa Ngai-Mûnene nî araria na njîra yakwa; ndûmîrîri yake îrî kanyuarî gakwa.

1Atha 13:1

Ngai-Mûnene nîwathire mûndû wa Ngai kuuma Juda athiî Betheli. Nake rîrîa aakinyire nîwethîrîrie Jeroboamu arûngamîte vau metharî ya kîgongoona akîenda kûruta îgongoona.

1Maû 16:37

Mûthamaki Daudi nîwatwire Asafu na andû ao Alawi a kûmenyagîrîra wa mûthenya wa mûthenya ûgooci Ngai mbere ya îthandûkû rîa kîrîkanîro Kîam Ngai-Mûnene ta ûrîa kwagîrîrîte,

1Maû 16:42

Hemani na Jeduthuni maarî na wîra wa kûvuva tûrumbeta, kûringithania ithaani, na indo ciîngî irîa ciavûthagîrwa vîndî ya kwina nyîmbo cia gûkumia Ngai-Mûnene. Avîcî a Jeduthuni nîmaathuurirwe matuîke arangîri.

1Maû 23:1

Daudi akûra mûno nîwatuire mûvîcî Solomoni mûthamaki wa Isiraeli.

1Maû 24:1

Njiarwa cia Aroni nîciagaanîtue ikundi mwanya mwanya. Avîcî a Aroni maarî: Nadabu, Abihu, Eleazaru na Ithamaru.

1Maû 24:3

Mûthamaki Daudi nîwatethirue nî mûthînjîri-Ngai Zadoku wa njiarwa cia Eleazaru na mûthînjîri-Ngai Ahimeleku wa njiarwa cia Ithamaru kûmagaania kûringana na mawîra marîa maavetwe ma ûtungati.

1Maû 25:1

Mûthamaki Daudi na anene a hekarû nîmaathuurire avîcî amwe a Asafu, Hemani na Jeduthuni nîûndû wa ûtungati wa nyîmbo. Maakumagia Ngai-Mûnene magîtûmagîra indo cia kwina ciagathîtwe na ndigi, ngita na ithaani irîa ciaringithanagua. Mûtaratara wa andû acio na wîra ûrîa maarutaga nî ûyû:

1Maû 26:1

Ûyû nîguo mûtaratara wa ûrîa wîra wa kûrangîra hekarû wagairwe. Kuuma mbarî ya Kora nîkwathuurirwe Meshelamia mûvîcî wa Kore ûrîa warî wa njiarwa cia Asafu.

1Maû 28:19

Mûthamaki Daudi nîwaugire atîrî, “Maûndû mama monthe nînîmandîkîte nûmîrîrîte ûtaari kuuma kûrî Ngai-Mûnene ke mwene na nîwamvotithirie gûtaûkîrwa nî mûvano ûcio wonthe.”

1Maû 9:17

Arangîri a hekarû aya mandîkîtwe maatûûraga Jerusalemu. Nao nî Shalumu, Akubu, Talimoni, na Ahimani na aa mûrwang'ina. Shalumu nîke warî mûtongoria wao.

1Maû 9:24

Arangîri meethagîrwa marî mîena yonthe îna, mwena wa îrathîro, îthûîro, rûgûrû, na mwena wa îveti.

2Maû 23:19

Jehoiada nîwaigire arangîri a ivingo ivingorî cia hekarû nîguo mûndû wa wonthe ûrî na mûgiro wa mûthemba wa wonthe ndagatonye.

2Maû 23:4

Nîmwîka atîrî, rîrîa mue, athînjîri-Ngai na Alawi mûgaaûka kûruta wîra ûrîa mûrutaga mûthenya wa thavatû, gîcunjî kîmwe îgûrû rîa ithatû kîenyu nîkîo gîgaatuîka arangîri a ivingo.

2Maû 29:25

Mûthamaki Hezekia nîwarûmîrîre maûndû marîa Ngai-Mûnene aathîte mûthamaki Daudi na njîra ya Gadi ûrîa warî mwoni maûndû ma mûthamaki na mûrathi Nathani. Kwoguo nîwaigire Alawi hekarûrî marî na mîtûrirû, ngita na ithaani irîa iringithanagua kûringana na ûrîa Ngai-Mûnene aathanîte na njîra ya arathi ake.

