2Maû 7:5 - ÎVUKU RÎA ÛVORO MWARO

⁵ Solomoni nîwarutire ndegwa ngiri mîrongo îîrî na igîrî (22,000), ng'ondu ngiri îgana rîmwe rîa mîrongo îîrî (120,000) irî matega ma thayû. Kwoguo mûthamaki na andû onthe a Isiraeli nîmaamûrire hekarû.

2Maû 7:5 ပူးပေါင်းရင်းမြစ်များ

1Maû 29:21

Mûthenya ûcio warûmîrîrîte nîmaarutîre Ngai-Mûnene magongoona. Nîmaarutîre Ngai-Mûnene matega ma kûvîvua ma ndegwa ngiri îmwe (1,000), ndûrûme ngiri îmwe, (1,000) na tûgondu ngiri îmwe (1,000), na matega ma ndivei, na matega mengî nîûndû wa andû onthe a Isiraeli.

2Maû 1:6

Solomoni nîwathiîre mbere ya îgema rîa Ngai-Mûnene varîa metha ya kîgongoona ya gîcango yarî na nîwarutîre Ngai-Mûnene matega ma kûvîvua ma ndegwa ngiri îmwe metharî îo.

2Maû 15:11

Mûthenya ûcio nîmaarutîre Ngai-Mûnene magongoona ma ng'ombe magana mûgwanja (700) na ng'ondu ngiri mûgwanja (7,000). Indo icio nî irîa Asa na athigari ake maatavîte kuuma kûrî nthû ciao.

2Maû 2:4

Nînîratuma hekarû ya Ngai-Mûnene, Ngai wakwa na nîmîamûrîre ke, îtuîke ya kûvîvagîrua matega ma ûbani ûrîa mûnungi waro na gwa kwigagwa mûgate ûrîa mwamûre vîndî cionthe. Nwakuo gûkaarutagîrwa matega ma kûvîvua marîa marutagwa iraûko cionthe na ivwaî cionthe, na mîthenya ya thavatû, irugo cia mweri wacicûka, na irugo cia mîthenya îrîa mîamûre, wata ûrîa athîte andû a Isiraeli matûûre mekaga tene na tene.

2Maû 30:24

Hezekia, mûthamaki wa Juda nîwavere andû ndegwa ngiri îmwe na ng'ondu ngiri mûgwanja (7,000) cia kûrîwa nî andû. Nao anene nîmaaveere andû ndegwa ngiri îmwe (1,000) na ng'ondu ngiri îkûmi (10,000). Athînjîri-Ngai eengî nîmeetheririe.

2Maû 5:6

Mûthamaki Solomoni na andû onthe a Isiraeli nîmaagomanire mbere ya îthandûkû rîa kîrîkanîro na makîruta îgongoona rîa ng'ondu na ng'ombe nyîngî itangîatarîkire.

2Maû 7:4

Mûthamaki Solomoni na andû onthe nîmaacokire makîrutîra Ngai-Mûnene magongoona.

2Maû 7:6

Athînjîri-Ngai nîmaarûngamire varîa maavangîrîtwe marûngame, nao Alawi makîrûngama magîkumagia Ngai-Mûnene na indo cia nyîmbo irîa mûthamaki Daudi aarûthîte makiugaga atîrî, “Wendo wa Ngai-Mûnene ûtathiraga nî wa tene na tene!” Maainire ûguo wata ûrîa maathîtwe nî Daudi. Athînjîri-Ngai maavuvaga tûrumbeta nao andû onthe a Isiraeli marûngamîte.

Ezek 45:17

Nake mûnene ûrîa ûrathana nîke wagîrîrwe nî kûvecana nyamû cia îgongoona irîa ikaavîvua itarî nthînje, matega ma irio cia mûgûnda na matega ma indo cia kûnyua vîndî ya irugo cia karûngamo ka mweri, thavatû na irugo cionthe irîa nyamûre cia andû a Isiraeli. Vamwe na ûguo nîakaaruta matega ma kûthiria mevia, matega ma irio cia mûgûnda, matega ma kûvîvua na matega ma thayû nîguo agwatanie andû onthe a Isiraeli.

Mika 6:7

Ngai-Mûnene nî agaakena, namûvirîra ndûrûme ngiri nyîngî, kana maguta meengî mûno ma ndamaiyû? Ngaamûvirîra îrikithathi rîakwa nîûndû wa mavîtia makwa, mwana wakwa nîûndû wa mevia makwa?

Ndari 7:10

Atongoria nîmaarutire matega nîûndû wa gûkûngûîra metha ya kîgongoona îkîamûrwa. Na rîrîa meevarîrie kûvira matega metharî ya kîgongoona,

Johana 10:22

Îvinda nîrîakinyire rîa kîrugo gîa gûkûngûîra kwamûrwa kwa hekarû îtûûrarî rîa Jerusalemu. Kwarî vîndî ya mvevo.