2Maû 7:7 - ÎVUKU RÎA ÛVORO MWARO

⁷ Solomoni nîwamûrire gatagatî ga kîvaro kîrîa kîrî mbere ya hekarû ya Ngai-Mûnene. Arî vau nîwarutire magongoona ma kûvîvua na mathunya ma matega ma thayû, nîûndû metha ya kîgongoona ya gîcango îrîa aatumîte ndîngîavotire kwîganîra matega makûvîvua, ma irio na mathuma ma thayû.

2Maû 7:7 ပူးပေါင်းရင်းမြစ်များ

2Maû 36:14

Athînjîri-Ngai na atongoria a andû a Juda nîmeekire maûndû macûku ma kûgooca ngai cia mîvuanano ta marîa meekagwa nî mavûrûri marîa mengî. Kwoguo nîmaagwatirie hekarû ya Ngai-Mûnene mûgiro, îrîa ke mwene aamûrîte kûu Jerusalemu.

2Maû 4:1

Mûthamaki Solomoni nîwatumire metha ya kîgongoona ya gîcango ya ûraca wa mita kenda (9), na wariî wa mita kenda (9). Ûraca na wariî wayo nîcieganene. Naguo ûraca wayo na îgûrû warî wa mita inya na cendimita mîrongo îtano (4.50).

Ndari 29:39

“Mama nîmo mawatho marîa megiî matega ma kûvîvua, matega ma irio cia mûgûnda, matega ma thayû, matega ma indo cia kûnyuwa, marîa mûkaarutagîra Ngai-Mûnene vîndî ya irugo cienyu wata ûrîa ivangîtwe. Mûkaarutaga matega mau vamwe na matega marîa mûrutagîra Ngai-Mûnene nîûndû wa kûvingia mwîvîtwa na matega ma kwîyendera.