2Maû 8:13 - ÎVUKU RÎA ÛVORO MWARO

¹³ Aarutaga magongoona mîthenya îrîa mîamûre kûringana na ûrîa watho wa Musa waugîte. Mîthenya îo nî: thavatû, karûngamo ka mweri, na vîndî ya irugo ithatû cia wa mwaka, na nîcio: kîrugo Kîam mîgate îtarî mîkîre ndawa ya kwimbia, kîrugo Kîam vîndî ya maketha, na kîrugo gîa tûnyomba.

2Maû 8:13 ပူးပေါင်းရင်းမြစ်များ

1Atha 9:25

Solomoni nîwarutagîra matega ma kûvîvua na ma thayû metharî ya kîgongoona îrîa aatumîrîte Ngai-Mûnene maita mathatû wa mwaka. Nwa wavîvagîria Ngai-Mûnene ûbani. Ûguo nîguo aarîkirie gûtuma hekarû.

2Maû 2:3

Solomoni nîwatûmanire kûrî Hiramu, mûthamaki wa Turo na akîmwîra atîrî, “Mindîra mîtî ya mîtarakwe ta ûrîa wekire vava Daudi rîrîa wamwindîre mîtî ya gûtuma nyomba yake.

Nehemia 8:17

Andû onthe arîa maaûkîte kuuma îthamîriorî nîmaatumire tûnyomba magîtûûra kuo. Kuuma vîndî ya Joshua mûvîcî wa Nuni nginya mûthenya ûcio andû a Isiraeli matiagîte na kîrugo gîa tûnyomba. Andû a Isiraeli nîmaagîre na gîkeno kînene mûno.

Ntha 34:22

“Ririkanaga kîrugo Kîam maketha vîndî îrîa mwambîrîria maketha ma ngano, na kîrugo gîa tûnyomba mwaka ûkîthira.

Ntha 34:23

“Arûme onthe enyu nwanginya mathiîcage kûgooca Ngai-Mûnene, Ngai wa Isiraeli maita mathatû wa mwaka.

Ezek 45:17

Nake mûnene ûrîa ûrathana nîke wagîrîrwe nî kûvecana nyamû cia îgongoona irîa ikaavîvua itarî nthînje, matega ma irio cia mûgûnda na matega ma indo cia kûnyua vîndî ya irugo cia karûngamo ka mweri, thavatû na irugo cionthe irîa nyamûre cia andû a Isiraeli. Vamwe na ûguo nîakaaruta matega ma kûthiria mevia, matega ma irio cia mûgûnda, matega ma kûvîvua na matega ma thayû nîguo agwatanie andû onthe a Isiraeli.

Gûco 16:16

“Arûme onthe vûrûrirî wenyu makaathiîcaga maita mathatû wa mwaka kûgooca Ngai-Mûnene Ngai wenyu varîa akaathuura va kûgoocagîrwa vîndî ya kîrugo Kîam pasaka, Kîam maketha na gîa tûnyomba. Mûndûmûrûme wa wonthe akaaviragîra Ngai-Mûnene kîveo