2Maû 31:2

Mûthamaki Hezekia nîwavangire athînjîri-Ngai na Alawi ikundi mwanya na akîgaîra wa mûndû wîra wa kûruta hekarûrî. Wîra ûcio warî ta wa kûruta matega ma kûvîvua na matega ma thayû, gûtungata ûgoocirî wa Ngai, gûcokia ngatho na gûkumia Ngai-Mûnene.

2Maû 35:10

Vîndî îrîa maûndû monthe ma pasaka maavangirue, athînjîri-Ngai na Alawi nîmeekarire wa gîkundi vandû vao wata ûrîa mûthamaki aathanire.

2Maû 35:15

Nao aini a nyîmbo kuuma mbarî ya Asafu nîmeekarîte varîa maathîtwe mekarage nî mûthamaki Daudi, Asafu, Hemani, na Jeduthuni ûrîa warî mwoni maûndû ma mûthamaki. Nao arangîri a ivingo mekarîte ivingorî irîa mekaragia. Gûtiarî na vata wao maume wîrarî nîûndû Alawi acio engî nîmaamavarîrîtie pasaka.

2Maû 35:4

Rutagani wîra kûringana na mbarî cienyu na ikundi cienyu, wata ûrîa Daudi, mûthamaki wa Isiraeli na mûvîcî Solomoni maathanire.

2Maû 5:11

Athînjîri-Ngai onthe a ikundi cionthe arîa maagomanîte kuo nîmaaumire vandû varîa vatheru meyamûrîte na metheretie.

2Maû 8:15

Athînjîri-Ngai na Alawi nîmaavingirie maûndû monthe marîa maathîtwe nî Daudi wana ma nyomba irîa ciaigagwa indo.

Ezira 6:18

Nao athînjîri-Ngai na Alawi nîmaaveerwe wîra wa ûtungata wa hekarû kûu Jerusalemu wata ûrîa wandîkîtwe îvukuurî rîa Musa.

Nehemia 12:24

Atongoria a Alawi maarî: Hashabia, Sherebia, Jeshua mûvîcî wa Kadimieli. Nao aa mûrwang'ina nîmaarûngamaga mwena ûcio wîngî merekanîrîte na nîmaainaga nyîmbo cia gûkumia na gûcokia ngatho kûrî Ngai kûringana na ûrîa Daudi mûndû wa Ngai amaathîte.

Nehemia 12:25

Matania, Bakibukia, Obadia, Meshulamu, Talimoni, na Akubu maarî arangîri na maarangagîra nyomba irîa ciaigagwa indo marî ivingorî cia hekarû.

Nehemia 12:36

Nao andû ao; Shemaia, Azareli, Milalai, Gilalai, Maai, Nethanieli, Juda, na Hanani, marî na indo cia kwina ta irîa cia Daudi mûndû wa Ngai nîmaamarûmîrîrîte. Nake Ezira mûndû ûrîa warî na ûgî mwîngî maûndûrî megiî watho nîke watongoretie gîkundi kîu.

Luka 1:5

Vîndî îrîa Herode aarî mûthamaki wa Judea, kwarî na mûthînjîri-Ngai wetagwa Zakaria, ûrîa warî wa gîkundi Kîam athînjîri-Ngai Kîam Abija. Mûka eetagwa Elizabethi na aarî wa mûvîrîga wa Aroni.

Luka 1:8

Mûthenya ûmwe Zakaria nîwarutaga wîra wa gûtungata hekarûrî arî mûthînjîri-Ngai vîndî ya gîkundi kîrîa aarî wakîo.

Ciîko 13:22

Na rîrîa Ngai aamûrutire wathanirî, Ngai nîwathuurire Daudi nîguo atuîke mûthamaki wao. Nake Ngai nîwarutire ûira wîgiî Daudi na akiuga atîrî: ‘Nie nîmonete atî Daudi mûrû wa Jesse nîke mûndû ûrîa ngoro yakwa îthuurîte. Ke nîke ûgwîka maûndû monthe marîa nie ngwenda eke.’

Ciîko 13:36

Vîndî îrîa Daudi aarî mwoyo, nîwavingirie wendi wa Ngai. Ke nîwacokire agîkua na akîthikwa, na mwîrî wake ûkîorera mbîrîrarî.

Gûco 33:1

Gîkî nîkîo kîrathimo kîrîa Musa, mûndû wa Ngai aatigîre andû a Isiraeli mbere ya akue.